Með ása í ermum

 Í gær var það Bjarni Fritzson sem kom skemmtilega á óvart og í kvöld var það Hannes Jón Jónsson. Þessir leikmenn hafa bætt sig gífurlega á undanförnum mánuðum og eru svo sannarlega komnir í landsliðsklassa. Ef Einar Hólmgeirsson verður í stuði líka þá þurfum við litlu að kvíða.

Við meigum ekki gleyma því að Svíarnir eru með sterkara lið en Tékkar, auk þess sem mér fannst Tékkarnir gefast full auðveldlega upp í kvöld. Svíarnir munu koma dýrvitlausir til leiks á fimmtudaginn og það verðum við líka að gera. Öðruvísi hefst þetta ekki. En lið okkar virkar þræl sterkt um þessar mundir og ég er farinn að hallast að því að það sé jafnvel enn sterkara en liðið sem vann B-keppnina 1989. Það er reyndar heldur veikara í dag hvað skyttur vinstramegin varðar, en Garcia, Logi, Guðjón Valur og Hannes Jón eru fjölhæfir leikmenn og sterkir og Alfreð virðist snillingur í að ná upp sjálfstrausti, en það er lykilatriði að mínu mati. Hvað væru Svíarnir ef þeir væru ekki að rifna úr monti?

Öruggur sigur Íslands, 33:28

Athugasemdir

[Brattur, 14.1.2008 kl. 23:04]

... ég held við tökum Svíana... íslenska liðið lítur mjög vel út og jafnvel markverðirnir hafa verið að verja vel... var ekki alltaf talað um Svíagrýluna?... held að nú sé það Íslandsgrýlan sem Svíarnir óttast mest og skjálfa í hnjáliðunum... en fyrir utan það, þá eru þeir svakalega montnir... eða var það bara hann Faxi...?

[Gunnar Th. Gunnarsson, 15.1.2008 kl. 00:51]

Öll liðin í okkar riðli eru sennilega sterkari en Tékkar nema Slóvenar. Við getum alveg farið alla leið að þessu sinni en þá verður allt að ganga upp. Faxi var alveg óþolandi blessaður en sænska mentalitetið fleytir þeim langt.