Skilaboð til KSÍ

Afföllin í A-liðinu eru orðin grunsamlega mörg og einhverjum kann jafnvel að detta í hug orðið "áhugaleysi".  Yfirbragð leikstíls landsliðsins undir stjórn Ólafs Jóhannessonar, ber vott um "amatörisma", enda er Óli trésmiður sem hefur lengi haft áhuga á fótbolta og spilaði meira að segja sjálfur um skeið.

Gæði leikmanna okkar eru orðin það mikil, að það er eiginlega óþolandi og niðurdrepandi að horfa á hóp góðra og efnilegra leikmanna koðna niður vegna skorts á sjálfsöryggi og sigurvilja. Þessir leikmenn eiga skilið að hafa þjálfara sem er atvinnumaður í fagi sínu, líkt og þeir sjálfir og þá þurfum við að líta út fyrir landsteinanna.

Ég vil að ráðinn verði erlendir topp þjálfari, jafnvel þó launakröfur verði umtalsvert hærri. Afhverju ekki að láta reyna á þetta? Við erum í 8 liða úrslitum á EM U-21 árs og ef nú er ekki lag, hvenær þá?

Gylfi Þór ekki með gegn Ísrael

Athugasemdir

[Gunnar Geirsson (IP-tala skráð) 16.11.2010 kl. 12:45]

Gæti ekki hugsast að þessi miklu afföll skýrist af því að menn hafi hreinlega ekki geð í sér til að leika gegn þessari þjóð? Ég væri ekki undrandi.

[Gunnar Th. Gunnarsson, 16.11.2010 kl. 13:31]

Vertu nú ekki að blanda pólitík í íþróttir. Það verður einhvers staðar að vera skjól.

[Gunnar Geirsson (IP-tala skráð) 16.11.2010 kl. 13:47]

Ég hef nú trú á að menn séu frekar að hugsa um almenn og sjálfsögð mannréttindi og brot á þeim, frekar en pólitík.

[Gunnar Th. Gunnarsson, 16.11.2010 kl. 14:17]

Virka ekki mannréttindi í báðar áttir?

[Gunnar Geirsson (IP-tala skráð) 16.11.2010 kl. 14:30]

Nei, þau ættu að virka í ALLAR áttir, en eins og þú veist þá gera þau það ekki.