Öll myntkörfulán?

Samkvæmt þessu þá hlýtur þetta að kosta meira en 20% flatur niðurskurður sem þetta sama fólk sagði að væri allt of dýrt fyrir þjóðfélagið. Hvað hefur breyst?

Svo er bara talað um lán þarna. Bílalán, neyslulán...?

Ég vona samt auðvitað að þessi hugdetta hjá þeim sé raunhæf....

Greiðslubyrði aftur fyrir hrun

Athugasemdir

[hilmar jónsson, 27.9.2009 kl. 00:14]

Já viðurkenni svo sem að þetta er frekar óljóst í mímu, huga líka..

Væntanlega eiga eftir að koma fram skýrari útfærslur á þessu.

[Gunnar Th. Gunnarsson, 27.9.2009 kl. 00:15]

Já, þetta hlýtur að koma í ljós fljótlega

[Marinó G. Njálsson, 27.9.2009 kl. 01:36]

Það er margt óljóst, en ÁPÁ tók það fram að ekki væri búið að útfæra þetta fullkomlega.

[Sigurður M Grétarsson, 27.9.2009 kl. 06:34]

Það er rétt hjá Marinó að það er ekki búið að útfæra þetta að öllu leyti. Það er þó komin nokkur mynd á hvernig þetta er en ekki búið að ganga frá öllum smáatriðum. Hér er um að ræða samkomulag milli ríkisins og fjármálastofnanna og að ég held með aðkomu stéttafélaga.

Það er mjög ólíklegt að þessi lausn kosti ríkissjóð stórar upphæðir öfugt við 20% flatan niðurskurð og bakfærslu vísitölu eins og Hagsmunasantök heimilanna boða, sem munu kosta skattgreiðendur stærri upphæðir en hægt er að réttlæta. Sennilega munu báðar þessar aðgerðir kosta skattgreiðendur milli eitt og tvö hundruð milljarða króna og þar munu kröfur HH væntanlega vera nær 100 milljörðunum en flatur niðurskurður franmsókarmanna nær 200 milljörðunum.

Eins og ég skil þessar aðgerðir þá mun í þeim vera hvati til fjármálastofnanna til að færa myntkörfulán yfir í lán í íslenskum krónum án þess að geta þvingað lántakendur til þess. Fjármálastofnanirnar verða því að bjóða lántökum nógu hagstæðan samning við slíka tilfærslu til að þeir verði tilbúnir til þess. Sá samningur mun því þurfa að taka tilliti til bæði spár um 30% styrkingu á gengi krónunnar til lengri tíma og einnig til lægri vaxta á myntkörfulánunum.

Nú hvet ég Marinó og Hagsmunasamtök heimilanna til að láta gera úttekt á því hversu mikið þarf að slá af höfuðstól myntkörfulána til að hagkvæmt sé að færa það yfir í lán í íslenskum krónum með tilliti til spár um styrkingu krónunnar, lengdar lánstíma og vaxtamunar á hverju láni fyrir sig og þeim vöxtum, sem bjóðast á láni í íslenskum krónum. Þannig væru þau í stakk búinn til að ráðleggja fólki, sem fengið hefur tilboð frá sínum banka um að færa myntkörfulán sín yfir í íslenskar krónur. Ég óttast að fyrstu tilboð bankanna í þeim efnum verði ekki mjög góður kostur þó þau kunni að líta út fyrir að vera það fyrir fólk með lítið vit á fjármálum.

[Gunnar Th. Gunnarsson, 27.9.2009 kl. 13:34]

Takk fyrir þetta Sigurður

[Offari, 27.9.2009 kl. 16:00]

Ég fagna alltaf góðum fréttum. Og er sama hvaðan þær koma.

[Gunnar Th. Gunnarsson, 27.9.2009 kl. 16:25]

Tek undir það, Offari