Munkarnir á Kollaleiru í Reyðarfirði

 

Á bænum Kollaleiru, í norðanverðum botni Reyðarfjarðar, búa nú þrír slóvakískir munkar og reka þar munkaklaustur. Á Kollaleiru mannaði áður Guðmundur Beck, bóndi og fyrrverandi varaþingmaður Alþýðubandalagsins.... og álversandstæðingur, veðurstöð Reyðarfjarðar.

Það er spurning hvort áhugasamir um munklífi fái tækifæri til að taka sín fyrstu spor á Kollaleiru.

Munkarnir hafa boðið Alcoafólki upp á gistingu í klaustri sínu, en gestir mega þó ekki koma í klausturálmu hússins. Sameiginleg setustofa með gervihnattasjónvarpi er í húsinu og þar sitja stundum munkarnir og gestir þeirra saman á kvöldin.

Um daginn ók ég starfsmanni Alcoa frá álverinu til Egilsstaða. Starfsmaðurinn er tékknesk kona sem vinnur við rannsóknir í álverinu. Hún byrjaði sem óbreyttur starfsmaður á verksmiðjugólfinu en hún er verkfræðingur að mennt og hafði misst atvinnu sína í faginu hjá verktakafyrirtæki sem fór á hausinn. En nú sem sagt vinnur hún í rannsóknardeildinni og er stundum ræst út á óhefðbundnum tíma og þykir því ágætt að gista hjá munkunum þegar þannig stendur á.

Hún sagði mér frá skondnu atviki sem gerðist kvöld eitt hjá munkunum. Einn þeirra spurði hana hvort hún vildi ekki sitja með þeim í setustofunni og horfa á slóvakíska fræðslumynd um "Hróa Hött" þeirra Slóvaka, en tungumál Tékka og Slóvaka eru lík, líkt og sænska og norska. Konan þáði boðið og sátu þau fjögur, þrír munkar og hún og byrjuðu að horfa á fræðslumyndina. Reyndist þetta þá vera mjög erótísk mynd, sú erótískasta sem konan hafði nokkurn tíma séð í venjulegu sjónvarpi og strax í fyrsta atriði myndarinnar, var "Hrói Höttur" í eldheitum samförum í skógarrjóðri.

Einn munkanna stóð fljótlega upp og gekk út, kafrjóður í framan en hinir tveir sátu sem fastast út alla myndina. Konan sagði að þessi stund hefði verið "súrealísk" og hún átti bágt með að halda niðr´í sér hlátrinum þegar hún gjóaði augunum að munkunum tveim í brúnu kuflunum sínum, undir frygðarstunum frá sjónvarpinu.

Viltu prófa að vera munkur?

Athugasemdir

[Axel Jóhann Hallgrímsson, 21.2.2010 kl. 01:14]

 ........

[Svanur Gísli Þorkelsson, 21.2.2010 kl. 16:38]

Er það ekki bara viðeigandi að þeir munkarnir búi á Kollaleiru.? Staðurinn er eflaust var svo nefndur eftir Kollum þ.e. írskum munkum sem rökuðu koll sinn að kaþólskum sið.

[Gunnar Th. Gunnarsson, 21.2.2010 kl. 17:08]

Þú segir mér fréttir, Svanur. Takk fyrir þennan fróðleik.

[DoctorE (IP-tala skráð) 22.2.2010 kl. 09:52]

Ég er ansi hræddur um að þarna hafi orðið upprisa... og tvöföld hjá þeim sem stóð upp ;)

[Gunnar Th. Gunnarsson, 22.2.2010 kl. 12:12]

Upprisa holdsins og eilíft líf, Amen

[Offari, 22.2.2010 kl. 13:39]

Kannski er ódýrara að gista hjá munkunum.   Leigja þeir húsnæðislausum herbergi?

[Sigurður Þór Guðjónsson, 22.2.2010 kl. 13:50]

Það er eftirsjá af mönnuðu veðurstöðinni á Kollaleiru.

[Petur (IP-tala skráð) 20.9.2011 kl. 10:56]

Sæll og blessaður! Eg heiti Pétur og er einn af munkum. Þú skrifar eitthvað, sem er ekki satt. Við erum ekki með gervihnattasjónvarp, það er of dýrt að borga fyrir sjónvarpstöð. Og Janka var líka ekki ein hjá okkur. Þar var líka Michal, sem bý í sambúð við hana. Og mynd Juraj Jánosík var undirskrifað: Sannarleg saga um Juraj Janosik. Aldrei við heyrðum frá. Við vorum spenntir að sjá eitthvað um þjóðhetju okkar. Fyrir þetta við vorum sitjandi til endalok. Því miður, mynd var eins og var. Mér líður mjög illa eftir. Ég var nálægt að aæla. Þjóðhetjan okkar og svona mynd:(. Ef ég væri framleiðandi, ég villti að fá peningana mína til baka frá leikstjóra- Agnieszku Holland. Fyrirgefið okkur allir sem erið hneykslaðir. Með blessun Pétur, yfirmaður munka á Kollaleiru.