Kemur lögbrot lögreglunni ekki við?

Í lögum um fjöleignarhús nr. 26/1994, 74. gr., 2. liður:

"Bann við röskun á svefnfriði í húsinu a.m.k. frá miðnætti til kl. 7 að morgni og undanþágur frá því banni."

Lögreglunni hlýtur að vera skylt að sinna útköllum þegar lög eru brotin.

Ekki hægt að sinna kvörtunum vegna partíhalds

Athugasemdir

[Magnús Ragnarsson (IP-tala skráð) 11.4.2012 kl. 17:31]

Það er ekki nóg að lög séu brotin. Það þurfa að vera refsiheimildir fyrir því brota. Þ.e.a.s. að brotið þarf að varða við refsingu, annað hvort fangelsi eða sektum, annars er það ekki sakamál. Margt af því sem er bannað kemur lögreglu á engann hátt við þar sem það varðar ekki fangelsi eða sektum. Það er ætlast til þess að húsfélagið taki á málum sem þessum.

[Gunnar Th. Gunnarsson, 11.4.2012 kl. 19:38]

Takk fyrir þetta Magnús. Það er lítið gagn af lögum ef viðurlög eru engin.

[Jóhann Elíasson, 11.4.2012 kl. 19:55]

Það skín í gegn í fréttinni að lögrglan getur ekki sinnt þessum útköllum vegna manneklu.  Svo Magnús skýtur nokkuð langt yfir markið í athugasemd sinni.

[Magnús Ragnarsson (IP-tala skráð) 11.4.2012 kl. 21:23]

Auðvitað er það vegna manneklu og niðurskurðar að þessu sé ekki sinnt, en það er hefð fyrir því að lögreglan biðji fólk að lækka ef um ónæði er að ræða. En að ræsa tvo lögreglumenn út af bakvakt, sem kostar 8 klst í yfirvinnu, og lögreglumennirnir eru þá líka brunnir út næstu 11 tíma á eftir vegna hvíldarskyldu er eitthvað sem embættinn þurfa að hugsa um eins og staðan er í dag, því miður.

[Hallur (IP-tala skráð) 11.4.2012 kl. 23:26]

Ef að ég skil eftir rusl í stigagangi og tek ekki þátt í þrifum á sameign þá kemur engin lögga og böggar mig. Það er svokallað einkamál.

reyndar er hávaðamengun á gráu svæði hvað þetta varðar en klárlega þarf löggan að forgangsraða. Smá hávaði? Dauður köttur? má bíða.