Gæsum fjölgar við Kárahnjúka

Eitt af helstu trompum andstæðinga virkjana á Austurlandi, (Eyjabökkum og við Kárahnjúka) var m.a. að gæsastofninn á Íslandi yrði fyrir skakkaföllum vegna framkvæmdanna.

Reyndar áttu hreinsdýrin að verða fyrir áfalli líka, ásamt spóum, lóum og selum, frá Fljótsdal til Héraðsflóa. Að ógleymdum blessuðum þorskinum á Austfjarðamiðum, vegna breytinga á vatnsrennsli. (Jú, þið lásuð rétt, náttúruverndarsamtök sögðu alþjóð frá þessu í fullri alvöru)

Lífríkið við Eyjabakka og Kárahnjúka hefur nú verið vaktað í 12 ár og Náttúrustofa Austurlands birti nýlega skýrslu vegna vöktunarinnar. Þeirrar skýrslu verður trauðla getið í áróðursritum náttúruverndarsamtaka, því niðurstaðan er þver öfug við heimsendaspár þeirra.

"Í ljós kom að heiðagæsavarpið hefur aukist um rúman helming frá árinu 2000 á vöktuðum hluta vatnasviðs Kárahnjúkavirkjunar. Gæsunum hefur á móti fækkað á Eyjabökkum. Ekki er ljóst hver ástæðan er en því er velt upp í skýrslunni að svæði hafi verið orðið of þétt setið fyrir nokkrum árum og hluti fuglanna þar flutt sig annað."

Eins og segir í Austurglugganum .

Hjörleifur með efasemdir

Athugasemdir

[Tryggvi Helgason, 13.4.2012 kl. 01:40]

Ég er alveg á móti öllum hugmyndum um að selja rafmagn úr landi. Allt okkar rafmagn á að nýta í landinu.

En ég er hlynntur því að virkja árnar. Það má víða gera ágætar, mjög hagkvæmar vitkjanir í litlum ám.

Sumarið 2002 fór Matthías Gestsson ljósmyndari á Akureyri og ég, upp að Jökulsárgljúfrum sunnan Kárahnjúka, þar sem fyrirhugaða var að gera stíflu, og tókum við fyrstu skóflustunguna að Kárahjúkavirjun, svona sem "áhugamenn um íslendskar virkjanir".

[Gunnar Th. Gunnarsson, 13.4.2012 kl. 09:21]

Takk fyrir þetta Tryggvi.

Ég hef verið sömu skoðunar og þú með það að selja rafmagn úr landi. En ef rétt reynist að það skapi fleiri störf en að nota það innanlands, þá má auðvitað skoða málið.

Auk þess finnst mér nokkuð athyglisverður punktur að nýta má ónotað rafmagn í kerfinu, sem alltaf virðist fyrir hendi,  til útflutnings.