Í þjóðaratkvæðagreiðslu með málið

Mér finnst alveg með ólíkindum að sjá hversu margir hægrimenn eru á móti kaupum Huang Nupo á Grímsstöðum á Fjöllum. Við hvað er menn eiginlega hræddir?

Þjóðin á að fá að taka ákvörðun um málið. Ég sætti mig ekki við að geðþóttaákvörðun Ögmundar ráði hér för.

Skoðanakönnun er hér til hægri á bloggsíðunni. Endilega takið þátt.

Beiðni Huangs synjað

Athugasemdir

[dri (IP-tala skráð) 25.11.2011 kl. 16:49]

Það eru lög í landinu Gunnar, og þeim skal fylgja. En hvort breyta eigi lögunum er allt annar handleggur. Svo er þetta líka fordæmisgefandi, ef hann kaupir land hér, því þá ekki sá næsti og koll af kolli.

[Gunnar Th. Gunnarsson, 25.11.2011 kl. 16:52]

Það þarf ekkert að breyta lögunum. Það er gert ráð fyrir undanþágum í þeim.

Það er ekkert fordæmisgildi í þessu, lögin eru skýr um það að þetta er ekki heimilt. Tekin er afstaða til hvers máls fyrir sig, hvort veita eigi undanþágu frá lögunum eða ekki.

[Bjarni Daníel Daníelsson, 25.11.2011 kl. 17:00]

er það ekki glæsilegt að hafa svona undanþágu á lögunum svo menn geti keypt sig framhjá þeim. Eða jafnvel veitt einhverjum sem hefur staðið sig vel, eða jafnvel þekkir menn á réttum stöðum. Er Ísland ekki best í heimi?

[Gunnar Th. Gunnarsson, 25.11.2011 kl. 17:15]

Ef undanþáguákvæðið væri ekki fyrir hendi, þá myndi ég segja að breyta þyrfti lögunum. Það er óþarfi að mála skrattann á vegginn, Bjarni.

[Skúli (IP-tala skráð) 25.11.2011 kl. 18:10]

Mjög góð spurning Gunnar...

[Magnús Sigurðsson, 25.11.2011 kl. 19:21]

Þú ert gufuruglaður Gunni minn og ættir að fá þér eitthvað við þessu.  Ef þú heldur að undanþáguákvæði og glufur í lögum séu ekki notaðar til að bera fé á fólk þegar stór hluti af Íslandi er til sölu.  Það þarf nú ekki einu sinni skrattann til þess þegar ladsliðið í kúlu á í hlut.

[dri (IP-tala skráð) 25.11.2011 kl. 23:53]

Ok, þetta kæmi kannski til greina, þetta er stór fjárfesting og það vantar pening inn í landið.

En hinsvegar, þá er ég ekki hlynntur því að við séum að fara að selja landið okkar í einhverjum stærri stíl, það væri glapræði.

Hvar á að setja mörkin, hvar á að segja stopp, á að mæla það í hektörum, eða.. er kannski í lagi að hluti hálendis verði seldur ef ákveðin upphæð býðst, í hvaða formi sem það nú væri. Ég bara velti þessu fyrir mér.

Ætli rússar eigi enn gullið sem þeir fengu fyrir Alaska?

[Gunnar Th. Gunnarsson, 26.11.2011 kl. 01:17]

Auðvitað þurfa að vera einhver mörk, en Nupo er tilbúinn að af sala sér öllum auðlindar og vatnsréttindum. Hver er hættan?

Ef þetta snýst bara um það að hann byggi og reki hótel, þá er það bara hið besta mál

[Hörður Halldórsson, 26.11.2011 kl. 14:56]

Sammála þér Gunnar.

Samræmdar reglur fyrir alla útlenda fjárfesta  er málið .Asnalegt að leyfa einum en banna öðrum.