Hvert á að flýja?

Það heyrðust raddir um það í haust, að Íslendingar gætu staðið frammi fyrir svipaðri katastrófu og Færeyingar þegar fólksfóttinn varð þar sem mestur í "þeirra" kreppu. Ef samsvarandi fólksflótti yrði hér, værum við að tala um 50-60 þúsund manns. Stór hluti þessa fólks kæmi ekki aftur.

 Atvinnuleysi hefur verið viðvarandi ástand nokkuð víða og mörg lönd eru í dag með svipað atvinnuleysi og er hér. Það er helst Noregur sem hefur lítið atvinnuleysi en þó jókst fjöldi atvinnulausra um 60% á örfáum vikum í vetur. Þar er þó enn að ég held innan við 3% atvinnuleysi.

Það er vert að staldra við og huga að hvert maður er að fara áður en lagt er upp í atvinnuleit. An er bara flan. Hér að neðan er skemmtilegur "To do list" hjá einum atvinnulausum. Það er vel hakað við "Surf the net"

Atvinnuleysi mælist 8% í Kanada

I´m a glory hunter!

Það er sagt að þeir sem haldi bara með bestu liðunum hverju sinni, séu auðvirðulegastir alls auðvirðulegs. Þessi hópur fólks hefur fengið hina niðrandi nafngift, "Glory Hunters" í Englandi.

En hvernig er annað hægt en að halda með Barcelona í þeim ham sem þeir voru í, í fyrri hálfleik á heimavelli sínum gegn Bayern Munchen. Það eina sem vantaði til þess að fullkomna leikinn, var að Eiður kæmi inná og setti mark eða tvö.

Spurning hvort þessi sé "Glory Hunter"?

Frækinn sigur Chelsea á Anfield - Barcelona burstaði Bayern

John Perkins

 John Perkins þykir ekki merkilegur pappír. Hann þyki jafnvel stórundarlegur, líkt og þeir sem leggja sig við kukl ýmiskonar, orkusteina og hvað þetta heitir nú allt.  John Perkins virðist haldin samsæriskenningaráráttu og hefur lengi reynt að halda á lofti þeirri kenningu að Bandaríkjamenn sjálfir, hafi sprengt Tvíburaturnana í New York árið 2001.

John Perkins er sölupenni, ekkert annað, og margir virðast hafa fallið fyrir honum marflatir. Náttúruverndarsinnar hafa dregið til landsins útlendinga sem eiga víst að vera svo gáfaðir að landinn á að falla í trans af hrifningu. Man einhver eftir ungu stúlkunni sem andstæðingar Kárahnjúkavirkjunnar grófu upp einhversstaðar? Stúlkan sú var víst algjört séní og sagði alþjóð að stíflan við Kárahnjúka væri viðkvæm fyrir jarðhræringum og gæti brostið við jarðskjálfta. Þá hlakkaði í mörgum náttúruverndarsinnanum, sérstaklega þegar skoðanakannanir sýndu að fylgið við VG reis örlítið í kjölfarið. 

Það er ekki síst í kreppuástandi sem nú ríkir, sem fuglar eins og John Perkins spretta fram á sjónarsviðið. Nú er þeirra gósentíð. Nú eru söluhorfurnar vænlegar.

Kaupa lágt, selja hátt

Margir líta það hornauga, að það séu erlendir auðhringir sem eigi álverin hér á landi og allur "gróðinn" af álstarfseminni renni í vasa útlendinga. Vissulega rennur oftast hagnaður í vasa þeirra útlendinga sem hér fjárfesta í atvinnustarfsemi. Ég ætla rétt að vona að svo verði áfram. Sumir spyrja afhverju Íslendingar eigi ekki bara álverin sjálfir.

Því er til að svara, að ekkert er því til fyrirstöðu að íslendingar eignist hlut í álfyrirtæki sem starfar á Íslandi. Hlutabréf þessara fyrirtækja eru á markaði, frjáls til kaups. Verðfall hefur orðið á hlutabréfum í mjög mörgum fyrirækjum í heimskreppunni og bréf í álfyrirtækjum eru þar engin undantekning. Það gæti því verið lag að kaupa hlutabréf, t.d. í Alcoa, nú þegar þessar slæmu afkomutölur eru ljósar, annan ársfjórðunginn í röð. Hlutabréf í frumframleiðslugreinunum eiga eftir að rísa hressilega aftur.

Það er næsta víst.

Svona virkar hlutabréfamarkaðurinn

Tap Alcoa meira en talið var

Góðir Portúgalar

Portúgalarnir komi til leiks á Old Trafford, fullir sjálfstrausts. Spilamennska þeirra á vellinum var í heimsklassa og United menn máttu prísa sig sæla með jafna stöðu í hálfleik. Porto er mun betra lið en ég reiknaði með.

Liðið sem vinnur þessa rimmu, spilar úrslitaleik við Barcelona í keppninni. Ég held að United menn verði seigir í Portúgal. Engin skyldi afskrifa Sir Alex Ferguson og lærisveina hans.

Porto náði jöfnu á Old Trafford - Arsenal stendur vel að vígi

Magnað fótboltafélag

Ég hef alla tíð verið dálítill laumu "United fan". Saga félagsins og árangur á knattspyrnuvellinum. Eftirminnilegar stjörnur í liðinu og virðuleiki Old Trafford. Allt er þetta afar glæsilegt og varla hægt annað en hrífast með. 

Ég flutti níu ára gamall í Skuggahverfið í Reykjavík og fljótlega eftir það fór ég að halda með Leeds United. Það kom einfaldlega til þannig að fyrsti maðurinn sem sagði mér einhvern fróðleik um enskt lið, sagði mér að Ledds væri evrópumeistari, besta lið Englands og Evrópu! Og hann sagði mér jafnframt að hann héldi með viðkomandi liði.  Það var auðvelt að sannfæra mig með hvaða liði ég ætti að halda. Það má segja að ég hafi verið Leedsari næsta aldarfjórðunginn eða svo. En svo nenni ég ekkert að halda með þeim lengur, þar sem þeir eru núna.  

Stuttu eftir að ég byrjaði að halda með Leeds, þá frétti ég af öðru liði, en það var Manchester United. Með því liði hélt minn besti félagi í hverfinu. "Okkar" hluti Skuggahverfis náði frá Vatnsstíg - Hverfisgötu - Vitastíg, með Skúlagötufjöruna sem útvörð í norðri. En við voru ekki bara bestu vinir, heldur einnig keppinautar á sumum sviðum. Skákáhugi okkar bar síðar ekki síst vitni um það.  

En við vorum einnig knattspyrnuáhugamenn og vörðum flestum dögum frá morgni til kvölds í tuðrusparkið í portinu á Lindargötuskóla. Þegar vinur minn sagði mér sögur af Man Utd, flugslysinu fræga 1958 og af stjörnum sem dóu í slysinu og einnig þeim sem síðar áttu að verða stjörnur, s.s. Bobby Charlton, sem kornungur lifði flugslysið í Munchen af, þá gat ég varla leynt hrifningu minni, en ákvað samt að halda fast við Leeds Utd, evrópumeistarana og besta liðið. Ég varð að halda með öðru liði en hann.

Ég hef verið hrifinn af mörgum liðum og leyfi mér oft að halda með þeim sem spila skemmtilegustu knattspyrnuna. Þannig varð ég t.d. aðdáandi Chelsea FC. Athygli mín á Chelsea vaknaði við nokkra afburða flinka einstaklinga sem ég sá í liðinu. Get ég þar t.d. nefnt Tore Andre Flo, norska sóknarmanninn slánalega. Peter Crouch lítur út eins og vaxtaræktargaur við hliðina á honum.

Nei, ég segi sona. Ætli þeir hafi ekki verið svipaðir. Það var ótrúlegt að fylgjast með Flo og sjá boltann nánast límdan við tærnar á honum, þegar hann sólaði sig í gegnum varnirnar. Svo var hann líkt og Crouch, mjög góður skallamaður og hæðina vantaði ekki, en báðir eru um og yfir 2 m. Einnig voru þarna Zola, Gullit o.fl.            Svo þegar Eiður Smári var orðaður við liðið, þá hafði ég fyrir nokkuð löngu tekið þá meðvituðu ákvörðun, að halda með Chelsea FC. Ég var því afar ánægður þegar Eiður kom til liðsins og varð enn harðari aðdáandi.

Svo fór Eiður eftir 5 farsæl ár, eftir að hafa afrekað m.a. tvo Englandsmeistaratitla. Fljótlega fór ég að halda með Barcelona, a.m.k. á Spáni.

Ég var einmitt staddur á Spáni með fjölskyldu minni þegar Eiður skrifaði undir samninginn. Við vorum í tiltölulega litlum ferðamannabæ um 80 km fyrir sunnan Barcelona og það var magnað að sjá nánast hvert einast dagblað í dagblaðastöndum, sem voru víða í matvöruverslunum og á torgum, með risastórar forsíðumyndir af Eiði.

Ég hef alltaf verið svag fyrir Man Utd. og Sir Alex Ferguson á stóran þátt í því að ég get ekki lengur lifað í lyginni. Já! Ég viðurkenni það  Ég er United maður inn við beinið.

Heldur United áfram að bæta metið?

Misskilningur Össurar

Það er mjög auðvelt að ræna Íslendinga orkuauðlindum sínum. Við þurfum ekki að skrifa upp á afsal til þess að missa stjórnina á þeim, a.m.k. um tiltekinn tíma, jafnvel heilan mannsaldur og fá lítið sem ekkert út úr því. 

Það sem vakir fyrir Michael Hudson með þessum orðum sínum, er að vekja athygli á því að ef við skuldsetjum orkufyrirtæki, t.d. Landsvirkjun of mikið, þá getur arðurinn af framkvæmdum og fjárfestingum fyrirtækisins gufað upp í vaxtagreiðslur af lánunum. Þegar þannig hagar til, breytir engu fyrir okkur hver skrifaður er sem eigandi orkulindarinnar. Fyrir almenning í landinu, þá er orkulindin ekki til.

Þessi veruleiki Micahel Hudson er samhljóma málflutningi öfgasinnaðs umhverfisverndarfólks. Eina vandamálið er það að þessi veruleiki er ekki til. Þær hafa ekki reynst sannleikanum samkvæmar, fullyrðingar umhverfisverndarsinnanna, að arður af virkjunum sé enginn og að virkja eigi allt, enda eru einu rök þeirra, getgátur og bölsýnir.

Orkulindir ekki teknar upp í skuld

Nokkrar staðreyndir um álver

Þó fyrirhugað álver í Helguvík sé ekki Alcoa álver, þá reikna ég með að svipað hlutfall sé í ýmsum lykiltölum varðandi þá verksmðju. Massívur áróður er nú gegn stóriðju í landinu og reynt að gera hana tortryggilega og eins og margir vita mun kvikmyndin um bók Andra Snæs Magnasonar verða innleg í kosningabaráttu V-grænna. Það litla sem ég hef séð úr þeirri kvikmynd, er dæmalaust bull og upplýstu fólki ekki samboðið.

Hér koma nokkrar staðreyndir um álver Alcoa í Reyðarfirði:

 

Framleiðsla og útflutningur

Fjarðaál í Reyðarfirði er flaggskip Alcoa Inc. álfyrirtækisins og nýjasta og fullkomnasta álverið í eigu þess. Framleiðsla hófst í álverinu 12. apríl árið 2007 og ári síðar var það komið í fullan rekstur. Alcoa framleiðir um 346.000 tonn af áli til útfutnings á ári. Þetta er hreint gæðaál, álblöndur sem meðal annars eru notaðar í bifreiðaiðnaði og álvírar sem meðal annars eru notaðir í háspennustrengi.

Alcoa Fjarðaál flutti út ál fyrir rúmlega 800 milljónir dollara árið 2008, sem svarar til 92 milljarða króna miðað við gengi dollars í febrúar 2009. Ætla má að yfir þriðjungur útfutningstekna fyrirtækisins verði eftir í landinu. Tæp 40% allra vöruflutninga frá landinu er ál. Vöruútflutningur frá Íslandi jókst um fjórðung ítonnum talið með tilkomu Alcoa Fjarðaáls.Mjóeyrarhöfn í Reyðarrði er nú önnur stærsta höfn landsins og um hana fara 1,3 milljónir tonna af áli og aðföngum á ári.

Starfsmenn

 Hjá Fjarðaáli starfa 450 manns. Um 250-300 manns til viðbótar starfa á álverssvæðinu, við störf nátengd álverinu. (Við þetta bætast nokkur hundruð bein og óbein störf víða um land) Um þriðjungur starfsmanna Alcoa Fjarðaáls er konur sem er hærra hlutfall en í nokkru öðru álveri Alcoa. 30% starfsmanna Alcoa Fjarðaáls eru á aldrinum 40 til 49 ára. Tæp 20% starfsmanna eru eldri en 50 ára. Um 40% starfsmanna eru með háskóla- eða tæknimenntun. Gert er ráð fyrir að Alcoa Fjarðaál greiði tæpa 3,7 milljarða króna í laun og launatengd gjöld árið 2009.

Aðkeypt þjónusta

 Alcoa Fjarðaál keypti ýmsa þjónustu á Íslandi fyrir 9,5 milljarða íslenskra króna árið 2008, fyrir utan raforku. Alcoa Fjarðaál kaupir um 5.000 gígawattstundir af raforku á ári. Til samanburðar er rafmagnsnotkun almennra raforkunotenda á Íslandi um 3.500 gígawattstundir. Samningur Alcoa við Landsvirkjun um raforkukaup er til 20 ára og mögulegt er að framlengja hann um önnur 20 ár.

Samfélagsleg áhrif

Tekjur sveitarfélaga á Austurlandi vegna starfsemi Alcoa Fjarðaáls námu um 800 milljónum króna árið 2008. Hagfræðistofnun Háskóla Íslands mat það svo að landsframleiðsla ykist um 1,2% með tilkomu álvers Alcoa Fjarðaáls.

Íbúum í Fjarðabyggð fjölgaði úr 3.995 árið 2002 í 4.736 árið 2008, eða um 19%. Meðallaun á landsbyggðinni hafa verið hæst á Austurlandi frá árinu 2002.

Alcoa Fjarðaál og Samfélagssjóður Alcoa hafa veitt rúmlega 300 milljónir króna í samfélagsstyrki á Íslandi frá árinu 2003 til 2008.

Alfarið á móti álverssamningi

Valgerður kvödd

Margir vilja rakka Valgerði Sverrisdóttur niður í svaðið en ég tek ekki þátt í því. Austfiirðingar geta verið hennir þakklátir fyrir baráttu sínu fyrir ýmsum hagsmunamálum fjórðungsins og þar stendur auðvitað álverið á Reyðarfirði upp úr.

Þegar framkvæmdir voru að hefjast hér eystra, þá setti Leikfélag Reyðarfjarðar upp frumsamið leikrit eftir Ármann Guðmundsson, sem jafnframt leikstýrði verkinu. Ármann er frá Húsavík og er einn meðlima hinnar geðþekku hljómsveitar "Ljótu hálfvitarnir". Leikritið hét  Álagabærinn og leikfélagið setti met í áratuga langri sögu sinni í uppfærslum og áhorfendafjölda, en leikritið var sýnt 10 sinnum.

Gestaleikari var í hverri sýningu og lék hann indverskan gúru, "Randy Pandy Gandy", sem kom fram í lok sýningarinnar. Valgerður Sverrisdóttir þáverandi iðnaðarráðherra var gestaleikarinn í einni sýningunni. Þessi kómíski farsi fjallaði um vonir og væntingar í litlu bæjarfélagi sem stöðugt verður fyrir vonbrigðum þegar áætlanir um ýmiskonar stóriðju renna ítrekað út í sandinn. Gúrúinn kom með nýja vídd í stóriðjudrauma þorpsbúa, nefnilega "Sál-ver". 

Hérna er undirritaður ásamt Valgerði (Randy Pandy Gandy) eftir sýningu, en ég lék bæjarstjórann í Álagabænum, en á ýmsu gekk hjá honum karlgreyinu og í einu atriðinu fylltist hann örvæntingu í vonbrigðum sínum og drakk sig blindfullan . Bæjarstjórinn hét því virðulega nafni "Kengbeinn"

22 ára þingferli Valgerðar lokið

Múslimar kúga Vesturlönd

Múslimar vilja ritstýra blöðum á Vesturlöndum og nú vilja þeir hegna forsætisráðherra Dana fyrir að biðja ekki múslima auðmjúklega afsökunar fyrir hönd dönsku þjóðarinnar á teikningunum af Múhameð spámanni. Hann á ekki að fá að vera framkvæmdastjóri Nato fyrir vikið og það eiga að vera skýr skilaboð til vesturlandabúa. Engin skal voga sér að haga sér andstætt vilja múslima.

Ekki samstaða um framkvæmdastjóra NATO