FME verður fórnað

Ég spái því að Fjármálieftirlitið verði gert að sökudólgi, en þeim til málsbóta verður alþjóðlegri krísu kennt einnig um, óyrirséðri og fordæmislausri þróun, lánsfjárþurrð o.s.f.v.  Ef Alþingismönnum og/eða ráðherrum verði gert að sæta ábyrgð, þá sleppa sennilega þingmenn VG, því þeir sitja yfirleitt hjá í öllu sem kosið er um. 

Samstaða um rannsóknarnefnd

Athugasemdir

[Guðrún gg (IP-tala skráð) 12.12.2008 kl. 17:26]

Fjármálanefndin má fara en fólk verður ekki sátt fyrr en raunverulegu sökudólgarnir/útrásarliðið fer á sakabekk

[Árni Gunnarsson, 12.12.2008 kl. 17:36]

Fórnað! Ég tel ekki að neinum sé verið að fórna þó Fjármálaeftirlitið yrði leyst frá störfum. Þær einu skýringar sem ég hef heyrt frá fortöðumanninum eru að stofnunin sé fjársvelt. Mér kemur á óvart ef svo er. Samkvæmt nýjustu fréttum eru tveir æðstu menn stofnunarinnar með samanlagt 2,95 milljónir í mánaðarlaun. Ef markmiðið með þessu öryggistæki er ekki yfigripsmeira en að gefa Ríkisféhirði upp rétt bankanúmer á launareikningi höfum við ekkert með þessa menn að gera. Ég þekki afreksmenn í vinnuafköstum sem hafa fjórðung af þessum launum. En auðvitað verður að stórauka fjármuni til allra verkefna sem koma að rannsókn á því fjármálasukki sem hér hefur viðgengist fyrir allra augum og endaði í skelfilegustu brotlendingu sem sögur fara af.

Mín skoðun er sú að miklu hefði verið hægt að bjarga ef þeir embættismenn stjórnsýslunnar sem áttu að fylgjast með þróuninni hefðu unnið vinnuna sína.

[Gunnar Th. Gunnarsson, 12.12.2008 kl. 17:54]

100% sammála Árni

[Hlédís, 12.12.2008 kl. 22:46]

Kæri Gunnar Th!   Ég neita að trúa að þú sért bundinn á klafa gamalla flokka-kreddu-gilda.  Hugsaðu með okkur - og hugsaðu margt upp á nýtt! Nú er þess þörf.

[Gunnar Th. Gunnarsson, 13.12.2008 kl. 00:13]

Hver viðurkennir það að hann sé bundinn á klafa flokka-kreddu-gilda? Ekki ég

[Steingrímur Helgason, 13.12.2008 kl. 00:42]

Það einhvern vegin sézt dáldið samt.

Mín hugmynd er að skjóta 9 af hverjum 10 fyrrverandi Sjálfstæðismönnum með chillíkrydduðum lángbogaörvum í betri helmínginn af þeim, miðlægann að aftan, hinum núverandi til viðvörunnnar, fyrir framtíðina.

Dáldið ~radíkalað~, en myndi virka til að gera úr reztinni þokkalegt borðtennizlandzliðið sem senda mætti til Norður Kóreu, í þjálfunarbúðir.

[Már (IP-tala skráð) 13.12.2008 kl. 01:38]

Það sést ekki dálítið :D Steingrímur. Það blasir við.

Gunnar er sárkvalinn eins og allir sjálfstæðismenn.

Þetta er einhver harðasti bókstafstrúarflokkur á jarðkringlunni og ekkert fær breytt þeirra afstöðu.

Ekki einu sinni versta og stærsta þjóðargjaldþrot í sögu siðmenntaðrar þjóðar.

Afleiðingar þessa trúarbragða þessa flokks munu bitna gríðarlega á fólkinu í landinu.

Gæti þessvegna farið svo langt að Íslendingar missi Sjálfstæði sitt vegna skuldabagga.

Alveg eins og að Ríkistjórninn hefur misst raunverulegt umboð sitt til að stýra landinu. Þá hefur Sjálfstæðisflokkur misst réttinn á að halda sínu flokksnafni.

Enda ekkert á bak við nafnið Sjálfstæðisflokkur sem stenst raunveruleikann í dag.

[Gunnar Th. Gunnarsson, 14.12.2008 kl. 06:53]

Fólk virðist álíta að Allsherjarnefnd Alþingis sé einungis skipuð stjórnarliðum, miðað við bloggfærslurnar við fréttina.