10% lækkun á mörkuðum skilar sér ekki hér

Fyrir nokkrum dögum sá ég frétt á mbl.is að olíverð á heimsmarkaði hefði lækkað um 10%, bara í september. Samkvæmt því ætti verðlækkunin að vera u.þ.b. 23 krónur á lítra.

Ég hef ekki séð þá lækkun hér.

Lækkar bensín um 3,40 krónur

Athugasemdir

[Landfari, 4.10.2011 kl. 15:57]

Þú veist það vel Gunnar að innkaupsverði er aðeins lítill hluti eldsneytisverðs hér. Stærsti parturinn er skattar og minnst af þeim % tengt heldur föst krónutala. Þess vegan hækkar benínið hér ekki um 10% þegar heimsmarkaðsveðið hækkar um 10%

[Gunnar Th. Gunnarsson, 4.10.2011 kl. 16:46]

Já, þetta er rétt hjá þér. Veistu hvað innkaupsverðið er hátt hlutfall af bensínverðinu?

[Landfari, 4.10.2011 kl. 16:58]

Nei ég man það ekki . Samkvæmt þessu sem ég fann á netinu er að innan við helmingur, sem er nú reyndar meira en mig minnti.

Bensínverð: Samsetning

August 3, 2011 by Hjalmar Gislason

Uppfært 4. ágúst: Bætti við mynd af hlutfallslegri þróun.

Bensínverð var umræðuefni í vikulegu spjalli mínu í Morgunútvarpinu í morgun. Meðal þess sem var til umræðu var samsetning á verði á lítra af bensíni.

Myndin hér að neðan sýnir samsetningu á bensínverði og þróun hennar frá því í ágúst 2007 til ágúst 2011:

Í stuttu máli fær Ríkið í sinn hlut 115,48 kr af lítranum (virðisaukaskattur, almennt og sérstakt bensíngjald og kolefnisgjald). Þetta nemur u.þ.b. 47,5% af heildarverðinu. Líklegt innkaupaverð (reiknað útfrá heildsöluverði á blýlausu bensíni í Bandaríkjunum) er 92,45 kr eða u.þ.b. 38,1% og álagning olíufélagsins, flutningar o.fl. 34,57 kr eða um 14,2%.

Hlutfallslega skiptingu og þróun á henni má annars sjá á þessari mynd:

Fyrir þá sem hafa áhuga á að kafa í útreikningana og leita í upprunalegar heimildir má nálgast gögnin á bakvið myndina í þessu Excel-skjali. Gagnrýni er velkomin!

Sjá einnig umræðu á Facebook-síðu DataMarket.

- – -

E.S. Í spjallinu í morgunútvarpinu fór ég því miður með lítillega rangar tölur sem gerðu það að verkum að hlutur ríkisins var sagður hærri en raunin er og hlutur olíufélaganna (flutningar, tryggingar, álagning) minni. Biðst velvirðingar á því. Kennir manni að liggja ekki yfir útreikningum langt fram á nótt! Annað sem sagt var stendur óhaggað.

[Landfari, 4.10.2011 kl. 17:14]

Það er rétt að árétta að þessi grein er ekki eftir mig heldur Hjálmar Gíslason eins og kemur fram í upphafi greinarinnar

[Gunnar Th. Gunnarsson, 4.10.2011 kl. 17:48]

Takk fyrir þetta