Lágmörkun tapsins

Jóhanna talar alltaf um hvað það kosti mikið að fara í 20% niðurfellingu skulda, en hún talar ekki um hvað það kostar að gera það ekki. Með því að fara 20% leiðina, er verið að lágmarka tap bæði erlendra kröfuhafa, bankanna og ríkissjóðs. Hluti hugmyndarinnar felst einmitt í því að ná samkomulagi við erlenda og innlenda kröfuhafa í þrotabú bankanna um að afskrifa tiltekinn hluta krafnanna til þess að fá þá örugglega hitt borgað. Auk þess vilja þeir meina sem niðufellingarleiðina vilja fara, að ekki sé í raun um niðurfellingu eða afslátt á skuldum að ræða, heldur leiðrétting á höfuðstólnum vegna gengis og verðbólguþróunar undanfarinna missera.

Margar úrfærslur má eflaust hafa á 20% leiðinni og einhverjar þeirra gætu eflaust linað þjáningar í hjarta jafnaðarmannsins, sem engist af angist vegna þess möguleika að einhverjir sæmilega stæðir enstaklingar hagnist á þessari leið. Eflaust er hægt að lina eitthvað þjáningar jafnaðarmannsins hvað þetta varðar, en þá verður líka að ræða þessa tillögu og koma með athugasemdir og leiðir til úrbóta en ekki sópa þessu út af borðinu sem einhverju óraunsæju bulli.

Vinstriflokkarnir vilja fara vaxtabótaleiðina og hækka þær greiðslur um helming, sem sagt um heila 5 miljarða.  .....Vá!!  Það mun breyta öllu!  

 

Hafnar flatri niðurfærslu skulda

Athugasemdir

[Hrannar Björn Arnarsson, 25.3.2009 kl. 13:03]

Sæll

 

Hækkun vaxtabóta um 25% er aðeins ein af mörgum aðgerðum sem ríkisstjórnin hefur þegar samþykkt fyrir sitt leiti. Hafi nálgun hennar farið framhjá þér leyfði ég mér að birta yfirlit yfir þessar aðgerðir hér með: 

Aðgerðir til stuðnings skuldsettum heimilum

 

1. Skuldajöfnun verðtryggðra lána – 10-20% lægri greiðslubyrði en ella
2. Frysting og í framhaldi skuldajöfnun gengisbundinna lána – 40-50% lægri greiðslubyrði
3. 25% hækun vaxtabóta – hjón með 3-8 milljóna árstekjur hækka um rúm 170 þús, úr 314 þús í 487 þús á ári.
4. Útgeiðsla séreignasparnaðar – milljón á einstakling, tvær milljónir á hjón
5. Greiðsluvandaúrræði Íbúðalánasjóðs stórefld og samkomulag gert við aðrar fjármálastofnanir um að sömu úrræði gildi þar einnig.
   1. Skuldbreytingalán og lánalengingar um 30 ár í stað 15 áður
   2. Heimild til að greiða bara vexti og verðbætur af vöxtum og frysta höfuðstól í allt að 3 ár.
   3. Heimild til að frysta afborganir í allt að 3 ár.
   4. Ýmsar mildari innheimtuaðgerðir
6. Greiðsluaðlögun samningskrafna
7. Lækkun dráttavaxta
8. Skuldfærsla barnabóta uppí skattaskuldir bönnuð
9. Skuldfærsla hverskonar inneigna hjá ríkinu uppí afborganir Íbúðalánasjóðs afnumdar
10. Frestun nauðungaruppboða fram til loka ágúst
11. Lenging aðfarafresta úr 15 dögum í 40
12. Aukin stuðningur aðstoðarmanns og leiðbeiningaskylda vegna gjaldþrota
13. Greiðsluaðlögun fasteingaveðlána
14. Heimild til Íbúðalánasjóðs til að leigja fyrri eigendum húsnæði sem sjóðurinn eignast á uppboðum.

 Kveðja góð,

[Offari, 25.3.2009 kl. 15:08]

Hækkun vaxtabóta um 25% er aðeins ein af mörgum aðgerðum sem ríkisstjórnin hefur þegar samþykkt fyrir sitt leiti. Hafi nálgun hennar farið framhjá þér leyfði ég mér að birta yfirlit yfir þessar aðgerðir hér með: Aðgerðir til stuðnings skuldsettum heimilum 

1. Skuldajöfnun verðtryggðra lána – 10-20% lægri greiðslubyrði en ella = Lenging lána á ofveðsettum eignum áframhaldandi frysting fasteignamarkaðsins þar til fólk gefst upp.
2. Frysting og í framhaldi skuldajöfnun gengisbundinna lána – 40-50% lægri greiðslubyrði= Lenging lána á ofveðsettum eignum áframhaldandi frysting fasteignamarkaðsins þar til fólk gefst upp.
3. 25% hækun vaxtabóta – hjón með 3-8 milljóna árstekjur hækka um rúm 170 þús, úr 314 þús í 487 þús á ári.= Vissulega leið til bóta en enganveginn nægjanleg og fjármögnuð með hærri sköttun svo ekki er víst að 170 þúsund króna hækkunin skili sér til þeirra sem þessi aðgerð nægði því þeir þurfa að borga hærri skatta til að fá þennan pening.
4. Útgeiðsla séreignasparnaðar – milljón á einstakling, tvær milljónir á hjón=Þetta er einungis frestun á vandanum. Bankarnir hafa náð tölverðum hluta af þessu fé og ríkisjóður á síðan ca 37.2% af þessu fé og getur eignast meir með því að hækka skatta. Vandamálið er hinsvegar hvað á þetta fólk að gera þegar það hættir að vinna sökum aldurs en er enn að borga af húsnæðislánunum sem þau þurftu að framlengja fram í ellina?
5. Greiðsluvandaúrræði Íbúðalánasjóðs stórefld og samkomulag gert við aðrar fjármálastofnanir um að sömu úrræði gildi þar einnig. = Lenging lána á ofveðsettum eignum áframhaldandi frysting fasteignamarkaðsins þar til fólk gefst upp. Lenging á hengingarólini.
   1. Skuldbreytingalán og lánalengingar um 30 ár í stað 15 áður
   2. Heimild til að greiða bara vexti og verðbætur af vöxtum og frysta höfuðstól í allt að 3 ár.
   3. Heimild til að frysta afborganir í allt að 3 ár.
   4. Ýmsar mildari innheimtuaðgerðir
6. Greiðsluaðlögun samningskrafna= Lenging lána á ofveðsettum eignum áframhaldandi frysting fasteignamarkaðsins þar til fólk gefst upp.
7. Lækkun dráttavaxta = Vissulega gott mál. En þegar menn eru byrjaðir að borga dráttarvexti þurfa þeir meir en lækkun dráttarvaxta til að geta borgað skuldirnar.
8. Skuldfærsla barnabóta uppí skattaskuldir bönnuð= Kom þetta ekki frá fráfarandi ríkisstjórn?
9. Skuldfærsla hverskonar inneigna hjá ríkinu uppí afborganir Íbúðalánasjóðs afnumdar= Gott mál en bætir ekki það að viðkomandi er þá líklega hættur að geta borgað skuldir sínar þegar svo er komið.
10. Frestun nauðungaruppboða fram til loka ágúst = Frestun á fasteignaverðslækkun það mun líklegra að eitthvað fáist fyrir fasteignir ef jöfn dreifing er á markaðnum en að skella öllum fasteignum á uppboð í ágúst þýðir einfaldlega of snöggt offramboð.
11. Lenging aðfarafresta úr 15 dögum í 40 =Gott mál en ég get ekki séð að það breyti neinu..
12. Aukin stuðningur aðstoðarmanns og leiðbeiningaskylda vegna gjaldþrota = Gott mál en ég get ekki séð að það breyti neinu..
13. Greiðsluaðlögun fasteingaveðlána= Lenging lána á ofveðsettum eignum áframhaldandi frysting fasteignamarkaðsins þar til fólk gefst upp.
14. Heimild til Íbúðalánasjóðs til að leigja fyrri eigendum húsnæði sem sjóðurinn eignast á uppboðum. =Lækkun leiguverðs sem mun hafa keðjuverkandi áhrif á þá sem valið hafa þá leið að leigja fasteignir sínar til að geta staðið í skilum með sínar skuldir. Þetta þýðir einfaldlega að fleir verða gjaldþrota.

 

Þessi 14 liða aðgerðapakki geri í raun bara tvær úrbætur. Hún lækkar húsaleigu og fasteinaverð um 40-60%. Það  þurfti í raun ekkert að gera til þess að gera þær úrbætur svo ég tel því þessar aðgerðir gagnslausar.

 

20% afskriftaleiðin í einum lið gerir því mun meira en 14 liða pakkinn.

1.       Lækkar fasteignaverð að vísu ekki eins mikið og 14 liða aðgerðin en mun líklega lækka fasteignaverð um 20-30%

2.       Lækkar leiguverð um 20-30%

3.       Affrystir fasteignamarkað þannig að þeir sem keyptu sér of dýrt geta mögulega skipt í ódýrara.

4.       Færir veðsetningu nær raunverulegri eigna stöðu.

5.       Kemur í veg fyrir fjölda gjaldþrota.

6.       Eykur lífslíkur bankana stórlega.

7.       Endurnýjar traust á veðlán.

8.       Flýtir fyrir endurræsingu hagkerfisins

9.       Lækkar fasteignagjöld.

  

Svona má eflaust lengi telja áfram ég hef því meiri trú á að afskriftir hjálpi heimilum meir er lenging skuldafangelsisins. En það má vel vera að ég hafi rang fyrir mér.

[Gunnar Th. Gunnarsson, 25.3.2009 kl. 15:30]

Frysting og lenging lána er ekki lausn til framtíðar. Leiguverð mun að öllum líkindum lækka á næstu misserum og árum og þá sér fólk að það er engan veginn að borgar sig fyrir það að eiga húsnæði. Það streðar við afborganir allt sitt líf, án þess að eignast neitt á meðan leigjandinn borgar mun minna.

Mitt 15 miljóna húsnæðislán er komið í 20 miljónir og af þeim borga ég um 105 þús.á mánuði. Svo koma fasteignagjöld.... 20 þús. í viðbót, hússjóður, hiti og rafmagn sem er 20 þús. þar ofan á og svo er afskriftir af húsnæðinu um 0,5-1,0%, fyrir utan lækkandi húsnæðisverð á næstu árum.

Þessi hái húsnæðiskostnaður er náttúrulega út í hött, en þó skilst mér að ég sé bara nokkuð vel settur miðað við marga aðra og það sem mest er um vert, við hjónin höldum bæði vinnunni.

-

Ofan á þetta allt saman kemur bílalán vegna atvinnutækis, 2,2 milj. og það stendur í 3,8 miljónum í dag, eða næstum helmingi hærri upphæð en ég fengi fyrir bílinn ef ég skilaði honum.

 Með útborguninni þegar ég keypti bílinn fyrir tveimur árum á 3 miljónir, plús afborganirnar hingað til, þá er ég þegar búinn að borga fyrir drusluna um 1,5 miljón. Fólk er alveg jafn gjaldþrota, hvort sem lánið heitir húsnæðislán eða bílalán, ef það getur ekki staðið í skilum með afborganirnar. Þess vegna eiga bílalán ekki að vera undanskilin, ef það á að reyna að bjarga heimilunum.

[Magnús Sigurðsson, 25.3.2009 kl. 18:07]

Guð minn almáttugu,  hver á að vera með stimpilinn um hvað verður fryst, hvað færist aftur fyrir og til að stimpla réttu lánin til vaxtabóta. 

Man einhver eftir Húsbréfakerfinu hennar Jóhönnu?  Kerfi sem mokaði peningum til fjármagnseigenda, sem var réttlætt með að þar væri aðallega um lífeyrissjóði fólksins að ræða, þeirra sömu og eru nú búnir að klúðra málum enn eina ferðin þrátt fyrir skylduáskrift 12% áskrift af tekjum fólks.

þegar afföllin í húsbréfakerfinu fóru að láta á sér kræla, var eftir eitt ár gefist upp á að greiða vaxtabætur af aföllum öðruvísi en með því að deila þeim niður í lánstímann.  Stuttu seinna voru þær tekjutengdar og að lokum hurfu þær. 

Afföllin fóru í 26% hæðst og vor í mörg á á milli 12 - 24%. 

Það væri hátíð fyrir alla að ekkert yrði gert í stað þess að flækja málin með 14 atriða stuðningsaðgerðum úr smiðju búbréfabrjálæðisins. 

[Æja Honkanen (IP-tala skráð) 3.4.2009 kl. 04:58]

Já ekki eru þetta fallegt,í dag er vitað að ein af meginástæðum afhroði Sjálfatæðisflokks var að samþykkja lánastefnu Framsóknar sem kom þessu svo að stórum hluta af stað, mætti segja að þar hafi höfurundurinn         Atli Ásmundsson  sendiherra  í winnepeg pissað í skó en bara ekki sinn skó