Hugsanlega er annað sætið í okkar riðli ekki gott

Ég hef miklar áhyggjur af sóknarleik liðsins hjá nokkrum liðsmönnum. Ég held að sóknarbrot (ruðningur) bara hjá Ágeiri Erni hafi verið 6.

Ég hef ekki trú á því að við vinnum Dani en ef við gerum það þá er eins líklegt að það dugi bara í annað sætið. Ef við töpum lendum við næstum örugglega í þriðja sæti riðilsins. Töluverðar líkur eru á að Þjóðverjar endi í þriðja sæti í sínum riðli sem þýðir að þeir spila við liðið í öðru sæti í okkar riðli. Túnis endar sennilega í öðru sæti á eftir Frökkum.

Ég vil frekar spila við Túnis í 16 liða úrslitum en Þjóðverja. Sérstaklega eftir að þeir misstu sinn besta mann úr keppninni eftir leik þeirra í kvöld.

Er þá ekki bara best að tapa fyrir Dönum og tryggja sér þriðja sætið í riðlinum?

Frábær vörn og markvarsla

Athugasemdir

[Jóhann Kristinsson, 16.1.2013 kl. 03:53]

Fór íslenzka liðið til keppni til að vinna til verðlauna eða bara til að vera með?

Ef svarið er; til verðlauna. Þá á það ekki að skipta máli við hverja og hvenær þeir leika við önnur lið.

Kveðja frá Saudi Arabíu

[Gunnar Th. Gunnarsson, 16.1.2013 kl. 04:33]

Öll lið hugsa um hvernig best er að spila mót til að ná sem bestum árangri. Ég held að meiri orka fari í að vinna Þjóðverja en Túnisbúa. Það getur skipt máli í framhaldinu.

[Gunnar Th. Gunnarsson, 16.1.2013 kl. 04:42]

Auk þess er óþarfi að eyða mikilli orku í Danaleikinn nema það gefi okkur örugglega fyrsta sætið í riðlinum.

[Gunnar Th. Gunnarsson, 16.1.2013 kl. 16:36]

Hlutirnir eru fljótir að breytast. Túnis tapar fyrir Brasilíu þannig að Þjóðverjar hreppa sennilega annað sætið í A riðli. Þá viljum við ekki þriðja sætið í okkar ef við viljum sleppa við Þjóðverjana.

Makedónar og Rússar voru að gera jafntefli. Það þýðir sennilega að við verðum að vinna Dani til að sleppa við þriðja sætið.

-

Nú veit ég ekki nákvæmlega hvernig markatölureglan er. Eru það innbyrðis viðureignir sem gilda ef tvö eða fleiri lið eru jöfn eða er það heildar markatala fjögurra efstu?

[Emil Hannes Valgeirsson, 16.1.2013 kl. 17:08]

Þú heldur okkur við efnið Gunnar. Nú getur maður aftur farið að halda með Íslendingum.

[Gunnar Th. Gunnarsson, 16.1.2013 kl. 21:19]

Þetta var viðbúið, Danir eru einfaldlega með miklu betra lið en við. En djöfull verð ég reiður út í þá ef þeir tapa fyrir Makedónum. Það þýðir Frakkland í 16 liða úrslitum.