NBA-leikmenn spila 80 leiki

 Körfubolti er auðvitað ekki karlmannsíþrótt eins og handboltinn en þetta eru hrikalegir skrokkar þarna í NBA-deildinni.

Karabatic vill fækka leikjum

Athugasemdir

[Pétur Kristinsson, 4.9.2008 kl. 15:44]

Ha ha, sérðu ekki þversögnina í þessu hjá þér? Af hverju heldur þú að margir af leikmönnunum þarna úti eru svona miklir skrokkar? það er vegna þess að annars myndu þeir aldrei getað staðist þessi átök í þessari deild.

[Pétur Kristinsson, 4.9.2008 kl. 15:47]

Já, og svo má benda á að leikirnir eru ekki 82 heldur mun fleiri. 15-20 leikir í undirbúning og þau lið sem ná langt í úrslitakeppninni spila allt upp í 28 leiki í viðbót ef þau fara alla leið. Og ef þetta er ekki nóg að þá eru helstu stjörnurnar líka að spila með sínum landsliðum á sumrin.

Hef alltaf sagt það og þetta undirstrikar það að þegar maður sér "kalla" eins og Karabatic kvarta svona að þá segi ég og skrifa að þetta eru bölvaðar væluskjóður.

[Gunnar Th. Gunnarsson, 4.9.2008 kl. 16:19]

Já, ég er að meina það að þó þetta sé ekki snerti-íþrótt eins og handboltinn þá þarf mikið þrek til að bera þessa skrokka og þeir þurfa að æfa mikið.

En því er ekki að neita að leikjaálagið er mikið, ekki bara í handbolta. Fótbolta líka o.fl.

[Pétur Kristinsson, 4.9.2008 kl. 16:53]

Þetta er náttúrulega einhver skrýtnasta klisja sem hefur orðið til í kringum einhverja eina íþróttagrein. Vissulega var körfuboltinn upphaflega leikur án snertingar en hann er langt frá því að vera það í dag. Ég æfði og spilaði allar þessar íþróttagreinar sem eru hér til umræðu og ætli krafan um líkamlegt atgerfi sé ekki minnst í knattspyrna þar sem krafan um mikið úthald kemur í staðinn.

Það er nánast skylda að lyfta og lyfta mikið í NBA deildinni og það er ekkert að ástæðulausu. Þú finnur örugglega ekki meiri íþróttamenn í boltaíþróttum . Eins og ég segi, ég vorkenni ekki handboltamönnum að þurfa að vera að spila þetta marga leiki.

[Gunnar Th. Gunnarsson, 4.9.2008 kl. 17:16]

Einmitt, ég vissi líka að einhver körfuboltamaður myndi gera athugasemd við þetta hjá mér

[Vilhjálmur Halldórsson (IP-tala skráð) 4.9.2008 kl. 18:01]

Gaman að sjá svona líflegar umræður.

Eitt sem mig langar nú að bæta aðeins við, en það er varðandi þessa NBA-gaura. Ég hef nú heyrt það af litlum fugli að það sé nú ekki alveg "hreinir" vöðvar sem þessir menn hafa þarna í NBA. Enda vitað mál að það er ekki tekið jafnharf á þessum lyfjamálum þarna eins og annars staðar t.d. Evrópu.

[Pétur Kristinsson, 4.9.2008 kl. 20:03]

Það er mikið til í þessu hjá þér Vilhjálmur. Dwight Howard og LeBron James eru 22 og 23 ára gaurar en þessi massi sem þessir menn eru með utan á sér eru að öllum líkindum ekki eingöngu búinn til í lyftingasalnum.

En það er ekkert sannað í þessum efnum og þessir kallar skriðu í gegnum lyfjaprófin á olympíuleikunum og þau próf eru ströng. En manni finnst þetta skrýtið.