Þetta verður stoppað af

Ég er voðalega smeykur um að Svandís Svavarsdóttir, umhverfisráðherra, muni stoppa þetta af í snarhasti. Það er náttúrulega ótækt að hennar mati að "erlendur auðhringur" arðræni landið með tilheyrandi umhverfisraski.

Og svo er gullið líka svo miklu fallegra í sínu náttúrulega umhverfi og fásinna að raska því. Er það ekki annars?

Vilja leita að gulli

Athugasemdir

[Sigurbjörg Eiríksdóttir, 21.5.2010 kl. 12:36]

Segi það með þér..Þetta datt mér líka í hug! Svo fyrir utan það að vera útlendingar þá gengur þetta lengra því þetta eru andfætlingar okkar. Það gengur örugglega ekki upp hjá VG.

[Vendetta, 21.5.2010 kl. 12:41]

Það er vitleysa að halda, að þótt gull hafi fundizt í jörðu á Grænlandi, þá finnist það hér á landi líka. Það er fleiri milljarða aldursmunur milli Grænlands og Íslands og jarðvegurinn er allt öðruvísi. Skilyrðin fyrir myndun gullmálms er ekki til staðar hér á landi. Ef ég hef rangt fyrir mér, má einhver koma með leiðréttingu.

Eina gullið sem gæti fundizt hér er í skrautmunum frá landnámsöld og þannig munir fara alltaf beint á Þjóðminjasafnið, enda kemur svoleiðis að engu gagni fyrir gullnámufyrirtæki. En ef það væri gull í jörðu á Íslandi (sem það ekki er, þá er það rétt að Svandís myndi stöðva það. Okkur er enn í fersku minni, þegar önnur heimsk VG-umhverfisráðherfa sagði um ætlaða olíuvinnslu á Drekasvæðinu að hún væri á móti svoleiðis því að það væri (tilvitnun) "of stókarlalegt".

[Gunnar Th. Gunnarsson, 21.5.2010 kl. 12:46]

Gull hefur fundist víða í íslenskum jarðvegi en vandamálið er að það þarf að vera í ákveðnum mæli svo það borgi sig að vinna það.

Í viðtengdri frétt segir:

"þrjú svæði talin sérstaklega áhugaverð, þ.e. í grennd við Vopnafjörð, Breiðavík og Breiðdal. Þar hafa áður fengist niðurstöður sem sýna 0,45 grömm af gulli í tonni, 0,16 g/t og 0,86 g/t í hverju tilviki fyrir sig."

[Magnús Sigurðsson, 21.5.2010 kl. 12:51]

Eins og þú veist Gunnar þá er líka fallegt í Breiðdalnum.

[Gunnar Th. Gunnarsson, 21.5.2010 kl. 12:57]

Það er alls staðar fallegt í góðu veðri

[Sigurður Þór Guðjónsson, 21.5.2010 kl. 13:05]

Gullvinnsla er eitthvert sóðalegasta umhverfisrask sem fyrirfinnst. Skal ekki segja um gulleit. En fái ég allt gullið styð ég þetta heilshugar!

[Vendetta, 21.5.2010 kl. 13:27]

450 mg af gulli í hverju tonni getur engan veginn verið ábatasamt. Það er minna en 0,5 ppm. Ég veit ekki hvað únzan af gulli kostar í dag, en það er þó nokkur kostnaður við að hreinsa þetta (nema fyrirtækið fái 90% afslátt hjá Landsvirkjun), því að ég geri ekki ráð fyrir að það komi hreint upp úr jörðinni eins og í fljótunum í Klondyke.

[Hetjan (IP-tala skráð) 21.5.2010 kl. 14:20]

Vendetta: Gull "myndast" eins og önnur frumefni sem eru þyngri en járn við "súpernóvur". Það er því ekki hægt að tala um að skilyrðin séu eitthvað betri á Grænlandi eða á Íslandi hvað "myndun" varðar.

0,5 ppm er einmitt við þau mörk þar sem gullnámur verða ábatasamar.

Svo er spurning hvort að við viljum vera með gullnámur á Íslandi; þetta eru frekar sóðalegar græjur. Ég væri mun frekar til í Thorium námu einhversstaðar fyrir austan en gullnámu....

[Vendetta, 21.5.2010 kl. 14:31]

Ha? Er thorium í jörðu á Austurlandi? Þá er margt sem ég hef misst af.

Annars hef ég nú persónulega engar athugasemdir varðandi jarðraskanir í sambandi við námurekstur á Íslandi, það að vinnuskilyrði starfsmanna séu ásættanleg er mun mikilvægara. Mér finnst íslenzk náttúra fráhrindandi, þetta er lítið annað en urð og grjót. Hins vegar er alveg óþarfi að selja allar auðlindir á spottprís, það verður að vera hagkvæmt fyrir þjóðarbúið.

[Gunnar Th. Gunnarsson, 21.5.2010 kl. 14:52]

Ég held að lög og reglur um námur og frágang þeirra, séu fullnægjandi flestu fólki á Íslandi.

"Flestu fólki"... en það eru alltaf einhverjir....

[Vendetta, 21.5.2010 kl. 15:17]

Já, "Hetjan", það er rétt. Ég gleymdi í hneykslun minni, að gull er frumefni og "myndazt" ekki í jarðskorpunni.

[Vendetta, 21.5.2010 kl. 15:21]

Það átti að standa "... og hefur ekki myndazt í jarðskorpunni".

[Ómar Bjarki Kristjánsson, 21.5.2010 kl. 16:26]

Hlýtur að vera dáldið jarðrask af svona leit - þó byggist það á hvernig leit er verið að tala um.  Er ekki stundum borar notaðir við þetta.

Við fyrstu heyrn virkar all-verulega langsótt að gull finnist í vinnanlegu magni á íslandi.

Menn nefna Grænland.  Þekki það bara ekki nógu vel.  Þar hefur þó fundist eitthvað í vinnanlegu magni, skilst mér, en er ekki verið að tala um einhvern bergfleka þar.  Man þetta ekki nógu vel.

[Tómas Waagfjörð, 21.5.2010 kl. 16:29]

Gæti verið að einhver hér muni eftir eftirfarandi.

Á sjöunda áratugnum lét Orkustofnun gera rannsókn og svo skýrslu um olíu á Íslandi, eða nánar tiltekið í mómýrum. Kom í ljós að það var olíu að finna þar og magnið sem þeim reiknaðist til var nægt til að anna orkuþörf Íslendinga í rúma öld. En tæknin á þessu sviði var ekki nægileg og því taldist það ekki vera hagkvæmt að vinna olíuna úr jarðveginum svo að allt var sett í bið.

Nú er all langur tími síðan kanadamenn byrjuðu að vinna olíu úr jarðveginum hjá sér á arðbæran hátt. Þeir grafa upp landið, hreinsa olíuna úr jarðveginum og rækta svo upp landið aftu. 

Ég spurði oft þegar ég sá fréttir um auðmenn vera kaupandi upp nær heilu sveitirnar í "góðærinu" hvort það væri nú í býgerð að ráðast í að vinna olíuna úr jörðinni, og þá væntanlega með nær allann gróða í hendur auðmanna í stað til þjóðarinnar.

Ef einhverntímann er tími til að ráðast í þetta verkefni þá er það núna, og þá má alls ekki gefa þessar auðlindir frá okkur til erlendra eða innlendra einkafyrirtækja. Bara byðja góðvini okkar Kanadamenn að hjálpa okkur að læra hvernig þetta er gert svo að ALLUR hagnaður fari beint í ríkiskassann svo almenningur sjái einhver hag af, jafnvel skattlaust Ísland eða allt að því eins og ætti að vera ef auðlindir þjóðarinnar væru ekki gefnar burt.

Sama á að gilda með þetta gull, engin ástæða til þess að gefa það til einhvera erlendra eða inlendra einkafyrirtækja þegar við getum lært að vinna þetta sjálf. Og eins og við vitum þá eru hér þúsundir einstaklinga sem væru til í að vinna við þetta í stað þess að sitja heima á bótum.

Og í galdrakarlsins bænum ekki vera svo vitlaus að halda að VIÐ séum svo vitlaus að við getum ekki lært að gera þetta sjálf, skiptir heldur engu máli þá þetta sé allt sett í biðstöðu í nokkur ár á meðan við menntum Íslendinga til að sjá um þetta fyrir okkur því að vitað hefur verið í langan tíma að hér var gull að finna, og olíu.

[Gunnar Th. Gunnarsson, 21.5.2010 kl. 16:38]

Tómas, þú vilt sem sagt að "ríkið" sjá alfarið um þetta?

[Tómas Waagfjörð, 21.5.2010 kl. 16:47]

Já, það er ekkert því til fyrirstöðu að ríkið stofni félag um þetta og ráði til sín Íslendinga til að vinna þetta. Algjörlega ástæðulaust að gefa hagnaðinn til einkafyrirtækja sem svo borga nær enga skatta til þjóðarinnar. Allir sem tala með að gefa væntanlegan gróða þjóðarinnar til erlendra eða innlendra einkaaðila vilja annaðhvort vera með puttana í þessu og hagnast af því eða algjörlega heilaþvegnir af áróðri kapítalismans.

[Gunnar Th. Gunnarsson, 21.5.2010 kl. 16:54]

En ef þér er sýnt svart á hvítu að það skilar meiru í ríkiskassann að láta einkaaðila um framkvæmdir?

Værirðu þá til í að "einkavæða" svona nýtingu, jafnvel þó einhver "einkaaðili" græði svakalega?

[Tómas Waagfjörð, 21.5.2010 kl. 17:06]

Það er ekki mögulegt að sýna fram á það svart á hvítu því sá gróði sem einkaaðilinn vill fá færi annars beint í kassann.

Og skattalöggjöfin er svo skemmtileg að ef það er fjárfest fyrir gróðann þá er skatturinn sniðgenginn. 

En eins og ég sagði hér fyrir ofan, það er ekkert því til fyrirstöðu að við menntum okkar eigið fólk í þessum bransa, ef aðrir gátu það þá getum við það. Nema fólk telji Íslendinga of heimska til að læra það sem útlendingar lærðu fyrir tugum ára.

Og ég er viss um það Gunnar að þú veist það í hjarta þínu að ef ríkið séu sjálft um til dæmis að veiða fiskinn úr sjónum þá væri landið mun betur sett í dag. En í staðinn þá er allur gróði gefinn til einkaaðila sem svo borga nær engan skatt vegna skattalöggjafarinar. Allir skipverjar héldu vinnunni, allt fiskverkafólk héldi vinnunni, einu sem þyrftu að fara finna eru feitu karlarnir sem þegar gera ekki neitt nemaleika sér og fá pening fyrir vegna þess að þeir þekktu einhvern sem gaf þeim kvóta.

Stundum er það sem þú þekkir einfaldlega ekki best og í besta falli góð blekking. Eflaust munu einhverjir öskra núna um hvernig svona fyrirkomulag myndi eyðileggja landið, en það er allt í lagi því sumir geta ekki gert að því að hafa verið heilaþvegnir frá fæðingu og ekki náð að rífa sig úr því og byrjað að hugsa á eigin spítur í stað þess að trúa blint á gallað og ónýtt fyrirkomulag.

[Gunnar Th. Gunnarsson, 21.5.2010 kl. 17:29]

Þú gerir mig stein hissa, Tómas.

[Tómas Waagfjörð, 21.5.2010 kl. 17:36]

Af hverju? Þú sérð það jafnvel og ég að kapítalisminn hefur rústað landinu okkar, þetta hrun hefði aldrei komið fyrir ef til dæmis bankarnir væri reknir af ríkinu í stað einkaaðila.

Og ekki festast í þeirri gryfju að telja að kommúnismi sé eitthvað slæmt því alvöru kommunismi hefur aldrei nokkurn tímann verið stundaður, heldur hefur hann verið afbakaður af snarklikkuðum einræðisherrum.

En eflaust er hægt að segja það sama um öll samfélagsform, að þau virki ef siðspilltir og klikkaðir einstaklingar fá ekki síni framgengt.

Sama hvað skeður þá á hagur borgaranna að vera í fyrirrúmi en ekki eitthvað hagsmunapot eins og alltaf er.

[Gunnar Th. Gunnarsson, 21.5.2010 kl. 17:38]

Þú minnir mig á mig... fyrir rúmlega 30 árum síðan.

[Tómas Waagfjörð, 21.5.2010 kl. 17:55]

Veit ekki hvort þetta eigi að vera móðgun eða ekki, skiptir þó litlu máli.

En maður á alltaf að halda í hugsjónirnar og draumana um betri heim.

[Gunnar Th. Gunnarsson, 21.5.2010 kl. 19:29]

Ég geri orð Willy Brandt, fyrrv. kanslara V-Þýskalands að mínum, þegar hann var "ásakaður" um að hafi verið kommúnisti á yngri árum. Hann svaraði:

Sá sem er ekki kommúnisti þegar hann er tvítugur, er hjartalaus. Sá sem er enn kommúnisti þegar hann er fertugur, er heilalaus.

[Tómas Waagfjörð, 21.5.2010 kl. 20:52]

Þá á ég 5 ár eftir með þessar hugsjónir, því ekki vil ég vera heilalaus :P