Rúm 9% fólksfjölgun á Austurlandi sl. áratug

Austfirðingum fjölgaði um tæplega níu hundruð manns á nýliðnum áratug. Eftir mikla fjölgun á tímum þennslu og stórframkvæmda virðist þeim aftur fara fækkandi.           (Úr Austurglugganum )

Spár um fjölgun í Fjarðabyggð vegna álversins í Reyðarfirði hafa algjörlega staðist. Sömuleiðis þær spár að áhrifasvæði álversins væri bundið við Mið-Austurland.

Andstæðingar framkvæmdanna eystra, svokallaðir umhverfisverndarsinnar, hafa hins vegar kosið að skauta fram hjá staðreyndum, bæði fyrir og eftir byggingu virkjunar og álvers. Það gerðu þeir (og gera enn)  í viðleitni sinni til að koma í veg fyrir framkvæmdirnar, ekki bara á Austurlandi, heldur einnig í Helguvík og á Bakka við Húsavík. Þeir hafa t.d. alla tíð (og gera enn) haldið því fram að Kárahnjúkaverkefnið hafi átt að "bjarga öllu Austurlandi". Svo þegar þeir eru krafnir heimilda um að stóriðjuframkvæmdirnar hafi átt að vera slík "töfralausn", þá koma engin svör.

Eins og sjá má á töflunni hér að neðan, hefur orðið gífurlegur viðsnúningur í íbúaþróun á áratugnum, í Fjarðabyggð og á Fljótsdalshéraði.

Sveitarfélag	2010	2001	Breyting	%
Vopnafjarðarhreppur	670	742	-72	-10%
Seyðisfjörður	669	773	-104	-13,5%
Fjarðabyggð	4.573	3.982	+591	+15%
Fljótsdalshreppur	79	82	-3	-3,6%
Borgarfjarðarhreppur	140	150	-10	-6,7%
Fljótsdalshérað	3.406	2.800	+606	+21,6%
Breiðdalshreppur	205	271	-66	-24,6%
Djúpavogshreppur	448	521	-73	-14%
Alls	10.190	9.321	+869	+9,3%

Svaf í Oddskarðsgöngum

Athugasemdir

[Magnús Sigurðsson, 13.1.2011 kl. 07:24]

Sama hvaða skoðun menn hafa á stóriðjuframkvæmdum, þá væru þessar tölur talsvert öðruvísi ef ekki hefði komið til þeirra á Austurlandi.  Sennilega talsvert meira en 10% í hina áttina.

[Gunnar Th. Gunnarsson, 13.1.2011 kl. 09:32]

Já, tölurnar tala sínu máli. Og þegar fólksflóttin kemst á skrið, þá getur verið mjög erfitt að stöðva hann.

Þessar framkvæmdir voru í aðra röndina byggðasjónarmið og að mínu mati hefur vel tekist til. En það þýðir ekki að ekki megi gera betur. Mannanna verk eru sjaldnast gallalaus.