Gammur

Lengi hefur verið talið að fuglar af ætt gamma séu þeir fuglar sem fljúga hæst allra fugla þegar þeir láta sig svífa í uppstreyminu í nokkurra kílómetra hæð og leita að hræjum. Gammar hafa einnig afar góða sjón.

Árið 1973 lenti gammur af tegundinni “Ruppells griffon” (Gyps rueppellii) í árekstri við farþegaflugvél úti fyrir ströndum Fílabeinsstrandarinnar og var flugvélin þá í 37.000 feta (11.278 metra) hæð. Fleiri vitnisburðir virðast styðja það að “Ruppells griffon”-gammurinn sé sá fugl sem flýgur hæst allra fugla í heiminum.

( http://visindavefur.hi.is/svar.php?id=1256 )

Green vildi kaupa skuldir Baugs með 95% afslætti

Athugasemdir

[Hallgerður Pétursdóttir (IP-tala skráð) 14.10.2008 kl. 08:44]

Mjög upplýsandi og tilfallandi líkt einhverju þessa dagana. En vel að merkja aumingja fuglinn að lenda í áreksti við flugvél

[Predikarinn - Cacoethes scribendi , 14.10.2008 kl. 08:55]

Hver segir að geislaBAUGSfeðgabúðir í Bretlandi séu að fara á hausinn ? Eru það ekki bara geislaBAUGSfeðgarnir sjálfir ? Bankarnir ættu að senda bókara sína til þessara tuskubúða og kanna efnahagsreikning þeirra sjálfir áður en þeir gefa skuldirnar.

Það er nú mál margra að Green sé nú að koma fram sem "leppur" fyrir Jón Ásgeir og famelíu. JÁJ hefur undanfarið sagt að fyrirtæki þeirra í Bretlandi standi vel og hafi ávallt staðið í skilum með öll lán og afborganir af þeim. Skyndilega, aðeins daginn eftir að hann lýsti þessu síðast yfir í Silfri Egils, þá kemur Green og býður að hann geti keypt skuldir Baugs á 5% af virði þeirra. Stærsta aflúsun Íslandssögunnar ef af yrði. Green fengi ríflega greitt fyrir greiðann af geislaBAUGSfeðgum að sjá um að snýta íslensku þjóðinni um 95% af 3-500.000.000.000 króna skuldum félagsins. Ef eitthvað er að marka Jón Ásgeir yfirleitt þá standa þessi fyrirtæki við skuldbindingar sínar og afborganir og eru í ágætum rekstri og þurfa ekkert á því að halda að íslendingar gefi þeim 3-500 þúsund milljónir. Hann ætti að skammast sðín og reka þessar búðir áfram sínum góða rekstri ( að eigin sögn eins og hann montaði sig af á sunnudaginn var  ) og halda áfram að borga af lánunum sínum ef það er til snefill af heiðarleika í honum.

[Gunnar Th. Gunnarsson, 14.10.2008 kl. 08:57]

Ágæt samsæriskenning... predikari