Heilgrillað naut á Reyðarfirði

Laugardaginn 5. sept nk. er fyrirhugað að halda grillveislu fyrir alla Reyðfirðinga í Rafstöðvargilinu svokallaða, svo framarlega sem veðrið verði þokkalega skaplegt.  Boðið verður upp á heilgrillað naut, sem verður grillað í gilinu, en byrja þarf að grilla sólarhring áður en veislan hefst. Sjálfboðaliðar þurfa því að standa vaktir á meðan grillað er. Einnig er fyrirhugað að hafa varðeld og öll leyfi eru klár.

Hátíðin verður auglýst nánar eftir helgi. Veitingar og meðlæti verða ókeypis og það eina sem fólk þarf að hafa meðferðis er góða skapið. Þetta er hugsað sem fjölskylduhátið en það er þó alls ekki illa séð þó fólk hafi með sér brjóstbirtu til að liðka raddböndin í brekkusöngnum      

 

Margir hafa verið við heilgrillun á stórgripum erlendis, en þessi mynd er þó tekin í Reykjavík á Menningarnótt árið 2004.

Bæjarhátíðir víða um land

Athugasemdir

[Guðmundur Rafnkell Gíslason, 28.8.2009 kl. 14:56]

Frábært framtak. Vonandi verður veðrið gott.

[Gunnar Th. Gunnarsson, 28.8.2009 kl. 15:48]

Takk fyrir það, Gummi

[Eiður Ragnarsson, 1.9.2009 kl. 00:54]

Ég er búinn að ganga frá þessu með veðrið...

[Gunnar Th. Gunnarsson, 1.9.2009 kl. 11:29]

Flott, þá fer þetta allt að smella