Bridge

Ég fer í Bridge einu sinni í viku. Bridgefélag Fjarðabyggðar heldur tvímenning o.fl. mót í félagsaðstöðu eldri borgara í Melgerði 13 á Reyðarfirði. Þáttaka hefur verið óvenju góð í haust og14-18 pör hafa skráð sig til leiks undanfarnar vikur. Í fyrra voru gjarnan 8-10 pör og stundum færri. Spilararnir koma víða að frá Austurlandi, frá Djúpavogi í suðri, Fljótsdalshéraði og Fjarðabyggð allri sem telur 5 þéttbýliskjarna. 

Ég skreyti hillu á áberandi stað í stofunni heima hjá mér, með eina verðlaunagrip mínum úr þessu áhugamáli mínu, 1. verðlaun í einmenningi í fyrra. Mér og makker mínum hefur gengið misjafnlega í vetur, oft verið í kringum miðjan hóp, stundum neðar. En við náðum líka öðru sæti fyrir nokkrum vikum siðan, en þá tók félagi minn upp á því að fara í frí til útlanda í þrjár vikur, og við höfum ekki náð upp almennilegum dampi síðan.

Sem minnig mig á þetta: "Hvað er líkt með bridge og kynlífi? Ef þú hefur ekki góðan makker er eins gott að hafa góða hönd!".

Athugasemdir

[Þorsteinn Sverrisson, 21.11.2007 kl. 22:29]

Góður brandari Gunnar. Ég spila sjálfur bridge stöku sinnum. En brandarinn minnir mig á áþekkan brandara sem ég heyrði um golf. Hvað er líkt með golfi og kynlífi? Jú þú getur haft gaman af því þó þú sért ekki góður í því