Skilvirkt kerfi í Kína

Eftir að kínverskur maður hafði stungið átta börn til bana í Fuijan héraði í síðasta mánuði, hefur dauðadómi hans þegar verið fullnægt með riffilskoti í hnakkann. Þeir eru ekkert að sluksa við þetta, Kínverjarnir

 

Hnífaárásir í leikskólum í Kína hafa verið óhugnanlega tíðar að undanförnu og það hlýtur að segja sig sjálft að fólk sem gerir svona hluti er varla heilt á geði. Geðsjúkdómar virðast ekki gera fólk í Kína ósakhæft.

Á myndinni hér til hliðar er æfing í gangi en útvaldir böðlar æfa sig í tvo daga fyrir hverja aftöku. Tveir til þrír lögreglumenn eru við hvern sakborning. Sakborningurinn er beðinn um að hafa munnin opinn, rétt áður en aftakan er framkvæmd því ef kúla fer út um munninn, verður aftakan ekki eins sóðaleg.

Buxnaskálmar sakborninga eru gjarna bundnar saman með snæri, því algengt er að hinn dauðadæmdi losi saur og þvag, rétt fyrir og stundum eftir aftökuna.

HÉR má lesa viðtöl við kínverska böðla o.fl. sem málið varða. Átakanleg lesning. 

Hér má sjá nokkrar ljósmyndir af aftöku. VARÚÐ, alls ekki fyrir viðkvæma  

Í fyrra lýsti Hæstiréttur í Kína því yfir að þeir hyggðust fækka dauðadómum en árið 2008 voru að meðaltali  4,7 manneskjur líflátnar í landinu á degi hverjum. Reyndar eru tölur um líflátna ríkisleyndarmál í Kína, en Amnesty International áætlar þessa tölu.

Viðurlög við 60 tegundum afbrota í Kína er dauðarefsing, m.a. vegna skattsvika og fjársvikamála. Sömuleiðis fær einn og einn mótmælandi í landinu, hnakkaskotið náðuga.

Kínverji stakk 28 leikskólabörn

Tourette

I parked in a disabled space today and a traffic warden shouted to me....

'Oi, what's your disability?'

I said 'Tourettes! Now Fuck off!'

Ég tók minjagrip

Við fjölskyldan keyrðum úr Reykjavík í gær, austur á Reyðarfjörð og fórum "Suðurleiðina".

Við stoppuðum við bæinn Þorvaldseyri, þar sem öskufallið virtist hafa verið mest. Við vegkantinn voru hraukar af gosösku og ég mokaði í litla pappaöskju og svo set ég öskuna í litla og fallega glerkrukku til skrauts og minningar í einhverja hilluna.

Mér hefur lengi þótt sveitin undir Eyjafjöllum vera fallegasta sveit landsins og Þorvaldseyri er sennilega ein búsældarlegasta jörðin. Ræktunarskilyrði eru óvíða betri og oft hef ég keyrt Suðurleiðina snemma vors og þá er sveitin undir Eyjafjöllum orðin fagurgræn á meðan kaldur hrammur heimskautaloftsins hangir enn yfir sveitum í norður helmingi landsins.

Það er sorglegt að sjá hina fallegu akra Þorvaldseyrar, svarta af ösku, en þó var greinilegt að rigning var að gera mikið gagn. Fínasta efnið í öskunni er fljótt að sáldrast ofan í jarðveginn og öskulagið minnkar verulega að rúmmáli. Það sást m.a.s. í nýgræðinginn teygja sig upp úr svörtum sverðinum.

Fagna rigningu undir Eyjafjöllum

Sérkennileg birtingarmynd forræðishyggjunnar

Ég vil byrja á að taka fram að ég er algjörlega andvígur dauðarefsingum.

Ég skil þó reiði aðstandenda fórnarlamba morðingja, sérstaklega foreldra barna. Það er ekkert rangt, skrítið eða slæmt við þær tilfinningar að foreldrið vilji að morðingi barns þeirra, hljóti a.m.k. sömu örlög, þ.e. gjaldi fyrir með lífi sínu. Þetta eru eðlilegar og mannlegar tilfinningar.

Við eigum hins vegar sem samfélag að láta skynsemina ráða, þ.e.a.s. ef við viljum vernda mannréttindi. Það er hroðalegur glæpur að taka saklausan mann af lífi og auk þess er það ekki á mannanna ábyrgð að ákveða hver lifir og deyr.

Það er hægt að færa mörg rök gegn dauðarefsingu en öll rök með henni stranda strax á grundvallaratriði í mínum huga: "Þú skalt ekki morð fremja".

En þá að forræðishyggjunni varðandi þessa viðtengdu frétt.

Nú vilja einhverjir ákveða hvað hinum dauðadæmda er "hollast" á banastundinni: Að fá kúlu í hjartastað eða að fá lamandi eitursprautu í æð. Þeir vilja taka ákvörðunarréttinn af einstaklingnum sem málið varðar.

Ég myndi velja kúluna.

Valdi að verða skotinn

Auga með Steingrími og Jóhönnu

Ég má til með að birta hér "Staksteina" Morgunblaðsins í gær.

"Flugfélög í Evrópu telja sig hafa tapað háum fjárhæðum vegna ösku frá Eyjafjallajökli. Nefndir hafa verið 300 til 400 milljarðar króna.

Við þessar aðstæður er nauðsynlegt að hafa auga með þeim Jóhönnu og Steingrími J.

Viðbúið er að fram verði settar kröfur um að Íslendingar, sem beri ábyrgð á Eyjafjallajökli, greiði þennan kostnað.

Steingrímur og Jóhanna munu samviskusamlega taka fram að Íslendingar beri að sjálfsögðu enga ábyrgð á þessari framgöngu eldfjallsins og enn síður þeim vindum sem feyktu öskunni til Evrópu.

Í framhaldinu munu þau þó undirstrika að Íslendingar muni að sjálfsögðu standa við sínar skuldbindingar. Spurningin hljóti því að snúast um greiðslutíma og vaxtakjör.

Því næst munu þau snúa sér til Alþingis og þjóðarinnar og segja að ákvörðun um ríkisábyrgð á þessum skuldbindingum þoli enga bið, því það skaði samstarfið við AGS og setji í hættu endurreisnina, sem þau hafi unnið svo vel að og séu svo ofboðslega þreytt eftir.

Rithöfundar Baugs og Samfylkingarinnar munu fara mikinn í kjölfarið.

Þetta er fúlasta alvara."

Mér finnst þessi pistill algjör snilld

Akureyrarflugvelli líka lokað

Liverpool - Fulham

Það yrði skondið ef það verða Fulham og Liverpool sem leika til úrslita í þessari plastdollukeppni

Mörg góð lið voru í keppninni, m.a. sló Fulham út sterkt lið Juventus, eftir að hafa tapað á útivelli 3-1 og lent undir á heimavelli 1-0.

Forlan tryggði Atlético sigur á Liverpool

Rangt hjá forsetanum

Ef ég man rétt úr áralöngum fréttalestri, þá gýs Katla að meðaltali á 50-70 ára fresti, en ekki 100 ára fresti eins og forsetinn segir. Gosin eru mjög misjafnlega öflug og sá ég nýlega eldgosin frá landnámsöld, flokkuð í fjóra flokka, eftir styrkleika þeirra.

Katla gaus síðast 1918, stuttu og tiltölulega máttlausu gosi. Á skalanum 1-5 og fimm er hamfaragos, þá var gosið 1918, tveir á skalanum, þ.e. í næst veikasta flokknum. Fólki þótti þó nóg um hamfaraflóðin sem fylgdu í kjölfarið. Ísklumpar á stærð við stæðileg hús, lágu eins og hráviði um sanda.

Það eru  92 ár frá síðasta gosi og því má segja að Katla kerlingin sé fyrir löngu komin á steypirinn.

Ef gos hennar verður öflugt á "Kötlu mælikvarða", þá gæti skapast neyðarástand í flugsamgöngum á norðurhveli jarðar, í mjög óþægilega langan tíma.

Mun stærra íslenskt eldfjall „við það að springa“

Brandari

Tveir náungar gengu eftir götu og sáu hund liggjandi á gangstéttinni, sleikjandi á sér eistun.

Annar náunginn segir: "Ég vildi að ég gæti þetta".

Þá svarar hinn: "Betra að gá hvort þú getur klappað honum fyrst".

Hárrétt hjá Geir

Svona er þetta bara.

Svíar og Rússar áttu svona lið áður, lið sem við áttum ekki séns í. En tími okkar mun koma, þó síðar verði. Þá verða það hin liðin sem eiga ekki séns í okkur. Hvort það verður á þessum áratug eða einhverjum öðrum.... kemur í ljós.

Ég má til með að koma með tilmæli til RUV:  Vinsamlegast notið ekki Adolf Inga Erlendsson í beinum útsendingum frá handboltalandsleikjum.

Yfirburðir í leik- og lesskilningi auk líkamsburða

Viðlagasjóður

Það er ljóst að margar fjölskyldur undir Eyjafjöllum og e.t.v. víðar, sjá fram á algjöran afkomubrest á þessu ári og sennilega á því næsta líka, auk þess sem verulegur kostnaður mun fylgja því að koma atvinnustarfsemi í eðlilegt horf að nýju

Samfélagið á ekki að horfa upp á slíkt aðgerðalaust.

Þegar náttúruhamfarirnar á Súðavík áttu sér stað, þá upphófust miklar safnanir, m.a. á öldum ljósvakans og umtalsverðir fjármunir söfnuðust. Tilfinningaþrungið ástand skapaðist í þjóðfélaginu á þessum tíma.

Mikillar óánægju gætti hjá flestum íbúum Súðavíkur sem misstu heimili sín í flóðinu, með afgreiðslu úr sjóðnum sem myndaðist við söfnunina. Hrein illindi urðu í málinu, sem rataði í fjölmiðla og ásakanir gengu.

Ég held að það sé best að sérstakur "Viðlagasjóður", líkt og í Vestmannaeyjagosinu 1973, sjái um málið og að hann sé alfarið fjármagnaður af ríkissjóði.

Það er sárt að sjá fjármunum fólks, sem af vanmætti sínum gefur af því litla sem það hefur, sóað í og af yfirstjórnum söfnunarsjóða, yfirstjórnum sem skipaðar eru misvitrum mönnum.

„Verstu morgnar sem ég hef lifað“