Ætla þessi samtök að tryggja örryggið?

Nei, þau geta það auðvitað ekki en ef sú staða kemur upp að ísbirnir ganga á land fjarri byggðu bóli og engri hættu stafar af þeim, svona í byrjun, þá ætla ég ekki að beita mér sérstaklega gegn því að þessi alþjóðlegu samtök, http://www.polarbearsinternational.org/  bjargi dýrunum á SINN kostnað.

Harma ísbjarnadráp

Athugasemdir

[Ráðsi, 2.2.2010 kl. 10:23]

Nei Nei nú er lag að bjóða upp á óvissuferðir þarna norður, svo er hægt að nota féð úr tálkna sem fæðu handa böngsunum

[Einhver Ágúst, 2.2.2010 kl. 10:25]

Lastu ekki fréttina? Þau taka sérstaklega frama að auka öryggi og hjálpa til í samvinnu við yfirvöld, hvað er að angra Þig?

[Sigurjón, 2.2.2010 kl. 10:31]

Ég leyfi mér að efast um að þessi samtök geti eða vilji eyða peningum í að tryggja öryggi norðlendinga gagnvart hvítabjörnum.  Ef svo er, þá er það bara bezta mál.

[Jón Snæbjörnsson, 2.2.2010 kl. 10:33]

fólk er mun meira meðvitað um hvað er að ske í dag  - auðvitað eru áherzlunar misjafnar en þannig er það bara - skárra að bjarga lífi frekar en að taka það sé þess kostur

[Einhver Ágúst, 2.2.2010 kl. 10:37]

Það er ágætt að efast, en taka ber nú öllum sem koma með hugsanlegar lausnir með opnum örmum og huga, nema nottla þeim sem eru  ósammála mér.

[Ólafur Ingi Hrólfsson, 2.2.2010 kl. 10:41]

Og hvernig ætla þessi samtök að auka öryggi ??

Þetta er þvættingur fólks sem hefur hvorki burði né raunverulega löngun til þess að takast á við svona mál - sendum þeim eitt stykki sm gæti þá gengið laust heima hjá þéim sjálfum -

Borðar Ágúst ekki kjöt - ( nauta - svína - lamba - fugla ) ? Kanski drekkur hann bara vatn. Ágúst - þær tegundir sem ég taldi upp verða ekki til á lagernum í matvörubúðunum - NEI ekki heldur í tölvum birgjanna.

[Gunnar Th. Gunnarsson, 2.2.2010 kl. 10:49]

Ágúst Már, jú ég las fréttina  .. ég er að segja að þessi samtök geta ekki tryggt öryggi fólks ef þessir ísbirnir ganga á land í eða við byggð. Ég held nefnilega að það þýði ekkert að biðja birnina um að vera með rólegan æsing þangað til samtökin mæta á staðinn.

Hvað er að angra þig?

[Flosi Kristjánsson, 2.2.2010 kl. 11:25]

Meðan Þistilfirðingar eða aðrir Norðlendingar hafa ekki tólin og kunnáttuna til að handsama hina óvæntu gesti úr Íshafinu, er ekki um mörg úrræði að velja.

Auðvitað væri mannúðlegt að stugga við böngsunum og koma þeim út á ísinn aftur.

Við gætum þurft að þjálfa upp fólk til að gera það, en spár náttúruvísindamanna ganga eftir um fjölgun svona heimsókna.

[I I (IP-tala skráð) 2.2.2010 kl. 12:09]

Hvað hafa Norðlendingar haft langan tíma til að undirbúa komu ísbjarna? ... jú svona nokkuð hundruð ár.....

Skemmtiferðaskip koma til Akureyrar og á 4 árum er búið að undirbúa komu þeirra, bæta hafnaraðstöðuna og fleira.... vorkenni norðlendingum ekki baun..... geta bara drullast til að gera ráðstafanir

[Einhver Ágúst, 2.2.2010 kl. 12:27]

Nei inntaklið hjá þessum samtökum er að hj´lapa okkur, afhverju ættum við að afþakka það?
 

Nei ekkert sem angrar mig en takk fyrir að spyrja Gunnar, hafðu það fínt í sólinni.

[Gunnar Th. Gunnarsson, 2.2.2010 kl. 12:36]

Ég tek alveg undir það hjá þér Ágúst, við eigum ekki að afþakka hjálp.... ef hún kostar okkur ekkert

[Hjörtur Herbertsson, 2.2.2010 kl. 13:00]

Ég held að það sé best að fá Ágúst og þennan II sem þorir ekki að skrifa undir nafni, til þess að bjarga næsta bangsa sem álpast til þess að nema land hér. Annars veit ég ekki hvort að II hefði kjark til þess, þar sem hann þorir ekki að setja nafnið sitt undir kommentana sína.

[Jóhannes H. Laxdal, 2.2.2010 kl. 13:20]

Mér alveg sama þótt þetta pakk komi hingað og vakti strendurnar okkar í von um að sjá ísbjörn sem það geti bjargað,  en á meðan það er verið að skera niður í heilbrigðiskerfinu þá á ekki að vera að gefa þessu liði eina krónu af opinberu fé. Ef það vill eyða tíma í eitthvað svona þá getur það gert það á sínum tíma og á sinn kostnað.

[Einhver Ágúst, 2.2.2010 kl. 15:41]

Ég er til, reddið mér deyfibyssu og búri og ég legg af stað við fyrsta bjarnarrek....það hefur svosem lítið með kjark að gera.

Ég hef hitt menn sem eru mun hættulegri en nokkur einasti ísbjörn......

[Kolbrún Stefánsdóttir, 2.2.2010 kl. 15:45]

Til hvers í ósköpunum á að bjarga ísbirni. Þetta er bráðhættuleg skepna og hefur enga smugu á að lifa hér á landi án þess að fólki stafi hætta af því, sama hvað einhver samtök úti í heimi segja. Hef  ekki heyrt neitt vitlausara lengi. Er ekki verið að skjóta rollur sem engum starfar hætta af en lagst hafa út, tófu, mink og stöku hreindýr. Þessi samtök mættu svo sem leggja fé og tíma í að vakta hafsvæðið undan ströndum Íslands og passa að dýrin kæmust ekki á land en eftir það á bara að skjóta þau og það strax. Áfram Þistlar. kveðja Kolla.  

[Gunnar Th. Gunnarsson, 2.2.2010 kl. 16:49]

Ágúst, það er ekki víst að bangsi megi vera að því  að bíða eftir því að þú drattist Norður.... eða Vestur. Miklar líkur eru á því að hann hafi ekki fengið ærlegan bita lengi og þessir birnir kunna enga borðsiði. Þeir ráðast á fyrstu kræsingu sem þeir sjá

[Einhver Ágúst, 2.2.2010 kl. 20:45]

Jújú, en það má nú segja þeim til varnar að þeir drepa bara það sem þeir borða....

[Þorvaldur Guðmundsson, 3.2.2010 kl. 00:28]

Það hefði alveg verið hægt að sprauta bangsann með sauðahormóni þá hefði hann orðið ljúfur sem lamb og skokkað um tún og móa og bitið gras og í mesta lagi jarmað góðlátlega að fólki sem ætti leið hjá. Síðan hefði honum bara verið smalað af fjalli með hinum lömbunum í haust og færi í löggilt sláturhús þá þyrfti hann ekki að deyja aleinn litla skinnið. Svo myndi hann ef til vill enda í þorrabakkanum hjá Águsti á sama tíma að ári.

[Gunnar Th. Gunnarsson, 3.2.2010 kl. 00:39]

Á að vera huggun í því, Ágúst?

[Gunnar Th. Gunnarsson, 3.2.2010 kl. 00:40]

Góður, Þorvaldur

[I I (IP-tala skráð) 3.2.2010 kl. 10:58]

Eða sprauta Þorvald með sauðahormnónum svo hann yrði sauðheimskur og svo reka hann upp á fjall og svo endar Þorvaldur í Nóatúni birkireyktur fyrir næstu jól og börnin hans benda á "mamma, mig langar í svona læri" og þá segjir mamman "æ nei, það er svo til mikið af svona týpískum birkireyktum lærum.... reynum frekar að vanda valið"

[Árni Gunnarsson, 4.2.2010 kl. 00:04]

Bangsi er voða fallegur. Og svo er hann bara svo góður líka en oft svo misskilinn.

Svona ámóta og þessir svokölluðu útrásarvíkingar sem allir keppast við að níða niður.

Mér finnst að það eigi að stofna sameiginlegt verndarsvæði fyrir þessar tegundir og leyfa þeim að lifa þar óáreittar í sátt og samlyndi. 

[Páll Geir Bjarnason, 4.2.2010 kl. 01:54]

Kolbrún. Gallinn við að bera ísbjörn saman við rollur, tófur, minka og hreindýr er sá að ísbjarnastofninn telur 20.000 stykki meðan hinar skepnurnar eru nánast útum allt.

Hins vegar er ljóst að því miður reynist oft nauðsynlegt að fella hvítabirnina þegar þeir ramba of nálægt mannabyggðum.

[Jón Logi (IP-tala skráð) 4.2.2010 kl. 08:52]

Þessi birna var 138 kg. Enginn á þessu bloggi á nokkurn möguleika í hvítabjörn af þeirri þyngd, ætli hann bloggarann sér til matar. Reyndar myndi enginn ykkar einu sinni halda holdakálfi bandlausum af þeirri þyngd.

Hver myndi reyna að klappa 138 kg svöngum Pit-bull? Þetta er svona svipað.

Birnan féll, og það var ekkert annað að gera. Kannski koma einhvern tímann upp þær aðstæður að hægt verði að króa af og svæfa hvítabjörn, og þá helst þar sem hátt er og klettótt. En það hefur ekki gerst enn.

[I I (IP-tala skráð) 4.2.2010 kl. 14:56]

Ok, allir fílar vega nokkur tonn og engin af þessu bloggi á neinn möguleika í fíl, á þá ekki bara að skjóta þá?

Hvað með ljónin í Afríku... á ekki bara skjóta öll dýr sem eru hættuleg og þyngri en við?

Og, þú það var margt annað hægt að gera.... það eru til þúsundir möguleikar en þröngsýnt fólk sér aðeins eina leið annað en við hin gáfaða fólkið

[Jón Logi (IP-tala skráð) 4.2.2010 kl. 17:22]

Ég held að þú sér ekki gáfaður, frekar svon "I I", og er hissa að þú komist í gegn um ruslpóstsvörnina. Við erum að tala um svangan isbjörn innan um fólk og fénað, ekki fíl, sem er grænmetisæta, en NB að innan um villta fíla og ljón á bersvæði þarf engan gáfumann til að ganga vopnaður. Maður skýtur í neyð.

[Kolbrún Stefánsdóttir, 4.2.2010 kl. 18:01]

Já, Páll Geir, minkur og tófur út um allt og hreindýrin líka Hvar býrð þú? Það skiptir engu hvort þessi dýr eru 20 þúsund eða 2 þúsund. Þau eru stórhættuleg. Erum við Íslendingar eitthvað meiri en annað fólk af því við erum bara 300 þúsund? Engin ástæða til að taka áhættu þó um sjaldséð dýr sé að ræða. Kveðja Kolla.

[Gunnar Th. Gunnarsson, 4.2.2010 kl. 18:27]

Sammála, Kolla. Sama sinnis eru örugglega hugsanleg fórnarlömb þessara dýra.

[Páll Geir Bjarnason, 4.2.2010 kl. 23:11]

Þú ert svona snjöll Kolbrún. Ég bý nú bara á Íslandi, þar sem fleiri rollur eru en fólk. Íslendingur er ekki sérstök dýrategund. Mannskepna er mannskepna, hvort sem hún sé ensk, hollensk eða íslensk, en þú hefur kannski annan skilning á tegundaflokkun í dýraríkinu.
Stofn hreindýra, minka og sauðfés telur umtalsvert fleiri skepnur en ísbjarnarstofninn. Þarna eru um að ræða tegundir sem eru ekki nálægt útrýmingarhættu nema þá helst hreindýrið. Ísbjarnarstofninn hefur staðið í stað þrátt fyrir heilmikla vernd og ekki bjart framundan hjá þeirri tegund.

Annars tek ég það fram að því miður reynist oft nauðsynlegt að fella dýrin ef þau ramba of nálægt mannabyggðum. Skil því ekki þessa yfirlætisfullu athugasemd í minn garð. Mig grunar þó að það sé vegna þess að ég gagnrýndi þessa kjánalegu samlíkingu þína. Svona eru sumir. Þola ekki gagnrýni án þess að kveikja á vaðlinum og skrúfa í botn.

[Kolbrún Stefánsdóttir, 5.2.2010 kl. 00:27]

Sæll Páll ég biðst nú auðmjúk afsökunar ef ég hef sært þitt viðkvæma geð með minni athugasemd  sem þér finnst yfirlæti. Ég hef nú ekki hugmynd um hvort hér eru fleiri rollur en fólk og finnst það ekki skipta neinu máli. Var nú að tala um þær rollur sem fjallað var um í fréttum fyrr í vetur að höfðu gengið sjálfala fyrir vestan og allt var vitlaust útaf. Var nú líka að taka samlíkingu svona holt og bolt mest til marks um það að við erum að drepa dýr sem lifa vilt þó okkur stafi engin hætta af þeim heldur meira óbeinn óskundi eins og ref og mink. Það hefur engin áhrif á ísbjarnastofninn þó við drepum þau dýr sem hingað slæðast. Hættan sem steðjar að þeim stofni er á allt öðrum forsendum. Ekki var ég að líkja íslendingum við dýr heldur aðra menn og hvort ætti að taka tillit til þess hver fjöldinn er eða ekki. Svona eru sumir segir þú og það finnst mér merki um að þú sért fljótur að dæma aðra. Ég þoli vel gagnrýni enda vön henni en þú þekkir mig ekki ef þú heldur að ég hafi skrúfað í botn. Sjálf held ég að þú hafir ekki húmor og ekki þolað broskallinn ég er ekki með yfirlæti en með mjög sterka skoðun á þessu enda lifað við landfastan hafís í den og það var ekki traustvekjandi. Þetta er nú í fyrsta skipti sem ég er sögð kjánaleg og það er bara krúttlegt. Vona að þú eigir eftir að njóta návista við ísbjörn einhverntíma  og leyfir mér svo að heyra hvað þér finnst eða ég frétti hvernig fer.  Kveðja Kolla.

[Sigurjón, 5.2.2010 kl. 00:58]

Heyr heyr Kolbrún!

[Gunnar Th. Gunnarsson, 5.2.2010 kl. 09:20]

Gott svar Kolla.

-

En varðandi innlegg

Páll Geir Bjarnason, 4.2.2010 kl. 23:11 hér að ofan, þá vil ég upplýsa þig Páll, um það að ísbjarnarstofninn er ekki í útrýmingarhættu, en hann er á válista, sem er allt annað en þá er fylgst gaumgæfilega með stofnstærðinni frá ári til árs og fullt af fólki hefur vinnu við það.

Í kringum árið 1960 voru ísbirnir hins vegar í útrýmingarhættu, en þá taldi stofninn aðeins um 5-6 þúsund dýr. Þá var ísbjörninn alfriðaður um nokkurra ára skeið og stofninn tók hratt við sér.

Í dag eru ísbirnir um 22 þúsund og stofninn virðist í nokkru jafnvægi. Heimkynnum ísbjarna er skipt í sex megin svæði, þrjú á Grænlandi og þrjú í Kanada. Á tveimur svæðum virðast ísbirnir eiga erfitt uppdráttar og er þar lítilsháttar fækkun í stofninum. Á öðrum tveimur svæðum er ísbjarnarsrofninn enn í sókn og sumstaðar í Kanada er hann farinn að verða til vandræða, því hann er farinn að slæðast til byggða, oftar en íbúarnir (manneskjurnar) kæra sig um. 

Á síðustu tveimur svæðunum er gott jafnvægi í stofninum og í raun lítið að óttast.

Töluvert er skotið af ísbjörnum í Grænlandi og Kanada. Um 800 dýra veiðikvóti er gefinn út árlega en auk þess eru felld dýr með reglubundnum hætti þegar þau ákveða að heimsækja mannabyggðir.

-

Og að lokum, Páll, af því ég veit að þú ert fróðleiksþyrstur...

Hreindýr eru ekki í útrýmingarhættu á Íslandi. Þvert á móti hafa þau það mjög gott á Austur hálendi Íslands (og það þrátt fyrir Kárahnjúkastíflu )

Meira að segja hafa þau það svo gott að nauðsynlegt er að halda stofninum niðri, með því að úthluta 12-13 hundruð dýra veiðikvóta, árlega.