"Guð býr í garðslöngunni, amma"

Veraldleg verk mannanna, eins og byggingar, hafa ekkert með trú að gera. 

"Guð býr í garðslöngunni, amma"segir í texta Megasar í lagi frá árinu 1972. Guð býr allsstaðar og hvergi, eins og sumstaðar endranær.

Miðaldakirkjan er menningartengd tilraun til að gera söguna athyglisverða fyrir almenning, innlenda sem erlenda. Einkaaðilar hafa sýnt því áhuga að kosta þetta verkefni að stórum hluta. Þetta er fjárfesting sem mun skila sér til baka, svo ekki verður hægt að segja að það sé sóun á fé að leggja fjármagn í verkefnið.

Hún er undarleg sú árátta sumra, að segja öðrum hvað sé viturleg fjárfesting og hvað ekki. Stórundarleg, verð ég að segja.

Guð ekki í nýrri miðaldakirkju

Athugasemdir

[Ragnar Kristján Gestsson, 20.11.2011 kl. 15:07]

bíddu, ertu ekki að segja að þetta sé viturleg fjárfesting?

[Gunnar Th. Gunnarsson, 20.11.2011 kl. 16:53]

Ég er að segja að mér finnist hugmyndin góð og jú, ég tel að þetta sé ágæt fjárfesting? Hvað er pointið hjá þér, Ragnar?

[Gunnar Th. Gunnarsson, 20.11.2011 kl. 16:56]

Það sem ég er að gagnrýna er að menn vilja koma í veg fyrir þetta og færa fyrir því rök um smekkleysu, en bæta svo við að hugmyndin sé sóun á fé og að hún sé óarðbær.

Mér dytti aldrei í hug að berjast gegn fjárfestingum annarra með því að segja þeim að þeir ættu að verja fé sínu í annað. ÞAÐ er pointið hjá mér.