Slæmt fordæmi, fjandinn laus

 Ef Þorgerður Katrín fer eftir "eftirá" ákvörðun húsafriðunarnefndar, þá leggur hún línurnar um framtíð Laugavegarins. Samansafn hálfónýtra húsa mun verða baggi á borgarbúum, því ekki mun nokkur heilvita manneskja leggja eigið fé í nostalgíuhugsjónir áhugafólks um húsafriðun. Þetta verður eilífðar höfuðverkur og botnlaus hít sem almannafé rennur í. Alvöru kaupmenn munu flýja götuna smátt og smátt og eftir standa kolaportssölur í löngum röðum. Kannski rís þarna nýtt borgríki eftir nokkra áratugi, í stíl við Kristjaníu í Köben. Hústökufólk og sýruhippar að selja mishollar neysluvörur.

Ráðherra friði Laugavegshús

Athugasemdir

[Geiri (IP-tala skráð) 9.1.2008 kl. 06:07]

Ahhh ég er sammála þér fyrir utan seinasta skotið... "Hústökufólk og sýruhippar að selja mishollar neysluvörur"

Eru sjoppur og barir í miðbænum að selja hollari vörur?

[Gunnar Th. Gunnarsson, 9.1.2008 kl. 18:03]

Ég er reyndar að tala um annarskonar og ólöglegar vörur

[Geiri (IP-tala skráð) 10.1.2008 kl. 09:52]

Þú ert ekki að skilja spurninguna...

Yrðu slíkar ólöglegar vörur verri heldur en það sem er selt í miðbænum í dag? T.d. skyndibitamatur, áfengi og sígarettur. Er þetta ekki bara svipað? Allt slæmt.

[Gunnar Th. Gunnarsson, 10.1.2008 kl. 11:30]

Jú, allt bölvaður óþverri  

[Ragnar Bjarnason, 13.1.2008 kl. 00:25]

Já, það þarf að hugsa sig það verulega vel til enda hvernig á að umgangast þessar byggingar okkar sem oft á tíðum voru af vanefnum byggðar og eru satt best að segja ekkert til þess fallnar að friða í stórum stíl. Þar er ég ekki að tala um að allt skuli burt heldur þarf að sjá hlutina í heildrænu ljósi og eiga til framtíðar það sem markverðast er en ekki hvaða kumbalda sem er.

[Gunnar Th. Gunnarsson, 13.1.2008 kl. 00:50]

Akkurat Ragnar. Það eru öfgar í þessu eins og mörgu öðru...kannski á báða bóga