Umhyggja fyrir umhverfinu

Frambjóðandi til forsetaembættis Frakklands, sem vakið hefur mikla athygli hérlendis fyrir störf sín í þágu sérstaks saksóknara, ákveður að blanda sér í ofurviðkvæm innanríkismál, alls óviðkomandi störfum sínum sem hún fékk ríflega borgað fyrir að sinna, nokkra daga í mánuði.

Þetta dómgreindarleysi Evu Joly, sannfærði mig í einu vetfangi að hún hefur lítið í forsetaframboðið að gera. Enda hvernig mætti það vera.... marxisti og græningi! En hver kannast svo sem ekki við það "combó"? 

Mestu umhverfissóðar heimsins, marxistarnir í Austur- Evrópu og afsprengi þeirra í flokkum eins og VG á Íslandi, skreyttu sig með umhyggju fyrir verkalýðnum hér á árum áður og allir vita hvernig sú umhyggja lýsti sér. Í dag skreyta þessir flokkar sig með umhyggju fyrir umhverfinu.

Eva Joly: Ísland á að ganga í ESB

Athugasemdir

[Kolbrún Hilmars, 17.10.2010 kl. 19:08]

Gunnar, Eva Joly á ekki gagnrýnina skilið. Ef við lesum milli línanna (hún er jú skuldbundin ESB!) þá varar hún okkur við hvað varðar auðlindir landsins, hún varar norska við því að Ísland gangi þar inn og klykkir út með því að segja að hvergi í heimi sé almenningur að berjast gegn auðvaldinu nema á Íslandi.

Það er ekki hægt að vera hreinskilnari - óbeint - en Eva Joly gerir í þessu viðtali!

[Gunnar Th. Gunnarsson, 17.10.2010 kl. 21:19]

Allir eiga gagnrýni skilið.... ef svo ber undir.

Joly á ekki að segja orð um ESB í íslenska fjölmiðla. Hún nýtur nánast takmarkalausts trausts (lausts - trausts ) ákveðins hluta íslensku þjóðarinnar. Öll ummæli hennar, hvort sem þau eru til lofs eða lasts ESB, hafa í raun ólýðræðislegan halla í för með sér. Það er æskilegt að fólk myndi sér skoðun á eigin forsendum.

[Elle_, 17.10.2010 kl. 21:23]

Eva Joly sagði líka að við og auðlindir okkar værum eftirsóknarverð fyrir Evrópusambandið.  Já, við vissum það og þessvegna skil ég ekki hví Eva Joly finnst við ættum að gera þetta.