Mótmælendur færri en skipuleggjendur

"Lögregla telur mótmælendur hafa verið heldur færri en skipuleggjendur, eða um 400 - 500."

Ég reikna nú með að þetta séu einhver mismæli hjá lögreglunni... en þetta er samt svolítið fyndið. Þeir sem vilja veg mótmæla sem mestan, telja að mótmælendur hafi verið helmingi fleiri, eða 1 þúsund. En skiptir það virkilega einhverju máli. Töldu aðdáendur mótmælanna alla sem voru á ferli í miðbænum með, á sama tíma og mótmælin fóru fram?

Það var farið af stað með miklu offorsi af hálfu skipuleggjenda þessara mótmæla, en það mun víst vera að mestu fólk úr röðum V-grænna sem hafa átt veg og vanda að þeirri skipulagningu, t.d. hverjir fái að halda ræður o.þ.h. Sumir dásömuðu ræðu lögfræðingsnemabjálfa sem hótaði að draga stjórnarþingmenn þjóðarinnar út úr Alþingishúsinu með valdi, ef þeir segðu ekki sjálfviljugir af sér. Þingmennirnir fengu viku frest og sá frestur er löngu útrunninn. Hnefasteitingar og öskur í hljóðnema á Austurvelli skilar auðvitað engu, nema e.t.v. æsingi sem gæti skilað okkur limlestingum og jafnvel dauða. En kannski er það það sem þetta fólk vill, til þess að koma öllu endanlega í bál og brand.

„Friðsamleg og málefnaleg“

Athugasemdir

[Aliber, 27.12.2008 kl. 18:45]

1.000 er tvöfalt meira en 500, ekki helmingi meira. Sma stærðfræði fasismi ;)

[Árni Gunnarsson, 27.12.2008 kl. 18:54]

Sem merkir einfaldlega það kæri vinur að við eigum að segja eins og Þjóðrekur biskup forðum í Paradísarheimt: "Ég hef nú sjaldan verið barinn svona lítið!" Auðvitað eiga Íslandingar að færa valdstjórninni blóm fyrir þá vináttu að vera orðin bónbjargaþjóð og athlægi eðlilegs fólks í öðrum þjóðlöndum. Ég held nú að þessi mótmæli stafi af þeim vonda misskilningi að það hafi ekki verið bara ágætt að segja þeim sem töldu að við stefndum í þjóðargjaldþrot að þeir væru heimskingjar sem hefðu ekki þekkingu á yfirburðum íslenskra útrásarvíkinga og aðvaranir þeirra stöfuðu af heimsku og öfund. Þau stafa sumpart líka af því að fólk skilur ekki mikilvægi þeirra aðgerða að velja kunnáttufólk úr gömlu bönkunum til að sitja í rólegheitum við að "grandskoða" hvort einhverju hafi verið skotið undan af fémunum mikilsvirtra eigenda og stjórnenda.

En hugaðu þér Gunnar minn! Það eru einhverjir idjótar úr erlendum bönkum undrandi á því að engum hafi verið sagt upp! -Engir sagt af sér þó 40% íslenskra heimila sé tæknilega gjaldþrota eftir trausta stjórn flokks þíns á fjármálum þjóðarinnar á "mestu uppgangstímum í sögu okkar!" Eru þessir menn barasta í lagi?

Við skulum vera sammála um að fagna því að þessum bjánum fer fækkandi sem leyfa sér að mótmæla okkar traustu landsfeðrum.

[Gunnar Th. Gunnarsson, 27.12.2008 kl. 18:59]

Þetta er gamall ósiður í íslensku máli Aliber. Takk fyrir leiðréttinguna

Árni, það verður sjálfsagt kosið einhverntíma aftur. Eigum við ekki bara að reikna með því?

[Baldur Hermannsson, 27.12.2008 kl. 19:01]

Samkvæmt íslenskri málhefð er 1000 helmingi meira en 500. Það er miðað við stærri töluna. Á sama hátt er 300 þriðjungi meira en 200 og 400 er fjórðungi meira en 300. Þetta er ekki prósentureikningur í anda grunnskólastærðfræðinnar heldur rammíslensk og fullkomlega rökrétt málvenja.

[Aliber, 27.12.2008 kl. 19:35]

Sko, 500 er helmingi minna en 1.000 en 1.000 er tvöfalt meira en 500 you see? Malhefð gerir vitleysuna ekki retta.

[Baldur Hermannsson, 27.12.2008 kl. 19:41]

Aliber, þú þráttar ekki við málvenju sem er fullkomlega rökrétt. Það er miðað við STÆRRI töluna. Það er nákvæmlega ekkert rangt við það. Íslenska þjóðin komst vel af í þúsund ár með þessari málhefð enda er hún rökrétt og veldur engum misskilningi. Hins vegar er líka rétt að nota tvöfalt meira eða 1,37 sinnum meira osfrv, og sjálfur geri ég það í minni kennslu - eðlisfræði og stærðfræði.

[Ómar Ragnarsson, 27.12.2008 kl. 19:41]

Það er alltaf skondið þegar risið er upp og farið að hræra í venjum á borð við þá sem Baldur Hermannsson talar um. Eftir að hafa lifað við þá málnotkun sem hann talar um er allt í einu farið að hræra.

Ég man aldrei eftir því að hin gamla málvenja um það, hvað væri helmingi meira eða fleira hafi ruglað nokkurn mann fyrr en einhver fór að reyna að rugla okkur.

Ég er orðinn það gamall að ég ætla nú bara að viðhalda mínu "rugli" það sem eftir er.

Að öðru: Í gamla daga var alltaf reynt að klína kommúnistastimpli á alla sem ekki vildu þýðast stjórnarstefnuna.

Ég hygg mig þekkja nóg vel til þess fólks, sem stendur að mótmælum þessar vikurnar, til að segja að flest þessa fólks er utan VG, og sumir hafa verið í öðrum stjórnmálaflokkum.

[Baldur Hermannsson, 27.12.2008 kl. 19:44]

Hehehe, er nú farið að klína gamla góða kommastimplinum á þig, Ómar minn? Þú verður bara helmingi meiri maður fyrir vikið og þeir þriðjungi minni .......

[Gunnar Th. Gunnarsson, 27.12.2008 kl. 20:39]

Baldur færir ágæt rök fyrir að "málvilla" mín, sé kannski ekki svo vitlaus eftir allt saman.

Ómar getur verið margfaldur, en þó aldrei tvöfaldur... í roðinu

[Vilhjálmur Árnason, 28.12.2008 kl. 03:33]

Mig langar að spurja þig. Vegna þess að þú virðist vera ágætt dæmi um þverskurð þjóðarinnar. Þverskurður sem virðist vera algjörlega sáttur við þá stefnu sem sigldi okkur í strand. Og þeesi þverskurður sem er mjög illa við að segja eða gera eitthvað sem ruggar bátnum. Uss þetta má nú ekki, þetta eru ólæti.

Ég veit ekki hvort að þetta er meðvituð hugsun hjá fólki sem kaus annaðhvort Samfylkingu eða Sjálfstæðisflokk og er líka bara samþykk því að fólk sem sé bundið í skuldafjötra og og svo á að redda málunum með evru. Sorglegt.

Hvaða viti borni maður hrópar gegn þessu óréttlæti.

Ég vorkenni þér. Það hlítur að vera erfitt að ljúga að sjálfum sér allan daginn.

[Gunnar Th. Gunnarsson, 28.12.2008 kl. 03:55]

Ég finn nú enga vitræna spurningu í þessu hjá þér Vilhjálmur.

[Baldur Hermannsson, 28.12.2008 kl. 03:59]

Ég sé hana ekki heldur - en hún hlýtur að vera á leiðinni.

[linda (IP-tala skráð) 28.12.2008 kl. 11:32]

Makalaust alveg hreint. Þannig að þú ert á móti lýðræði, en situr við tölvuna þína og skrifar niður nýjasta hugmyndarúnkið sem þér finnst sjálfssagt skipta máli. Hver er tilgangur þess að drulla yfir fólk sem ver rétt sinn?

[Gunnar Th. Gunnarsson, 28.12.2008 kl. 12:43]

Þetta er óskiljanleg athugasemd hjá þér Linda. Fórstu blogg-villt?