Suðurverk með niðrum sig

Ef verklag Suðurverks er með svipuðum hætti við Landeyjarhöfn og í vegagerð þeirra á Austurlandi, þá er ekki von á góðu.

Þeir munu aldrei fá verk fyrir Vegagerð ríksins aftur, svo mikið er víst. Vegurinn um Hólmaháls, milli Eskifjarðar og Reyðarfjarðar er til vitnis um að þeim er ekki treystandi í slík verk. Sömuleiðis nýi vegurinn til Vopnafjarðar. Ekki er orð um þessar framkvæmdir á Heimasíðu fyrirtækisins.

Þeir kunna þó að skammst sín.

Gengið frá garðhausunum

Athugasemdir

[Axel Jóhann Hallgrímsson, 18.2.2010 kl. 16:05]

Hvað sem líður fyrri framkvæmdum verktaka eða störfum þeirra þarna þá mun þessi höfn frá náttúrunnar hendi aldrei verða annað en bandræða"barn" um alla framtíð. En þeir sem eru þeirrar skoðunar mega víst ekki tjá sig því þannig tal er flokkað sem eymdarvæl og úrtöluraus.

[Helgi Þór Gunnarsson, 18.2.2010 kl. 20:03]

Sæll Gunnar, voru ekki eftirlitsaðilar frá vegagerðinni þarna fyrir austan? Ég veit ekki annað en að Suðurverk hafi staðið sig með prýði þarna upp í Bakkafjöru og Seljalandsheiði!

Axel Jóhann. þú hefur auðvita rétt á að hafa skoðun á þessari framkvæmd eins og allir aðrir, og ég virði þína skoðun þó ég sé henni ekki sammála.

kær kveðja frá Eyjum

[Gunnar Th. Gunnarsson, 18.2.2010 kl. 21:18]

Þetta snýst um seinkunn úr hófi fram á verklokum. Suðurverk fékk ítrekaðar aðvaranir um að verkin gengu seint. Þeir löggðu loksins klæðningu á Hólmahálsinn í nóvember, þremur mánuðum of seint.

Í dag er þessi klæðning ónýt og bílar liggja undir skemmdum sem aka leiðina.

[Hafliði Hinriksson, 19.2.2010 kl. 17:23]

Einhvern veginn grunar mig að Vegagerðinn hafi gefið leyfi til laggningar klæðningar í nóvember og tekið "sénsinn" á að það yrði í lagi, því að annars brynnu þeir peningar sem ætlaðir væri í verkið upp í kerfinu um áramót, mig rámar nefnilega í umræðu um það að eftir "hrunið" hafi rétturinn til að færa framkvæmdir milli ára verið tekinn af.

[Gunnar Th. Gunnarsson, 19.2.2010 kl. 17:59]

Ég held að þetta sé ekki rétt hjá þér, Hafliði.

-

Suðurverk átti að skila veginum samkvæmt samningi, klæddum bundnu slitlagi, 1. ágúst og verklok áttu að vera 1. október. En svo reyndist vegurinn ekki tilbúinn undir klæðningu fyrr en í nóvember, sem er alltof seint vegna kulda. Þeir urðu samt sem áður að klæða veginn á sína ábyrgð (eða það ætla ég rétt að vona), því vegurinn mun ekki verða til friðs í vetur.

Spurning hvort hefði jafnvel ekki verið bara betra að hafa þetta vel og oft heflaðan malarveg í vetur

[HStef (IP-tala skráð) 19.2.2010 kl. 18:48]

Ætli það sé þá hægt að treysta Desjárstíflunni ?

[Hafliði Hinriksson, 19.2.2010 kl. 21:41]

Ég veit svo sem ekki hvernig málum er háttað í þessu tilviki, en þegar ég starfaði í verktakabransanum þá var klæðning ekki lögð á fyrr en eftirlitsaðilar Vegagerðarinnar voru búnir að gefa samþykki sitt, og meðal þess sem þeir horfðu til var umhverfishitastig þegar leggja átti klæðninguna. Gáfulegast í stöðunni hefði verið að keyra veginn á möl í vetur og klára hann svo næsta sumar, en eins og ég sagði þá grunar mig að sá möguleiki hafi hreinlega ekki verið í boði vegna ógáfulegrara lagasettningar á alþingi sem hindrar að verk séu færð á milli ára.

[Þorsteinn Valur Baldvinsson, 20.2.2010 kl. 12:20]

Í verkinu Valtýskambur-Sandbrekka Hamarsfirði þar sem var samið um við Háfell ehf þann 20.08.08. Kom upp samskonar vandamál með efra burðalag.

Það virðist sem kornakúrfa efnis hafi verið röng og eða efnið of silt blandað og fínefnaríkt þannig að vatn situr í því með þessum afleiðingum, ég geri ráð fyrir að eftirlit hafi látið gera athuganir á efni fyrir samþykki og notkun.

Maður klæðir ekki á slíkt efni frekar en maður málar á blautan vegg.

Hvar skaðabótaskyldan liggur er erfitt að meta út frá sögusögnum en er ekki klárt að eftirlitið á að meta efnið og samþykkja.

Held að það verði að fara yfir bæði þessi verk til að finna orsakavaldinn og girða fyrir svona framkvæmdaklúður.

Sé því ekki alveg að það sé fyrirfram gefið að Suðurverk hafi klúðrað verkinu.

[Gunnar Th. Gunnarsson, 20.2.2010 kl. 15:55]

Samkvæmt mínum heimildum frá hátt settum manni hjá Vegagerðinni, þá er þetta klúður Suðurverks.

[Þorsteinn Valur Baldvinsson, 20.2.2010 kl. 18:05]

Getur verið Gunnar en Þú fengir aldrei Vegagerðina til að axla ábyrgð á svona hlutum, fyrr hengja þeir eftirlitið en sjálfan sig.

Samt finnst mér einkennilegt að mistökin sem gerð voru í þessum tveim verkum eru nánast þau sömu, þó sitt hver verktakinn annaðist þessar framkvæmdir.

[Eiður Ragnarsson, 23.2.2010 kl. 17:12]

Mistökin í þessum verkum eru ekki alveg af sömu gerðar.  Í Hólmahálsi var lagt á slitlag við kaldar aðstæður, og stuttu eftir að lagt var á ringdi mikið og það hefur aldrei virkað hingað til að að leggja á við þessar aðstæður.  Hverjum er um að kenna það veit ég ekki, en mér þykir líklegt að þar bendi hvor á annan Suðurverk og Vegagerðin.

Í Hamarsfirði er um að kenn of miklu af fínu leirkendu efni í efsta burðarlagi eða jöfnunarlagi sem þjappast og verður hart þannig að vatn situr í því og því óst vegurinn upp um leið og umferð var hleypt á hann.  Þar á það sama við og í Hólmahálsi að Vegagerðin og verktakinn benda eflaust hvort á annað....

Það er sennilega rétt sem Hafliði bendir á að það mátti ekki færa hluta verksins á milli ára, og því mikil pressa á að klára frekar en að bíða, og ekki geri ég lítið úr því hvað verkið sóttist seint, en reyndar hefur það verið þannig með Suðurverk í gegnum tíðina að þeir hafa skilað sínu á réttum tíma og í fóðu standi...

[Gunnar Th. Gunnarsson, 23.2.2010 kl. 17:25]

Suðurverk hefur haft óvenju ríflegan tíma til að standast umsamda tímaáætlun varðandi Hólmaháls, eða hátt í tvö ár, fyrir þennan ca. 5 km. kafla. En eins og sveitungar mínir hafa eflaust tekið eftir var ekkert lífsmark með framkvæmdunum mánuðum saman.

-

Málið er einfalt, Suðurverk stóð ekki við samninginn.