Sprenging í beinni

Ég hef verið að kíkja öðru hvoru á ÞESSA vefmyndavél af gosinu og núna kl. 17.02 sá ég þennan bólstra vinstra megin við gíginn bólgna út.

Þetta gerðist með ótrúlegum hraða og þremur mínútum síðar var þetta horfið, eins og sést á myndinni hér að neðan.

Viðbót: Eitthvað stórt virðist vera að gerast þarna því núna kl. 17.10 má sjá þessa sprengingu á þriðju myndinni.

Þessi er frá kl. 17.25. Hvað er í gangi? Eins og ég sagði hef ég verið að fylgjast með þessu reglulegu sl. sólarhring og ekkert í líkingu við þetta hefur borið fyrir augu mín fram að þessu

Minnsta gosið en langflottast

Athugasemdir

[Guðmundur Ásgeirsson, 25.3.2010 kl. 17:32]

Eftir því sem mér skilst þá eru þetta gufuspreningar sem verða þegar hraunið streymir niður Hrunagil og hittir þar fyrir bæði vatn og ís sem snöggsýður í hitanum.

[Gunnar Th. Gunnarsson, 25.3.2010 kl. 17:38]

Það hlýtur þá að hafa orðið einhver ísskriða niður í gljúfrið, því þetta hefur lítið sést í dag, fram að þessu

[GK, 25.3.2010 kl. 17:41]

Kannski er önnur/ný hrauntunga þarna sem leitar í aðra átt - í snjó

[Gunnar Th. Gunnarsson, 25.3.2010 kl. 17:57]

Gæti verið.

Svo sér maður að neðstu gufustrókarnir eru að verða komnir út úr myndinni. Þá fer að styttast í að hraunið flæði út á eyrarnar í Þórsmörk

[Axel Jóhann Hallgrímsson, 26.3.2010 kl. 11:36]

Þetta gerist þannig að hraunið í gilinu skríður fram með rykkjum. Það hægir á sér sökum kælingar, hrannast upp en skríður svo snöggt fram yfir þann snjó og ís sem fyrir er. Þá verða gufusprengingar eins og Guðmundur bendir á.

[Gunnar Th. Gunnarsson, 26.3.2010 kl. 17:00]

Já, þetta er nokkurnveginn sem er að gerast þarna með reglubundnu millibili.

-

En það kom reyndar fram í fréttum í gærkvöldi að mökkurinn sem sést á fyrstu myndinni kom þegar gervigígur myndaðist. Það mun vera í fyrsta sinn sem það gerist á Íslandi á sögulegum tíma.