Klókur sá gamli

Kallinn er eldri en tvævetur í boltanum og hann þekkir Rooney. Þegar Rooney kom til Man Utd frá Everton, var hann að mig minnir 17 eða 18 ára gamall. Þá þegar hafði hann sýnt af sér hegðun á vellinum sem olli honum vandræðum.

Undir föðurlegri handleiðslu Fergusons og með aðstoð bestu sérfræðinga, tókst að hemja og aga strákinn. Það var ekki sjálfgefið að það tækist og sennilega hefði það hvergi tekist nema hjá Ferguson. Sá gamli hefur höfðað til þessara þátta í spjalli sínu við Rooney. "Hvað yrði um Wayne Rooney, fjarri heimalandinu, þegar verulega á móti blési?"

Ef Rooney færi til stórliðs á borð við Barcelona, Real Madrid eða AC Milan, fengi hann lítinn tíma til að sanna sig. Þú er ekki keyptur fyrir stórfé til þessara liða til þess að aðlagast í rólegheitum. Það er ætlast til að þú sýnir strax eitthvað fyrir aurinn.

Fóstrarnir Ferguson og Rooney eru góðir saman. Ég held að strákurinn hafi áttað sig á því.

Ferguson: Mun biðjast afsökunar

Athugasemdir

[Björn Jónsson, 22.10.2010 kl. 19:42]

Sir Alex veit hvað hann syngur, sendir fréttasnápum fingurinn með þessari brellu sinni með Rooney.