Stenst sakfelling vegna 17. gr. stjórnarskrár, nánari skoðun?

Landsdómur virtist grípa tæknilegt atriði (formsatriði) fegins hendi til að réttlæta hina pólitísku herferð gegn Geir Haarde og Sjálfstæðisflokknum. Segir svo í dómsorðum að brotið hafi verið alvarleg; "Stórfellt gáleysi", en samt er brotið refsilaust og málsvarnarlaun greidd úr ríkissjóði.

Dæmt er samkv. 17 grein stjórnarskrárinnar, sem segir:

"Ráðherrafundi skal halda um nýmæli í lögum og um mikilvæg stjórnarmálefni. Svo skal og ráðherrafund halda, ef einhver ráðherra óskar að bera þar upp mál. Fundunum stjórnar sá ráðherra, er forseti lýðveldisins hefur kvatt til forsætis, og nefnist hann forsætisráðherra"

Ef á að halda sig við tæknileg atriði, þá má benda á að í 17. greininni er hvergi sagt beinum orðum að forsætisráðherra eigi að boða til ráðherrafunda en tekið sérstaklega fram að hvaða ráðherra sem er getur boðað til fundar.

Einungis er talað um í greininni að "ráðherrafundi skuli halda..."

Fundarstjórar bera ekki ábyrgð á því hvort boðað sé til funda. Þeir stjórna fundunum.

Athugasemdir

[Haukur Kristinsson (IP-tala skráð) 30.4.2012 kl. 15:59]

Slakaðu á Gunnar Th. "Game is over." Gungan var fundin sek fyrir stórfelldann aumingjaskap. Geir var verkefninu aldrei vaxinn, margar sjómílur frá því að ráða við það. Kannski hefði mátt nota kallinn til að sortera póst.

En farðu nú að grilla, á morgun er verkalýðsdagurinn, dagurinn okkar. En ég geri ráð fyrir því að faðir þinn hafi verið verkamaður, eins og faðir minn var.

En í kvöld lýkur vetri
sérhvers vinnandi manns.
Og á morgun skín mai sól
það er mai sólin hans.
Það er mai sólin okkar
okkar einingarbands
Fyrir þér ber ég fána
þessa framtíðarlands.

 

 

[Gunnar Th. Gunnarsson, 30.4.2012 kl. 16:35]

Já, við eru langflest verkamenn... í víngarði Drottins