Bannað að snerta

Persónulega finnst mér fólk, sérstaklega kvenfólk, vera óþarflega viðkvæmt fyrir knúsi og snertingu. Ekki það ég sé mikið að knúsa kvenfólk utan fjölskyldunnar, en maður skynjar þetta á tali þeirra. Aðallega ef viðkomandi "knúsari" er ekki þeirra týpa.

Kona sem hryllir sig og segir miðaldra karl með bjórvömb, að maður tali nú ekki um ef hann er í prestshempu, vera pervert ef hann snertir hana, bregst öðruvísi við ef maðurinn er einhver kvennaljómi.

Snerting af góðum hug hefur einhvern heilunarmátt, andlegan og jafnvel líkamlegan segja sumir. Ég trúi því alveg.

En nú mega prestar vara sig.

Viljum fá prestinn okkar aftur

Rólegt á Atlantshafinu

Frekar rólegt hefur verið á Atlantshafinu og í Karabíska hafinu hvað fellibylji varðar þetta haustið. Af hálfu þeirra sem ofurtrú hafa á katastrófum varðandi hnattræna hlýnun af mannavöldum, hljóta þetta að vera ákveðin vonbrigði. Eins og margir muna sem horft hafa á bull-kvikmynd Al Gore, var lögð töluverð áhersla á aukningu fellibylja, hækkandi sjávarstöðu, flóð og þurrka... allt mjög myndrænt, enda fékk hann Óskarsverðlaun fyrir.

Eins og sést á þessari mynd sem sýnir veðrið í dag, 17. október, er frekar rólegt um að litast miðað við árstíma í meðalári. Fellibylurinn Rick í Kyrrahafinu sést þarna við suðurströnd Mexíkó. Fréttir af fellibyljum eru algengari Atlantshafsmegin.

Myndin er af: http://www.stormpulse.com/ 

Fellibylurinn Rick styrkist

Burt með forstjóra og stjórn HSA

Bæjarstjórn Fjarðabyggðar hefur farið fram á að úttekt verði gerð á störfum stjórnar HSA. Ég hef áður bloggað um þetta sérkennilega battarí, síðast í maí í vor, sjá HÉR

Mótmæltu meðferð á lækni

Sviðsett, hér er myndband

Eftir að hafa horft á þetta myndband hér að neðan, er ég sannfærður um að þessi athyglissjúka familía vissi allan tíman að drengurinn var ekii í loftbelgnum.

Lögregla yfirheyrir loftbelgsfjölskyldu

Á hvaða götu?.....

Ég var bara svona að spá... hvað götur maður ætti að forðast..

 

Götuvændi stundað í Reykjavík

Ef maður lýgur....

Þegar tveir menn tala saman og annar vitnar í hinn síðar og sá sem vitnað er í, segir hann ljúga, þá stendur orð gegn orði og greinilegt að annar lýgur en hinn segir satt.

Sá sem sagður er ljúga, þó hann segi satt, stendur oftar en ekki höllum fæti. Sannleiksmaðurinn fær bágt fyrir en ósannindamaðurinn ekki, en stundum er þessu auðvitað öfugt farið. En það er ekki hægt að dæma menn þegar orð stendur gegn orði.

Margir muna eftir upptöku blaðamannsins unga sem tók upp samtal sitt við Reyni Traustason. Reynir reyndi að koma óorði á unga blaðamanninn og gera hann að ómerkingi, en Reynir fékk það heldur betur í hausinn síðar þegar stráksi birti upptöku af samtali þeirra.

Eitt er að taka upp tveggja manna tal án vitundar annars og annað að gera það opinbert. Ef ósannindamaðurinn lýgur upp á þann sem tekur upp samtalið,  þá er komin réttlæting á birtingu samtalsins.

Það er mín skoðun.

Margir gsm-símar eru með innbyggða dictafóna

 

Kompásmenn sýknaðir

Skipulagðar ofsóknir á Davíð

Það kemur engum á óvart að Náskershirðin á DV skuli á skiplagðan hátt dreifa bulli um Mbl og Davíð Oddsson. Með ólíkindum stór hluti frétta í DV er um Davíð og Moggan.... eins og ekki neitt annað sé að gerast á Íslandi í dag.

 En að ríkisfjölmiðill skuli leggjast svo lágt er grafalvarlegt mál og rennir stoðum undir ásakanir Davíðs og fleiri að annarleg pólitísk sjónarmið ráði fréttaflutningi á RUV.

Yfirlýsing vegna fréttar RÚV

Athyglissjúk fjölskylda

Þetta mál verður rannsakað m.t.t. þess að foreldrar drengsins þykja sérvitur og athyglissjúk. Drengurinn fannst upp á háalofti í bílskúr fjölskyldunnar.

Foreldrar drengsins hafa vakið töluverða athygli á undanförnum mánuðum, m.a. tekið þátt í raunveruleikaþætti í sjónvarpi o.fl.

 

Drengurinn fannst á lífi

Konur og hvítlaukur

Sumir segja að hvítlaukur sé allra meina bót. Nýjar rannsóknir sýna hinsvegar að óhóf í hvítlauksáti geti gert konum skráveifu, eins og myndin hér að neðan sýnir.

Hvar eru upphrópanirnar í bloggheimum nú?

Þegar Björn Bjarnason var dómsmálaráðherra, tók hann á málum líkt og Ragna Árnadóttir gerir nú, þ.e. fór að lögum. Þær svívirðingar sem Björn og jafnvel flokkur hans fékk fyrir vikið, sérstaklega í bloggheimum, sjást ekki nú í garð Rögnu eða ríkisstjórnarinnar.

Hvernig ætli standi á því?

Brottvísun hælisleitenda ekki geðþóttaákvörðun