Mistök að byrja með Aron Rafn?

Það er alltaf hægt að vera vitur eftir á...

Ólafur Guðmundsson, Hafnfirðingurinn ungi hefur þungan kross að bera. Hann lét reka sig útaf á klaufalegan hátt í stöðunni 19-16 fyrir Ísland og Íslendingar með boltann. Hann fékk þar með rautt og ég furða mig á að hann hafi fengið að spreyta sig nógu mikið í svona mikilvægum leik til að fá þrjár brottvísanir.

Þetta var vendipunkturinn í leiknum  og hinn góði taktur sem kom í upphafi síðari hálfleiks hvarf úr leik okkar manna. Íslenska liðið átti í heild frekar dapran dag og Ásgeir Örn var skelfilega lélegur. Þetta lið á ekki erindi nema í 16 liða úrslit.... því miður.

Björgvin valinn bestur í íslenska liðinu

Athugasemdir

[ThoR-E, 12.1.2013 kl. 20:18]

Veit ekki hvort það voru mistök. Hann átti frábæran fyrri hálfleik á móti svíum þannig að það var sjálfsagt að leyfa honum að byrja. Það gekk ekki í þessum leik og var alveg ótrúlegt að horfa á rússana skjóta hvaðan sem er og skora á meðan við þurftum að hafa miklu meira fyrir hverri sókn... fyrir utan hraðaupphlaupin auðvitað sem voru snilld.

Smá hikst í byrjun en þeir mæta fastir í leikinn á morgun, hef fulla trú á þeim.

[Gunnar Th. Gunnarsson, 12.1.2013 kl. 20:51]

Já, það var sennilega ekkert óeðlilegt að byrja með Aron Rafn. Nafni hans þjálfarinn var þó fljótur að breyta og hrós fyrir það.

[Axel Jóhann Hallgrímsson, 12.1.2013 kl. 23:39]

Það er alveg magnað í hvaða farveg umræðan fer alltaf eftir tapleiki. Leikmenn og þjálfari landsliðsins virðast vera einu Íslendingarnir sem hafi nákvæmlega ekkert vit á handbolta.

[Gunnar Th. Gunnarsson, 13.1.2013 kl. 00:08]

Allir geta gert mistök og það er alveg ljóst að liðið spilaði illa í kvöld. Leikmennirnir viðurkenna það sjálfir.