Fyrrverandi blaðamaður DV

Reynir Traustason... úff. Það hlýtur að vera leitun að öðrum eins hræsnara. Jón Bjarki Magnússon, sá er skrifaði þessa grein fyrir DV, titlar sig nú fyrrverandi blaðamann á DV. Í athugasemdarkerfinu á síðunni sem Mbl. greinin krækir í;  http://this.is/nei/?p=1416&cpage=1#comment-434 keppist fólk við að hrósa blaðamanninum fyrir meinta hetjudáð sína. Ég setti inn athugasemd og sagði eftirfarandi:

"Jón Bjarki, þú titlar þig fyrrverandi blaðamann á DV. Hver er skýringin á því? Var þér sagt upp? Ég er ekki tilbúinn að kvitta fyrir það, að þessi birting núna sé einhver sérstök hetjudáð. Það er allt eins hægt að túlka þetta sem gunguskap, að birta þetta ekki fyrr en þú ert hættur á blaðinu. Er þetta kannski hefnd fyrir uppsögnina? Sá spyr sem ekki veit".

Klárlega hefði þetta verið flott hjá blaðamanninum ef hann hefði verið enn starfandi á blaðinu, en heldur finnst mér hetjudáðin rýrna við það að hann bíði með að birta þetta þar til hann er hættur hjá blaðinu. En gott framtak engu að síður.

Hr. Forseti vor, Ólafur Ragnar Grímson, passaði upp á vald auðmannanna eins og sannur varðhundur, með því að neita að skrifa upp á fjölmiðlalögin. Fyrir það munu fjárglæframennirnir vera honum ævinlega þakklátir. En þeir áttu auðvitað hönk í baki hans. Eftir forsetaframboðið 1996, dró Hr. Ólafur digran skuldahala á eftir sér. Baugsveldið mun hafa létt þann drátt fyrir hann. Þessir aðilar passa upp á hvern annan.

Frétt DV stöðvuð

Athugasemdir

[Guðjón Heiðar Valgarðsson, 15.12.2008 kl. 16:45]

hann sagði upp vegna málsins! svo það sé á hreinu.

[Gunnar Th. Gunnarsson, 15.12.2008 kl. 16:49]

OK, takk fyrir þetta

[Gunnar Th. Gunnarsson, 15.12.2008 kl. 16:51]

Það hefði verið klókt hjá honum að bíða með það, til að sjá hvort honum yrði sparkað fyrir þetta.

[Guðjón Heiðar Valgarðsson, 15.12.2008 kl. 16:55]

hann hefði varla getað unnið mikið lengur eftir þetta... það væri ekkert grín að fara að mæta til vinnu með þessum gaurum eftir eitthvað svona. Hans vegna... auk þess er það táknrænt að segja af sér þegar svona á sér stað, og fáir sem myndu þora því á þessum tímapunkti.

[Gunnar Th. Gunnarsson, 15.12.2008 kl. 16:58]

Svar Jóns Bjarka:

"Ég sendi póst á Reyni í gærkvöldi og tjáði honum að ég yrði að hætta að vinna hjá blaðinu og segja frá því sem gerðist. Ég hefði auðvitað átt að greina frá þessu strax, en reyndi að telja mér trú um að rétt væri að þegja. Þangað til ég gat ekki annað en komið þessu frá mér".

Flott hjá honum.

[Gunnar Th. Gunnarsson, 15.12.2008 kl. 17:09]

Ég verð þó að segja að ég furða mig á viðbrögðunum við greininni. Hún er tiltölulega saklaus. Hvernig eru þá blaðamenn handeraðir ef meira kjöt er á beinunum en þetta?