September - staðlota

Nú er að hefjast þriðja staðlotan í ökukennaranáminu. Í þetta sinn "aðeins" 4 dagar, frá miðv.d. til laugard. Ég legg í hann keyrandi í dag en þetta er ca. 8 klt. keyrsla ef maður stoppar lítið. Ég hitti fólk Grundaskóla á Akranesi í fyrramálið varðandi umferðarfræðsluna í grunnskólum. Það verður spennandi að hitta fólkið en Grundaskóli er móðurskóli Umferðarfræðslunnar.

 

Athugasemdir

[Helga Guðrún Eiríksdóttir, 15.9.2008 kl. 09:09]

Rosalega langar mig að sjá þig í "skólabúningi"...

[Gunnar Th. Gunnarsson, 15.9.2008 kl. 10:39]

 Skólabúningar eru fyrir sætar stelpur, ekki miðaldra karla eins og mig

[Helga Guðrún Eiríksdóttir, 15.9.2008 kl. 16:05]

 Það er nú ekki eins og miðaldra karlar séu "over the hill".

[Haraldur Bjarnason, 15.9.2008 kl. 20:08]

Þú ert að fara á Skagann þar tíðkuðust einu sinni skólabúningar í Gagnfræðaskólanu. Svona hálfgerðir blazer jakkar, bláir með merki skólans í barminum. Strákarnir voru svo í dökkum terlínbuxum og stelpurnar í pilsum. En ég held að Skagamenn séu að ná ágætis árangri í umferðarfræðslu þótt eitthvað skorti á með unglingana. Fannst annars að hraðinn hefði minnkað þegar ég var þarna í sumar. Kannski dró ég niður meðalhraðann!! - Gangi þér vel karlinn.

[Helga Guðrún Eiríksdóttir, 16.9.2008 kl. 08:40]

 

[Villi Asgeirsson, 19.9.2008 kl. 20:16]

Miðað við myndina sem þú settir í athugasemdina, Gunnar, held ég að skólabúningar séu akkúrat fyrir miðaldra karlmenn til að slefa yfir... cheeky.

[Gunnar Th. Gunnarsson, 19.9.2008 kl. 20:51]

You got me there, Villi

[Gunnar Th. Gunnarsson, 20.9.2008 kl. 05:40]

Af því þú nefnir Skagann, Haraldur,.....ég kann rosalega vel við Skagamenn og hef alltaf gert. Mér er t.d. ógleymanleg stundin þegar Valur vann Skagann 6-1 í seinni umferð Íslandsmótsins árið 1976, árið sem Valur vann titilinn með fáheyrðum yfirburðum. En Skagamenn fylgdu í humátt á eftir með 6 stigum minna. 

Í þessu Valsliði ´76 voru margir frábærir knattspyrnumenn og nægir að nefna Hemma Gunn, Inga Björn Albertsson, Guðm. Þorbjörnsson. Atla Eðvaldsson, Albert Guðmundsson, Sævar Jónsson að ógleymdum Grími "lækni" Sæmundsen, en hann skoraði eitt mark á knattspyrnuferlinum sem spannaði hátt í tvo áratugi og varð ég vitni að því. Fagnaðarlætin ætluðu aldrei að byrja þegar Grímur skoraði þetta eftirminnilega mark, þrumuskot af um 25 m. færi, í leik sem skipti engu máli. Að sjálfsögðu fagnaði Grímur þessu marki eins og hann hefði skorað sigurmarkið í úrslitaleik HM og hljóp hann sigurhring um völlinn af tilefni þessa merka áfanga.

Á þessum árum var Listahátíð Reykjavíkur að slíta barnsskónum og að þessum 6-1 leik loknum, þá sagði verkfræðineminn í Valsliðinu, hinn eldfljóti Guðmundur Þorbjörnsson í einhverju blaðaviðtali, að "þessi leikur væri framlag Vals til Listahátíðar 1976".