Átthagafjötrar

Það telst til mannréttinda að geta ráðið búsetu sinni. Áður en álversframkvæmdir hófust á Reyðarfirði, var fermetraverð á húsnæði þar, svipað og gerist á Vestfjörðum í dag. Þegar svo húsnæðisverðið rauk upp og einhverjir sáu sér leik á borði og seldu eignir sínar og fluttu brott, þá hlakkaði í álversandstæðingum. Þetta fannst þeim vatn á myllu sína í áróðrinum gegn álverinu.

Við hin, sem þekkjum það að búa á landsbyggðinni samglöddumst hins vegar þessu fólki. Að byggja sér þak yfir höfuðið kostar allstaðar svipað, og skuldsetning fólks vegna þessa er í samræmi við það. Miðaldra og eldra fólk, sem vildi losa sig við húsnæði sitt og flytja "á mölina", hafði einfaldlega ekki bolmagn til þess að kaupa sér húsnæði á ný fyrir andvirði eigna sinna. Í dag er gjörbreytt umhverfi á Reyðarfirði í þessu tilliti, þökk sé álveri Alcoa.

 

Lægra verð á fasteignum á landsbyggðinni

Útflutningsvara

Hjónin Andrés Guðmundsson og Lára Berglind Helgadóttir eiga heiður skilinn fyrir sitt frábæra framtak með Skólahreysti . Ég sé fyrir mér að þetta geti orðið alþjóðlegt fyrirbæri og gaman væri ef sigurvegarar frá hverju landi mættu reyna með sér og því ekki að flytja þessa hugmynd út? Reykjavík gæti orðið Aþena skólahreystinnar.

Heiðarskóli vann skólahreysti

Norræna velferðarmódelið?

Vinstriflokkarnir líta gjarnan til Norðurlandana þegar þeir tala um fyrirmyndar velferðarríki og vilja helst að við öpum allt upp eftir þeim. En Sjálfstæðismenn segja: Við eigum að byggja upp íslenska velferðarmódelið. Það hefur sannað sig sem eitt það öflugasta í heiminum en það er ekki þar með sagt að ekki megi bæta það. Ég treysti ekki "velferðarflokkunum" til þess.

 

Krefjast útgöngubanns í Malmö

Hugmyndafræðingur VG hefur talað

Hjörleifur Guttormsson, hugmyndafræðingur Vinstri grænna, tekur upp hanskann fyrir Kolbrúnu Halldórsdóttur og vill að Drekasvæðið verði friðlýst. Haninn hefur galað tvisvar og formaðurinn Steingrímur hefur afneitað einu sinni.

Hlýnunin felur í sér tækifæri

Dúfa mín

Við eigum silki Terrier tík, ársgamla. Hún er innan við 5 kg. á þyngd og ég hef séð hana fjúka um koll í vindkviðu. Yndisleg skepna hún Dúfa og bara þó nokkuð gáfuð af hundi að vera.

Hundur fauk á brott

Ég hefði strikað yfir Árna

Árni Johnsen heldur að það hafi verið unnið gegn sér og fólk hvatt til að strika yfir hann í kosningunum. Ég segi að það hafi ekki þurft neina sérstaka hvatningu til þess. Sómakært fólk vill einfaldlega ekki svona mann á þeim lista sem því hugnast að kjósa. Með þessu er ég ekki að segja að fólki sem hefur orðið á í lífinu eigi ekki að fá neinn séns, síður en svo. En Árni er búinn að fá sinn séns og hann hefur misnotað hann herfilega með því að sýna iðrunarleysi og hroka.

Segir ásakanir Árna út í hött

Vestfirðir eru "in" í sumar

Ég hef verið að leyta mér að sumarbústað á sunnanverðum Vestfjörðum og allt er upp pantað. Ég veit um þó nokkra Reyðfirðinga sem ætla að "go west" í sumar og svo virðist sem margir hafi nánast aldrei þangað komið.

Ætli maður þurfi bara ekki að hengja "skuldahala" aftan í bílinn til þess að hafa gistingu í sumarfríinu. Veit einhver um eitthvað slíkt á góðum kjörum?

Fólk flykkist í ferðalög innanlands

Sá heppni

Nafnið Keiko er japanska og þýðir "sá heppni", en það hlýtur að teljast örgustu öfugmæli. Vitleysan í kringum þetta dýr var auðvitað með ólíkindum en í þessari mbl. frétt segir "Vísindamenn, sem tóku þátt í því verkefni að frelsa háhyrninginn Keikó, segja nú að ekki hafi verið rétt að frelsa hann þar sem aldrei hafi verið raunhæfur möguleiki á því að hann gæti lært að lifa úti náttúrunni".  Skilja mætti þessa yfirlýsingu svo að það hafi tekið þessa vísindamenn rúmlega 5 ár að komast að þessari niðurstöðu.

Margir á Íslandi héldu að hægt yrði að græða á því að fá blessað dýrið í sína heimabyggð. Á sínum tíma stóð valið á milli Eskifjarðar og Vestmannaeyja. Þegar dýrið endaði svo í eyjum, kom í ljós að aldrei stóð til að hægt yrði að gera þetta að féþúfu, því Keiko var nánast í einangrun eftir að hann kom til landsins. Sumir töluðu um að þetta hefði verið kostnaður og ekkert annað fyrir eyjamenn, þó eitthvað af honum hafi verið greiddur úr alþjóðlegum samtökum.

Margir vöruðu við því að þessi aðgerð, að frelsa hvalinn væri dæmd til að mistakast. Bent var á svipaðar tilraunir með önnur dýr því til staðfestingar. "Reality sucks" eins og segir í neðri myndinni.

"Killer whale" er enska heitið á háhyrningi

„Rangt að frelsa Keikó"

Hárrétt hjá Kjartani

Allt sem Kjartan Gunnarsson segir í þessari frétt er hárrétt. Ef einhver er ósammála því, þá vinsamlegast rökstyðjið það. Að það hafi þurft stórkostlega laskaðan Sjálfstæðisflokk til þess að fólki hafi hugnast að kjósa vinstriflokkana til hreins meirihluta, er merkilegt í sjálfu sér.

Í skoðanakönnun sem ég er með hér á blogginu er athyglisvert hversu margir hafa litla trú á lífi ríkisstjórnar vinstriflokkanna. Alþjóðagjaldeyrissjóðurinn virðist meta þá á svipuðum nótum, en þeir hafa fryst innlegg sitt til Seðlabankans á grundvelli ótrausts ástands á stjórnmálasviðinu í landinu.

Skoðanakannanir á undanförnum vikum hafa gefið þessa niðurstöðu til kynna. AGS hefur fylgst með þessum könnunum og heldur því að sér höndum. Sjálfstæðismenn vöruðu við kosningum á þessum viðkvæma tímapunkti, einmitt vegna samstarfsins við AGS. Skynsamlegra hefði verið að bíða með kosningar fram á haustið, því stjórnarkreppa er ekki það sem íslensk þjóð þarf á að halda í dag.

Samfylkingin fór á taugum þegar nokkur þúsund einstaklingar börðu í potta og pönnur á Austurvelli. Þessi hópur var skipulagður af Vinstrihreyfingunni grænu framboði, eins og sannaðist í kosningasjónvarpinu á sunnudaginn og ég benti á í færslunni hér á undan.

Fótbrotinn Sjálfstæðisflokkur

Ögmundur hótaði

Í þætti Egils Helgasonar á RUV daginn eftir kosningar, þá hótaði Ögmundur Jónasson því að kalla til  "búsáhaldabyltinguna" á ný, ef VG yrði ekki í næstu ríkisstjórn.

Þar opinberaðist hverjir höfðu þar mestu ítökin, hverjir skipulögðu þessi ósköp og fyrir hvern.

Þjóðin verður að ráða