Kapphlaupið mikla

Það hafa verið mörg kapphlaupin í gegnum tíðina. Kapphlaup þjóðanna í ímyndarsmíði á sviði vísinda, lista, íþrótta og menningarlegrar og félagslegrar stöðu.

Einhverju sinni urðu bandarískir vísindamenn afar upp með sér þegar þeim tókst að búa til mjórri þráð en nokkru sinni hafði áður tekist að gera. Hann var svo mjór, að rafeindasmásjá af bestu gerð þurfti til að skoða hann.  Þeir sendu þráðinn í umslagi til kollega sinna í Sviss, til þess að leyfa þeim að dást að smíðinni. Ameríkanarnir fengu þráðinn í umslaginu til baka skömmu síðar, án nokkurra athugasemda. Þeir skoðuðu þráðinn gaumgæfilega.... og sáu að lokum, að á þræðinum hafði orðið breyting. Hann var orðinn holur að innan. Hann var orðinn rör.

Ég veit ekkert hvort þessi broslega saga er sönn eða ekki, en Íslendingar virðast hafa tilhneigingu til að vera "Evrópusinnaðir", frekar en "Amerikan-seraðir". Það er þó ekki annað hægt en að dást að mörgu bandarísku hugviti og varla gerir það mann "Amerikan-seraðan".

Hverjir verða fyrstir til að finna „guðseindina“?