Mjög jákvætt, en.....

Það er auðvitað mjög jákvætt að hægt sé að selja meira rafmagn frá Kárahnjúkum en upphaflega var gert ráð fyrir, en mér finnst samt álit Skipulagsstöfnunar ekkert sérlega traustvekjandi.

"Sýnt hefur verið fram á að dreifing efnisins frá útblæstri álversins verði víðast innan þeirra viðmiðunarmarka sem tilgreind eru í reglugerð og fjöldi tilvika þar sem styrkurinn fer yfir mörk, innan þess fjölda sem reglugerð heimilar.

Með hliðsjón af ofangreindu og ekki síður því að bráðabirgðaniðurstöður vöktunar á starfstíma verksmiðjunnar benda til þess að styrkur brennisteinsdíoxíðs í lofti hafi aldrei farið yfir viðmiðunarmörk reglugerðar þá telur Skipulagsstofnun að þrátt fyrir rýrari loftgæði vegna aukins styrks brennisteinsdíoxíðs í lofti þá verði loftgæðin engu að síður ásættanleg, m.t.t. viðmiða reglugerða." (Undirstrikanir mínar)

Þetta hljómar eins og: "Loftgæðin eru verri, en þetta er svo sem í lagi"

Reyndar veit ég að viðmiðanir reglugerða eru margfalt undir hættumörkum, a.m.k. fyrir fólk, en maður veltir því óhjákvæmilega fyrir sér hvaða áhrif þetta muni hafa á gróðurfar í firðinum, t.d. berjaland.

 Það væri gaman að fá að sjá nánari útlistanir á þessu.

Aukning Fjarðaáls ekki háð umhverfismati

Athugasemdir

[Rauða Ljónið, 1.9.2009 kl. 18:08]

Sæll. Jarðvegur á Íslandi er mjög súr eins og þú veist eins og með ábúðar gjöf há Ph gildi kemur meiri ræktun, aukin útblástur brennisteins hefur jákvæð áhrif á gróður innan þeirra marka sem þú minnist á.

Jarðvarmavirkjunin á Ítalíu Larderel héraðinu sýnir fjölbeitta ræktun.

.

. 

[Gunnar Th. Gunnarsson, 1.9.2009 kl. 18:14]

Plöntur bregðast misjafnlega við háu PH gildi, t.d. plöntur sem ná háum aldri, sígrænar plöntur o.fl, frekar neikvætt