Af hverju notum við bílbelti?

Mig langar til þess að biðja ykkur um að taka þátt í léttum leik með mér. Þið ykkar sem eigið börn sem eru 7 ára og yngri, eða umgangist börn á þeim aldri, vinsamlegast spyrjið þau eftirfarandi spurningar og biðjið þau að íhuga svarið vel;

Af hverju notum við bílbelti?

Verið tilbúin með blað og blýant til þess að rita niður orðrétt svar barnsins. Ekki reyna að fegra orðavalið á nokkurn hátt, einföld málnotkunn barnshugans gefur okkur heiðarlegasta svarið og þó að svarið virðist í fyrstu vera úr takti við spurninguna, þá gæti leynst í því gullkorn sem vert er að halda til haga.

Svörin megið þið skrifa í athugasemdardálkinn eða senda mér á [e-mail] og ég mun birta þau athyglisverðustu hérna á blogginu.

Ég hef áhuga á að koma með fleiri svona spurningar tengdar umferðinni á næstu vikum og mánuðum og fá "feedback" frá ykkur. Hver veit nema ég noti svör ykkar, þ.e. barnanna ykkar, í lokaverkefni mitt í ökukennaranáminu. Ég er þegar farinn að líta sterklega til forvarna og fræðslustarfs  innan grunnskóla í umferðarmálum, sem innihald lokaverkefnisins, því að þar held ég að séu sóknarfæri í bættri umferðarmenningu "..hér á landi á", eins og skáldið sagði.  

Upp með blað og blýant! Reynið nú einu sinni að vera til gagns á þessu blogg-hangsi ykkar!

 

Athugasemdir

[Helga Guðrún Eiríksdóttir, 20.9.2008 kl. 12:23]

Hér kemur óritskoðað svar minnar sem er tæplega 9 ára:

"-Er það svona seat-belt?" Já. "Það er svo ef við lendum í svona crach þá meiðum við okkur ekki. Við viljum ekki fara til Guð í bílslysi."

(Þess má geta að svarandinn er sjálfskipuð beltalögga á okkar heimili og hún sér til þess að allir séu vandlega festir áður en bíllinn tekur af stað.)

[Gunnar Th. Gunnarsson, 20.9.2008 kl. 17:15]

Flott, gott svar í bankann

[Helga Guðrún Eiríksdóttir, 20.9.2008 kl. 20:18]

Þetta átti að vera crash... en það varð smá brain crash þarna eins og stundum hendir þegar Helgan er in a hurry...