Ólína og skítapakkið

Fyrir mörgum árum síðan var Ólína Þorvarðardóttir áberandi í Alþýðuflokknum sáluga. Eitthvað gekk henni illa að komast til áhrifa og það líkaði henni afar illa. Þess vegna kvaddi hún flokkinn og flokkssystkyn sín með þeim orðum að í Alþýðuflokknum væri samansafn af fólki sem í daglegu tali kallaðist skítapakk. Þau ummæli hennar voru í stríðsfréttaletri í einhverju dagblaðanna. Mörgum er í fersku minni viðskilnaður hennar við Menntaskólann á Ísafirði en sá farvegur sem það mál fór í er fáheyrður.

Eins og bloggáhugamenn vita, heldur Ólína úti bloggsíðu hér á Moggablogginu og ég hef nokkrum sinnum kíkt þar inn. Oftar en ekki er ég ósammála henni þegar hún fjallar um mál og hef nokkrum sinnum gert athugasemdir hjá henni. Fyrir athugasemd sem ég gerði og sjá má HÉR var ég útilokaður frá frekari athugasemdum við blogg hennar. Mér skilst að fleiri séu í skammakróknum hjá fyrrverandi skólameistaranum. Ég skil ekki svona fólk.

Athugasemdir

[Jenný Anna Baldursdóttir, 23.9.2007 kl. 15:53]

Þetta heitir skítkast, og er þér til lítils sóma.  Ósköp finnst mér langt seilst.

[jonas (IP-tala skráð) 23.9.2007 kl. 16:14]

æji veit ekki.  Eitthvað kallast það þegar fólk er útilokað frá umræðu fyrir það eitt  að vera ósammála.  Ekki fannst mér votta fyrir dónalegheitum í athugasemdum við bloggi ólínu.

Það er hins vegar Ólínu til minnkunnar að þola ekki að fólk sé ósammála einhverju.  Myndi skilja það ef dónaskapur væri á ferðinni.  En svona er þetta .  Sumir verða bara að hafa "já" fólk í kringum sig.

[Gunnar Th. Gunnarsson, 23.9.2007 kl. 16:23]

Nú?? Er sannleikurinn orðinn að skítkasti?

[Helga Kristín (IP-tala skráð) 23.9.2007 kl. 20:06]

Já, þetta er skítkast hjá þér Gunnar. Auk þess geta allir séð sem vilja, að þú hefur nú sagt ýmislegt fleira á síðunni hennar Ólínu en sést í þessari tilvísun hjá þér. Þetta er ekki heiðarlegur málflutningur, og mér finnst þú leggjast lágt.

[Velviljuð (IP-tala skráð) 23.9.2007 kl. 20:53]

Já, ég tek undir með Helgu Kristínu. Þeir sem lesa bloggsíðuna hennar Ólínu geta líka séð að hún hefur svo sannarlega ekki bara JÁ-fólk í kringum sig. Það er henni einmitt til mikils sóma. Og hananú.

[Gunnar Th. Gunnarsson, 23.9.2007 kl. 22:02]

Ég hef aldrei verið ómálefnalegur á síðunni henna Ólínu né dónalegur. Ég skora á ykkur að benda á dónaskap af minni hálfu. En ósammála henni hef ég verið. Hins vegar hafa fleiri en ég fengið sömu meðferð hjá henni fyrir það eitt að vera henni ósammála. Ég velti því óneitanlega fyrir mér hvort það eigi að koma á óvart í ljósi ferils hennar.

[Velviljuð (IP-tala skráð) 23.9.2007 kl. 23:10]

Það er nú ekki víst að við höfum séð allar athugasemdirnar þínar - síðueigendur hafa heimild (og vald) til þess að fela athugasemdir.

Hins vegar hefur þú verið fyrirferðarmikill á síðunni hennar að undanförnu. 

[Gunnar Th. Gunnarsson, 23.9.2007 kl. 23:25]

Ég held að hún hafi eytt einni athugasemd frá mér, sem var ástæðulaust að mínu mati og raunar út í hött. Aðrar athugasemdir geta allir séð. En er það ekki fullmikið sagt að ég hafi verið fyrirferðarmikill á síðunni hennar? Auk þess þá blokkaði hún mig út fyrir þá athugasemd sem ég vísa í. Dæmi hver sem vill.