Samkvæmt "þeirra" veðurspá!

Í hádegisfréttum Ríkisútvarpsins var viðtal við forsvarsmann ferðaþjónustufyrirtækisins og þar sagði hann að samkvæmt þeim gögnum og veðurspám sem "þeir" höfðu undir höndum, átti að vera í lagi að fara þessa ferð því veðrið átti ekki að versna fyrr en seinnipartinn. Auk þess þekktu þeir þetta svæði mjög vel, m.a. með tilliti til veðurfars.

Sjálfur fylgdist ég nú bara með spánni frá Veðurstofu Íslands í gegnum útvarp og sjónvarp og það hefði dugað mér til þess að aflýsa þessari ferð.

Sýslumaður rannsakar

Athugasemdir

[Sigurður Þór Guðjónsson, 15.2.2010 kl. 13:59]

Maðurinn var bara að reyna að verja sig og réttlæta. Allar íslenskar veðurspár spáðu óveðri.

[Baldvin Jónsson, 15.2.2010 kl. 14:20]

Það er auðvelt að sitja heima í hlýjunni sinni og þykjast hafa vit á hlutunum.

Ég var einn af fjórum sem var starfsmaður þarna í gær. Við höfum allir mikla reynslu af störfum þarna, þekkjum landslag svæðisis mjög vel og að sama skapi hvernig veðrið þarna hagar sér almennt. Það var spáð sterkum blæstri á norðurlandi seinni partinn um daginn í gær morgun. Rok á norðurlandi hefur almennt lítil áhrif á skyggni syðst á Langjökli. Og ef svo er þá kemur það þar yfir mun seinna en það kemur yfir fyrir norðan. Skyggni var gott þegar við lögðum af stað og framan af. Þegar við sáum að það var að versna var hópnum samstundis snúið við og farið með þau niður að jökuljaðrinum þar sem veðrið var enn í besta lagi og heldur sér almennt mun betra skyggni þar í þessari vindátt. Það átti hins vegar því miður ekki við í gær og þetta ömurlega atvik átti sér stað.

Fyrir þig Sigurður sem sérlegur áhugamaður um veður að þá er það staðreynd að almennt hefur yr.no staðið sig mun betur í spám á þessu svæði heldur en íslenskar spár. Líklega fyrst og fremst vegna þess að þeir eru með fjöldamargar veðurstöðvar við jökulinn. Vegna reynslu okkar þar af notum við norsku veðurstofuna mun meira en þá íslensku. Það hins vegar brást því miður spáin þeirra í gær, en hún sagði í gærmorgun að vindurinn yrði mestur um 12 m/sekúndu á jöklinum þarna seinnipartinn í gær og þá verst norðan til. Miðað við okkar reynslu bendir það ekki til slæms skyggnis þarna sunnan til.

Gylfi, sá sem rætt var við var vissulega að útskýra aðstæður og að sjálfsögðu skýrði hann sína hlið máls. Það heitir hins vegar ekki að verja sig eða réttlæta, það heitir frásögn.

Við sem þarna störfum fast eða reglulega, höfum afar mikla reynslu af ferðum og aðstæðum um jökul. Eru flestir sem starfa við ferðaþjónustu þarna í föstu starfi, 5-6 daga í viku þarna upp frá. Við þekkjum eins og ég segi aðstæður þarna gríðarlega vel. Förum með hundruði manns á jökul þarna í hverri viku og er þetta fyrsta tilfelli sem upp kemur í yfir 20 ár, þrátt fyrir að veður geti verið afar misjöfn þarna uppfrá.

Þetta var ömurlegt óhapp í gær, en óhapp engu að síður. Enginn með reynslu af þessum aðstæðum, sá fyrir út frá aðstæðum eða veðurspám hvernig þarna yrði.

[Gunnar Th. Gunnarsson, 15.2.2010 kl. 18:20]

Ég vil byrja á því að segja að mér finnst atvinnusköpun af þessu tagi mjög jákvæð og mannauðurinn sem býr í fólkinu sem starfar við þetta er mikils virði.

-

Ég verð þó að segja að byrjunin hjá þér í athugasemd þinni er ekkert annað en hroki. "Það er auðvelt að sitja heima í hlýjunni sinni og þykjast hafa vit á hlutunum."

-

Hvað veist þú um mína reynslu af vetrarveðrum? Ekkert hygg ég, en þér til upplýsingar hef ég mikla reynslu af þeim sem snjómokstursmaður Vegagerðarinnar í mörg ár á hæstu og erfiðustu fjallvegum landsins. Ég þekki samt ekkert til á Langjökli, enda aldrei mokað þar.

-

Auðvitað var þetta óhapp.... þannig séð, en ef viðhorf ykkar gagnvart þessu atviki er á þessa lund, þá er spurning hvort þið séuð hæfir í djobbið. Þið þufið að nálgast þetta mál af meiri hógværð og viðurkenna mistök ykkar undanbragðalaust.

[Axel Jóhann Hallgrímsson, 15.2.2010 kl. 20:21]

Það læðist að manni sú tilfinning að Baldvin Jónsson sé orðin svo kúltiveraður í fræðunum að það sé fyrir neðan hans virðingu að taka mark á veðurspám.

Ekki er hægt að merkja það af skrifum Baldvins að hann muni draga lærdóm af þessu máli. Hann er ekki sá fyrsti sem gefur náttúruöflunum langt nef og anar áfram af hroka og stærilæti, hann verður heldur ekki sá fyrsti sem endar á því að fá egóið þversum upp í rassgatið og það gerist fyrr eða síðar, sjái hann ekki að sér. 

[Gunnar Th. Gunnarsson, 15.2.2010 kl. 20:23]

Sammála, Axel.

[Baldvin Jónsson, 15.2.2010 kl. 21:40]

Biðst velvirðingar Gunnar ef ég hef sýnt þér hroka. Var afar þreyttur og á sama tíma svekktur á dómhörku bloggheima. Sú hugmynd mín um að flestir bloggarar sitji heima við og þekki lítið til aðstæðna sem þessara lýsir hins vegar ekki á nokkurn máta viðbrögðum okkar eða lærdómi sem af þessu má draga. Það er ekkert í mínum skrifum sem gefur ástæðu til þess að ætla það.

Axel Jóhann, að stunda hálendið til áratuga bæði til skemmtunar og vinnu er eitthvað sem kennir manni að bera virðingu fyrir því. Það er einmitt vegna reynslu minnar af góðum líkum á réttri veðurspá frá yr.no sem að ég styðst mest við þá síðu. Hvernig þú getur snúið því upp í að ég sé ómerkilegt merkikerti fæ ég ekki skilið. Þú verður að búa við þá dómhörku sjálfur.

Okkar ferli við að meta hvað þarna gerðist og hvernig hefði betur mátt fara er þegar farið af stað.

[Axel Jóhann Hallgrímsson, 16.2.2010 kl. 00:34]

Að þú sért merkikerti Baldvin, eru þín orð.

Eftir að hafa alist upp og búið yfir 40 ár í einni mestu snjóakistu og veðrarassgati landsins og 14 ára sjómennsku, hefur mér lærst að það er aðeins eitt sem er öruggt þegar veðrið er annarsvegar. Það er að ekkert er öruggt hvað veðrinu viðkemur.

Flestum hefur hefur reynslan kennt að ganga aldrei að því sem gefnu að veðurspáin sé ýkt. Betra er að hafa vaðið fyrir neðan sig og þá ekki hvað síst á hálendinu fjarri byggð.

Að treysta frekar á erlendar spár en þá Íslensku er undarlegt. Erlendar spástofur hafa fráleitt þá staðháttaþekkingu sem nauðsynleg er til að taka fullt tillit til staðbundina þátta sem gerbreytt geta veðrinu og þá ekki hvað síst á hálendinu.

[Gunnar Th. Gunnarsson, 16.2.2010 kl. 00:51]

Þetta verður vonandi rannsakað af til þess bærum aðilum með það að markmiði að minnka líkurnar á að svona gerist aftur.

 Fyrir Guðs mildi varð ekki manntjón í þetta sinn

[Axel Jóhann Hallgrímsson, 16.2.2010 kl. 19:26]

Samkvæmt fréttum þá virðast hjónin verulega ósátt við starfshætti ferðaþjónustufyrirtækisins og framkomu starfsmanna þess.

En auðvitað eru þetta að mati "sérfróðra" bara fávísir túristar sem auðvitað eða hafa vekkert vit á málinu og þekkja því síður til aðstæðna á svæðinu.

Slíkt er aðeins á færi Íslenskra SÉRFRÆÐINA með rassgatið fullt af gorgeir. 

[Gunnar Th. Gunnarsson, 17.2.2010 kl. 00:42]

Einar Sveinbjörnsson, veðurfræðingur bloggar um þetta og er ekki sérlega hrifinn af "afsökunum" Baldvins Jónssonar, sjá HÉR

[Hörður Þórðarson, 17.2.2010 kl. 12:54]

Baldvin skrifar:

"Fyrir þig Sigurður sem sérlegur áhugamaður um veður að þá er það staðreynd að almennt hefur yr.no staðið sig mun betur í spám á þessu svæði heldur en íslenskar spár. Líklega fyrst og fremst vegna þess að þeir eru með fjöldamargar veðurstöðvar við jökulinn."

Sú fáviska sem þarna kemur fram dæmir þig, Baldvin. A þú skulir leyfa þér að hætta lífi fólks gegn greiðslu verandi eins fáfróður og þú augljóslega ert er glæpsamlegt. Í það allra minnsta ætti fyrirtæki sem stundar svona vinnubrögð að loka þangað til bætt hefur verið úr, kostnaður við leitina og skaðabætur greiddar að fullu. 

Það verður að krefjast þess að þeir sem bjóða upp á svona ferðir hafa einhverja þekkingu á því sem þeir eru að gera og beri einhverja ábyrgð. 

Ég tek það fram að ég er á engann hátt tengdur Veðurstofu Íslands og þaðan af síður Noregs.

Þetta er mjög gott hjá Einari:

http://esv.blog.is/blog/esv/entry/1019189/

[Eiður Ragnarsson, 23.2.2010 kl. 17:24]

Veðrabrigðin geta oft verið íkja snögg víða á Íslandi og ekki einna síst í nágrenni við jökla og há fjöll.  Það getur verið erfitt að meta þetta á hverjum gefnum tíma, en auðvitað eru menn að reyna sitt besta og að halda öðru fram þykir mér frekar hæpið, það stefnir engin fólki inn á jökul við tvísýnar aðstæður.

Ég held að það þurfi frekar að skoða þau úrræði sem viðkomandi aðilar eru með, frekar en að gaspra um það hvaða veðurspá á að fara eftir, því að eins og ég sagði hér áður þá tefla menn ekki á tvísýnu í þessu.

Neyðarsendir á alla sleða, það eitt og sér ætti t.d. að vera skylda, þá væri hægt að keyra beint að sleðanum sem yrði viðskila, og pikka fólkið upp.

Þessi búnaður þarf ekki að vera dýr, eða flókinn, og hann gæti meira að segja verið í gangi alltaf, til að það sé hægt að rekja ferðir þeirra um jökulinn og skrásetja allar ferðir.

Í þessu einstaka tilviki hefði verið fljótlegt að keyra fram á þau mæðgin, og koma þeim í skjól, ef sendir væri til staðar. 

Bara hugmynd, en ég er á því að þetta ætti að vera llykilatriði, því að það hefur gerst að spá er góð en hún bregst og það skellur á mikið dimmviðri eða bylur, nánast án fyrirvara, þannig eru bara aðstæður á hálendi landsins.

[Gunnar Th. Gunnarsson, 23.2.2010 kl. 17:39]

Tek undir þetta, Eiður.... nema að víst tefla menn í tvísýnu, þó þeir ætlis ér það ekki. Dómgreindin sveik þessa ágætu menn og best er ef þeir viðurkenna það.