Mótmælaþráhyggja

Ég hefði haldið að kosningar í vor væri bara nokkuð gott

Mótmælt við Seðlabankann

Athugasemdir

[Sigurður Þórðarson, 26.1.2009 kl. 01:08]

Það er full ástæða til að mótmæla því að það er ekki úr miklu að moða til að kjósa um.  Ég held að það sé sami rassinn undir þeim öllum og þjóðin er á  hausnum. Þess vegna er full ástæða til að herða á mótmælunum.

[Eva Hauksdóttir (IP-tala skráð) 26.1.2009 kl. 01:13]

Mér finnst það alls ekki nóg. Ég vil að Davíð fari og þótt fyrr hefði verið.

[Sigurður Hrellir, 26.1.2009 kl. 01:22]

Þú ert auðvitað sáttur við flokksræðið eins og það er!

[Sigurður Hrellir, 26.1.2009 kl. 01:23]

Þannig fenguð þið bæði virkjun og álver gegn vilja meirihluta þjóðarinnar!

[Helga Guðrún Eiríksdóttir, 26.1.2009 kl. 01:36]

-Þú ert auðvitað fullsáttur við að fá það ekki nema vikulega... eða hvað?

Þú virkar eitthvað svo nægjusamari en við hin...

[Steingrímur Helgason, 26.1.2009 kl. 01:38]

Gunnar, það er listi í gangi inni á facebook.com sem að fólk í hrönnum er að skrá sig inn á, þar sem að höfuðmarkmiðið er að allir þeir sem að kusu X-D síðast missi bæði kosníngarrétt & bílpróf ?

Er þetta virkilega ekkert að hræða þig ?

[Vilhjálmur Andri Kjartansson (IP-tala skráð) 26.1.2009 kl. 02:01]

Það er líka listi á facebook þar sem þeir sem hafa kosið VG verður bannað að eignast börn til að koma í veg fyrir að IQ þjóðarinnar falli enn frekar.

[Gunnar Th. Gunnarsson, 26.1.2009 kl. 03:45]

Davíð má fara mín vegna, en hvort hann sitji fram yfir kosningar breytir í raun engu, nema fullægir þráhyggjumótmælendunum.

Hrellir, þegar álvers og virkjunarandstæðingar fengu að vaða uppi óáreittir með lygina og bullið, þá sýndu skoðanakannanir að meirihluti þjóðarinnar var á móti verkefninu. En þegar fóru að berast til fjölmiðla þær upplýsingar sem Alþingi Íslendinga hafði undir höndum, þegar 85% þingheims samþykkti framkvæmdina, þá snerist dæmið við. En þú vilt auðvitað miða við skoðanakönnuni þegar fólk var óupplýst. Ég skil það vel.

Helga, vikulega!? Bara á kosninganóttinni. Lengi lifi kosningar! Oh... ég hlakka svoooo til

[Eva Hauksdóttir (IP-tala skráð) 26.1.2009 kl. 11:26]

Hvar hefur þú eiginlega verið Gunnar? Þótt fólk hafi látið græðgina hlaupa með sig í gönur í Reyðarfjarðarmálinu er ljóst að stóriðja mætir stöðugt meiri andspyrnu. Umhverfissinnar hafa ekki verið háværir undanfarið enda svosem full vinna að reyna að koma þessari voluðu ríkisstjórn frá en ég get lofað þér því að andstaðan við stóriðju er ekkert að minnka.

[Gunnar Th. Gunnarsson, 26.1.2009 kl. 11:47]

Nú lofarðu upp í ermina á þér Eva.

Umhverfissinnar eru alltaf í fullri vinnu við að koma ríkjandi valdhöfum frá. Hvernig ætli standi á því?

[Hlédís, 26.1.2009 kl. 18:26]

Veistu ekki enn, Gunnar, af hverju aftaníossar auð-valdsins komast alltaf í "örugg sæti" ? Hvaða sauðtryggð er þetta. Flokkurinn þinn er löngu hættur að standa undir nafn. Því miður, því fyrir löngu síðan gerði hann það.

[Eva Hauksdóttir (IP-tala skráð) 26.1.2009 kl. 22:27]

Jú það er vegna þess að ríkjandi valdhafar hafa rekið glórulausa stóriðjustefnu af því að þeir voluðu vitleysingar héldu að hún væri að gera okkur rík. Nú hyllir undir að hagstjórnin verði grundvölluð á geðslegri og skynsamlegri viðhorfum svo vonandi kemur að því að umhverfissinnar geti sett meiri kraft í fræðslu- og uppbyggingarstarf.

[Gunnar Th. Gunnarsson, 26.1.2009 kl. 22:42]

Eva, ef ríkjandi valdhafar eru ávalt á öndverðu meiði við umhverfissinna, þá hefði ég haldið að það ætti að vera ákveðin vísbending fyrir þig.

Ríkjandi valdhafar eru ekki ríkjandi valdhafar vegna tilviljunar.

[Hlédís, 26.1.2009 kl. 23:05]

Finnur Ingólfsson var etv þinn maður líka, Gunnar. Ég þarf ekki að segja þér feril hans. Þú þekkir hann sjálfsagt. Aðdáanlegur valdhafi!? - Komst ekki til valda fyrir tilviljun fremur en mörg skoffín og skuggabaldrar sem það gera!

[Gunnar Th. Gunnarsson, 26.1.2009 kl. 23:31]

Finnur nýtti sér pólitíska aðstöðu sína til að efnast hrikalega. Enginn sannur kapitalisti mærir slíkt.

[Hlédís, 27.1.2009 kl. 08:47]

Sammála, því vonadi mærir enginn slíkt.

Kveðjur austur! 

[Ásta (IP-tala skráð) 27.1.2009 kl. 19:13]

Nú fór Eva alveg með það! Hvaða græðgi réð því að álver var byggt í Reyðarfirði? Þetta hlýtur að vera einhver "Höfuðborgar101græðgi". Í lauslegri þýðingu: það á ekki að gera neitt nema það sé á höfuðborgarsvæðinu. Ég er borin og barnfæddur Reyðfirðingur og þó ég sé ekki orðin 100 ára enn þá man ég tímana tvenna hér og lambagrasatínsla hefði ekki dugað til þess að gera það fyrir Mið-Austurland það sem álverið hefur gert. Þetta vitum við sem búum hér og lokum ekki augunum fyrir staðreyndum.

Þú segir í svari þínu til Gunna "Nú hyllir undir að hagstjórnin verði grundvölluð á geðslegri og skynsamlegri viðhorfum svo vonandi kemur að því að umhverfissinnar geti sett meiri kraft í fræðslu- og uppbyggingarstarf." Ég vil bara benda á að 99,9% Íslendinga eru umhverfissinnaðir og bara brot af þeim eru þessir heimtufreku umhverfissinnar sem er alveg sama þótt landsbyggðin líði undir lok af því að það má ekki nýta brot af okkar fagra landi undir virkjanir. Ég velti því fyrir mér hvort það teljist skynsamlegt og geðslegt að neita Húsvíkingum um álver? Látum þá flytja suður á mölina og hinir fáu sem þrauka fyrir norðan geta tínt grösin í seyðið. Í guðannabænum farið nú ekki að setja meiri kraft í fræðsluna, ég veit fyrir víst að skólarnir sjá vel um þessa hluti.

Við sem erum "dreifbýlistúttur" erum stolt af því en það þýðir samt ekki að það megi ekki blómstra hér iðnaður ásamt skemmtilegu og fjölbreyttu atvinnu- og mannlífi.

Eva þú ert velkomin hingað austur og ég skal fara yfir þetta allt með þér, hvernig þetta var þegar ég var barn, hvert þetta stefndi og breytingin sem orðin er. Höfum það í huga að Reyðarfjörður er ekkert einsdæmi hvað þetta varðar.

Það er sárt að hugsa til þess að þið umhverfissinnar viljið frekar að hreindýr og gæsir fái að halda sínum stöðum en við, austfirðingar, megum flytja okkur um sess og skilja eignir okkar verðlausar eftir. Nei auðvitað, listaspírurnar í Reykjavík geta keypt þær á spottprís!

[Daus (IP-tala skráð) 28.1.2009 kl. 17:59]

Daus hefur búið nær alla sína hunds og kattatíð á Austurlandi og upplifði nú ekki þessa eymd sem sumir vilja vera láta.að hér hafi ríkt.  Allir sem Daus þekkti höfðu vinnu, höfðu þak yfir höfðið og flestir áttu bíl. En það virtist ekki vera nóg, ekkert minna en leðraður Land Crusier, risastórt einbýlishús og endalausar utanlandsferðir urðu lífsnausynlegar ! Umhverfisvernd hefur ekkert með póstnúmer að gera og kemur upp um fordóma þeirra sem vilja draga allt og alla í dilka. Og okkur ber skylda að vernda fugla- og dýrastofna og ekki síst kjörsvæði þeirra,  við erum ekki eina lífveran á jörðinni, þó sumir virðast halda það. Það er lúalegt er landsbyggðarfólk talar gegn náttúruvernd á sínu svæði og heldur að stóriðja stöðvi fólksflóttann því það mun ekki gerast, því miður.

[Eva Hauksdóttir (IP-tala skráð) 28.1.2009 kl. 18:09]

Ríkjandi valdhafar eru alltaf á skjön við hagsmuni almennings Gunnar. Þessvegna þurfum við að losna við ríkjandi valdhafa og koma á samfélagi sem byggir ekki á valdi fárra yfir heildinni.

[Eva Hauksdóttir (IP-tala skráð) 28.1.2009 kl. 18:14]

Ég varð heldur ekki vör við þessa miklu eymd þegar ég bjó fyrir austan en hitt veit ég að uppgangur Alcoa og annarra ógeðfelldra stóriðjufyrirtækja, hefur gert tugþúsundir fátæklinga að öreigum og hrakið öreiga á vergang í fjarlægum löndum. Gjald kapítalismans er fátækt, sjúkdómar og dauði, bara voða langt í burtu þar sem við sjáum það ekki út um gluggann á Landcruisernum.

 Ég má ekki vera að því að skrifa meira um siðferði álfyrirtækja í bili en vísa á vefsíðu Saving Iceland og greinaskrif um áliðnaðinn á Múrum sáluga og Egginni.