Kostnaðarsöm og óverjandi afglöp umhverfisráðherra

Atli Gíslason segir að sjálfsagt hafi verið að láta reyna á hvort framganga umhverfisráðherra stæðist lög. Ráðherra er rassskelltur í Hæstarétti og er það bara allt í lagi? Engin ábyrgð?

Of dýr ráðherra

Fjármagn sett í nýsköpun fyrir útlendinga

"Símenntunarmiðstöð Vesturlands og Vinnumálastofnun hafa um skeið staðið fyrir svokölluðum frumkvöðlasmiðjum fyrir atvinnulausa sem ganga út á að leiðbeina fólki við að leita að nýjum viðskiptahugmyndum. Nú stendur hinsvegar yfir, á Akranesi, fyrsta frumkvöðlasmiðjan eingöngu ætluð erlendum atvinnuleitendum.

"Marcin Szafranowicz er nemandi í frumkvöðlasmiðjunni. Hann hefur búið í 9 ár á Íslandi og alltaf notað pólskt sjónvarp. Hann segir að margir Íslendingar séu ekki hrifnir af öllum loftnetunum sem fylgi því. Hann segist vilja þróa netsjónvarp. Marcin er ekki viss hvort hann hrindir hugmyndinni í framkvæmd en það sé mikils virði að fá að þróa hana í frumkvöðlasmiðjunni." (Undirstrikun mín) ( ruv.is )

Þetta er væntanleg dæmi um "eitthvað annað", sem á víst að blasa við öllum.

Mjög spennandi frumkvöðlastarf hefur verið unnið í Hrísey s.l. áratug í kræklingarækt. Nú hefur þetta framtak verið tekið til gjaldþrotaskipta.

Ef það á að styðja við frumkvöðlastarf með opinberu fé á annað borð, þá vil ég sjá því fjármagni veitt í starfsemi sem þegar er komin af stað og lofar í raun góðu. Mikil þróunarvinna hefur átt sér stað hjá Norðurskel ehf. en afurðin skilar sér ekki að fullu strax. Ef ég man rétt, er "uppskeran"einhver ár í ræktun og einnig þarf að þróa markaðssetningu og fl.

Norðurskel gjaldþrota

Hvað kostar valdníðsla umhverfisráðherra?

Svandís Svavarsdóttir braut lög til að koma fram vilja sínum. Tilgangurinn var að koma í veg fyrir fyrirhugaða Urriðafossvirkjun. Málaferlin hafa eflaust kostað tugi miljóna og ekki er ólíklegt að umhverfisráðuneytið fái á sig skaðabótamál að auki.

Hvað þarf til að ráðherra verði stefnt fyrir landsdóm?

Þessi bloggfærsla er sett í flokkinn: SAKAMÁL

Sömu lög fyrir Flóahrepp og aðra

Völva Agl.is - "Skuggi yfir álverinu"

Hinn austfirski fréttamiðill, http://www.austurglugginn.is/ , skartaði Völvu, eins og flestir miðlar landsins. Völva Austurgluggans sagði m.a., skömmu eftir áramót:

„Álverið á Reyðarfirði verður ekki lengur eins vinsælt og verið hefur, fólk fussar yfir mengun og heilsutapi. Eitthvað virðist verða að tölvukerfinu sem veldur fleiri bilunum. Það er skuggi yfir stóriðjunni á Reyðarfirði og líklega styttra í það en margir halda að Alcoa loki og fari. Þörf fyrir ál fer minnkandi vegna samdráttar í stríðsrekstri.  Áhugi er á nýjum uppfinningum sem þykja hagstæðari en þessi bræðsluaðferð."

Andrúmsloftið í Reyðarfirði er vaktað m.t.t. mengunar og sömuleiðis gróðurfarið. Hægvaxta gróður, s.s. mosar, fléttur, skófir og sígrænar plöntur, eru viðkvæmari en annar gróður fyrir langtíma mengun. Aðallega heyrði ég talað um brennisteinsmengun en minnist þess ekki að díoxín-mengun hafi verið nokkurn tíma nefnd í umhverfismatinu. Ég skal þó ekki fullyrða um það og ég nenni ekki að fletta því upp, að sinni.

Ég held að sýnataka úr jarðvegi segi okkur ekkert meira en sýnataka úr gróðrinum. En sennilega er aldrei of varlega farið... eða hvað?  Er þetta kannski bara sýndarmennska í Svandísi, umhverfisráðherra?

Díoxínmengunin fyrir vestan er hins vegar grafalvarlegt mál og ef satt reynist að mengunin sé veruleg í kring um sorpbrennslur, þá á auðvitað einhver blýantsnagarinn að taka pokann sinn.

Taka sýni við álver og við áramótabrennur

Galíleósjónaukinn á Reyðarfirði

Grunnskóla Reyðarfjarðar var afhentur Galíleósjónauki í dag. Ég sá á bloggi Stjörnufræðivefjarinsað bloggarinn er veðurtepptur á Egilsstöðum, en hann ásamt fulltrúa Alcoa, sem styrkt hefur þetta verkefni, þ.e. að allir grunnskólar landsins eignist sjónaukann, voru við afhendinguna í dag.

Heimasíða grunnskólans og Fréttatilkynning um þetta mál er fróðleg lesning. Stjörnufræðivefurinn er með nánari upplýsingar með myndum af sjónaukanum.

Tunglið, eins og það sést úr Galíleósjónaukanum, tekin af Stjörnufræðivefnum Smellið á myndina þrisvar, til að sjá hana stærri.

Hvar endar Sigmundur?

Ég hef verið að fylgjast með Sigmundi Erni Rúnarssyni, í samabnadi við pólitík.

Sigmundur Ernir, mun ganga í "Sjálfstæðisflokkinn"

Punktur og basta

Tilbúinn að mynda nýja ríkisstjórn um atvinnumálin

Nokkrar skemmtilegar staðreyndir um LA

Nokkrar skemmtilegar staðreyndir:

• Svona 90% íbúa í LA eiga fáránlega flotta bíla!
• Vatnið bragðast eins og klór..
• Það eru nokkur gengi hér og okkar hverfi er einmitt talið frekar vafasamt
• Djammklæðnaður stúlkna hér er töluvert druslulegri en við eigum að venjast !
• Það kom okkur á óvart að strákarni höfðu lært um Erík Rauða og Leif Eiríksson í skóla.
• Allar skammtastærðir hér eru svona 5x stærri en á Íslandi... kemur ekki á óvart afhverju bandaríkjamenn séu ein feitasta þjóð heims.
• Það eru fáránlega mikið af pálmatrjám hérna
• Mikið af læknamarijuna í boði, eða svo segja sölumennirnir.
• Gras er mun sýnilegra hér en á Íslandi, löggurnar eiga það víst til að reykja með fólkinu.

Strákarnir sem við gistum hjá voru svo óendanlega indælir, ekki margt sem þeir gerðu ekki fyrir okkur. Voru endalaust að snúast í kringum rassgatið á okkur. Skutluðu okkur útum allt, vonum að næstu couchsurferar verði álíka góðir þó það verði erfitt að toppa þessa frábæru reynslu.
Tryggvi var líka frábær, hefðum ekki séð helminginn af því sem við sáum ef hann hefði ekki verið tilbúinn til að snúast með okkur :)

Takk og bless..

Steinunn, Freydís og Eyrún !

http://ferdakonur.bloggar.is/

 

"Það vantar mann með sting"

Sjómenn sitja ekki við sama borð og aðrir landsmenn, varðandi heilbrigðisþjónustu. Þú "skreppur" ekki til læknis, þegar þú kennir þér meins.

Það var "ræs" á togara fyrir nokkrum árum síðan. Háseti á rúmlega miðjum aldri, sagði við þann sem ræsti: "Ég held að ég treysti mér ekki á vakt... ég er með svo mikinn sting fyrir brjóstinu".

Sá sem ræsti, fór með þau skilaboð til skipstjórans. Skipstjórinn kom niður til hásetans með hraði og sagði þrumandi röddu, inn um klefadyrnar: "Það er ræs!".

"En ég er með svo mikinn sting fyrir brjósti", sagði hásetinn.

"Sting! ...Já!... það vantar einmitt mann með sting úti á dekki!", sagði skiptsjórinn.

Hásetinn fór út á dekk... fékk hjartaáfall og dó.

Þyrla sótti hjartveikan mann

Heimsreisa dótturinnar

Eyrún, dóttir mín fór í heimsreisu fyrir nokkrum dögum. Hún útskrifaðist frá ME í vor og nú á að taka áð´í í útlöndum.

Fyrsti áfangastaður var LA - USA.

"Saklausar" stelpur að austan. (Matt Damon var á ströndinni)

Fleiri Íslendingar ferðuðust til útlanda

Grafskrift ríkisstjórnarinnar?

"Hagstjórnarlegri hugmyndafræði okkar var ábótavant og skattapólitíkin mistókst hrapalega. Hún virkaði ekki í praxis og skilaði minna en engu í ríkissjóð.  

Djúpstæður ágreiningur var í nokkrum grundvallar málaflokkum milli stjórnarflokkanna, m.a. um ESB- mál og umhverfis og virkjanamál. 

Í kjölfarið missti ríkisstjórnin sjálfstraustið og þvarr úthald og einurð til þess að standast það álag sem fylgir því að taka erfiðar og óvinsælar ákvarðanir. En það sem þó varð henni fyrst og fremst að falli...

.... voru rangar ákvarðanir." 

Sagði Jóhanna Sigurðardóttir, þegar hún baðst lausnar fyrir sig og ráðuneyti sitt, á Bessastöðum, nú síðdegis.

Mig er búið að dreyma tvær nætur í röð, að þessi texti sé lesinn upp í öllum fréttamiðlum útvarps og sjónvarpsstöðvanna. Getur verið að ég sé berdreyminn?

Ef ég hef rétt fyrir mér (í þessum draumi... spádómi... óskhyggju), er það sennilega álíka merkileg heppni eða spádómsgáfa og þegar ég var 11 ára, árið 1971 og tippaði enska seðilinn af miklum móð. Þá voru 12 leikir á seðlinum, en ekki 13 eins og nú er.

Þegar ég fór yfir úrslit dagsins þennan laugardag og sá að ég hafði 11 rétta, (en þeir höfðu stundum gefið 1. vinning, sem gat verið umtalsverð upphæð), hoppaði ég hæð mína af fögnuði. Ég var stoltur af getspeki minni og mér fannst ég vera klár.... gáfaður jafnvel.

Ég sá í hyllingum allskyns hluti sem ég ætlaði að kaupa mér og auk þess ætlaði ég að gleðja mömmu og pabba,...  og systur mínar fimm og bróður.

Því er skemmst frá að segja, að hálf þjóðin var álíka getspá og ég. Úrslitin voru algjörlega eftir bókinni. Enginn vinningur var fyrir 11 rétta og vinningsupphæðin fyrir 12 rétta, dugði fyrir nokkrum getraunaseðlum.

	Okkur vantaði trú á verkefnið
Ábyrgðarmaður færslu Tenging við þessa frétt hefur verið rofin vegna kvartana.