Vantar hönnuðum vinnu?

Dettur einhverjum í hug að þeim sem eru á móti háspennumöstrum, verði sáttir ef gerðar eru fígúrur úr þeim? Ég held að annað hvort eru menn ósáttir við mannanna verksummerki í umhverfinu, eða ekki.

Þessi mynd heitir "When electric poles fight". Spurning um að nota staurana einnig til að nýta vindorkuna?

.... eða bara að leifa þeim að vera úti að leika sér. Þeir eru ekki fyrir á meðan

Sjónmengun ekki bara smekksatriði

Athugasemdir

[Emil Hannes Valgeirsson, 14.2.2012 kl. 12:38]

Þessi hugmynd með fígúratívu möstrin finnst mér vera kjánaleg og gera ekki annað en að draga athyglina að þeim.

Snú-snú möstrin er kannski bara skárri!

[Gunnar Th. Gunnarsson, 14.2.2012 kl. 13:26]

Sammála.

[Arnór Baldvinsson, 15.2.2012 kl. 00:46]

Sæll Gunnar,

Hér í Bandaríkjunum eru staurar og möstur og allskonar möstur og turnar út um allt.  Nánast allt nema olíuleiðslur er ofan jarðar innanbæjar sem utan.  Það ægir saman símalögnum, kapallögnum, rafmagnslögnum, stálmöstrum, staurum, ljósum, línum og Guð má vita hverju.  Afskaplega hvimleitt.  Það þarf að finna betri og varanlegri tækni til raforkuflutninga.  Hér er stór hluti af raforkukerfinu löngu úreltur og í slæmu ásigkomulagi.  Það hefur verið talað um að það þyrfti þúsund milljarða dollara til að gera raforkukerfið hér þannig að það standist nútímakröfur!  Margir eru orðnir leiðir á þessu staurabrasi og ef það væri hægt að koma þessu drasli niður í jörðina án þess að það skapist hætta af því annars vegar og hinsvegar að ekki tapist of mikið, þá held ég að þetta drasl hyrfi fljótlega. 

Kveðja,

[Gunnar Th. Gunnarsson, 15.2.2012 kl. 01:27]

Sammála, Arnór. En þetta er auðvitað líka tækni og peningaspursmál. Eru neytendur tilbúnir að borga meira fyrir rafmagnið? Ef svarið er "já", þá á sjálfsögðu að setja þetta í jörð ef tæknin bannar það ekki.

- 

Reyndar hefur slík framkvæm meira umhverfisrask í för með sér á sumum svæðum.