Skilvirkt kerfi í Kína

Eftir að kínverskur maður hafði stungið átta börn til bana í Fuijan héraði í síðasta mánuði, hefur dauðadómi hans þegar verið fullnægt með riffilskoti í hnakkann. Þeir eru ekkert að sluksa við þetta, Kínverjarnir

 

Hnífaárásir í leikskólum í Kína hafa verið óhugnanlega tíðar að undanförnu og það hlýtur að segja sig sjálft að fólk sem gerir svona hluti er varla heilt á geði. Geðsjúkdómar virðast ekki gera fólk í Kína ósakhæft.

Á myndinni hér til hliðar er æfing í gangi en útvaldir böðlar æfa sig í tvo daga fyrir hverja aftöku. Tveir til þrír lögreglumenn eru við hvern sakborning. Sakborningurinn er beðinn um að hafa munnin opinn, rétt áður en aftakan er framkvæmd því ef kúla fer út um munninn, verður aftakan ekki eins sóðaleg.

Buxnaskálmar sakborninga eru gjarna bundnar saman með snæri, því algengt er að hinn dauðadæmdi losi saur og þvag, rétt fyrir og stundum eftir aftökuna.

HÉR má lesa viðtöl við kínverska böðla o.fl. sem málið varða. Átakanleg lesning. 

Hér má sjá nokkrar ljósmyndir af aftöku. VARÚÐ, alls ekki fyrir viðkvæma  

Í fyrra lýsti Hæstiréttur í Kína því yfir að þeir hyggðust fækka dauðadómum en árið 2008 voru að meðaltali  4,7 manneskjur líflátnar í landinu á degi hverjum. Reyndar eru tölur um líflátna ríkisleyndarmál í Kína, en Amnesty International áætlar þessa tölu.

Viðurlög við 60 tegundum afbrota í Kína er dauðarefsing, m.a. vegna skattsvika og fjársvikamála. Sömuleiðis fær einn og einn mótmælandi í landinu, hnakkaskotið náðuga.

Kínverji stakk 28 leikskólabörn

Athugasemdir

[Ragnar Kristján Gestsson, 29.4.2010 kl. 16:51]

Úff, hvar færðu svona efni og myndir?

[Gunnar Th. Gunnarsson, 29.4.2010 kl. 17:00]

"Gúgglið" er djúpur brunnur

[Skúli Skúlason (IP-tala skráð) 29.4.2010 kl. 21:27]

Úff,  ljótar  myndir,  maður  fær   gæsahúð,  af  aðförunum.  Hef  raunar   verið  vitni  að  undirbúningi  á  svona  aftökum  í  Kína.

En  var   hnífamaðurinn    ,,Jihadisti"  að   fækka  ,,trúleysingjunum?"

[Gunnar Th. Gunnarsson, 30.4.2010 kl. 02:04]

Rannsóknarlögreglumenn í fíkniefnadeildum lögreglunnar í Kína fá bónus fyrir hvern dæmdan "glæpamann".

Margir eru dæmdir til dauða vegna þessa en fáeinir sleppa þó. HÉR er saga 32ja ára leigubílstjóra sem dæmdur var til dauða fyrir heróín smygl.... og lifði til að segja frá því:

"If this taxi driver with no criminal history confessed, the interrogators would share in a bonus of at least $8,800 for helping the department meet a provincial quota for drug arrests.

The man would be executed, but that was of no concern."