Skoðanakannannaflokkarnir

 Allir eru voða góðir í hjarta sínu. A- flokkarnir, Samfylkingin og    V-grænir gera út á gamlar hippahugsjónir þar sem öll dýrin í skóginum eru vinir, allir með blóm í hárinu og frjálsar ástir og gert er ráð fyrir jafnri verkaskiptingu í kommúnunni. "Þú berð úr býtum það sem þú þarft og leggur af mörkum eins og þú getur".    

Kannast einhver við þennan frasa? Auðvitað gengur þessi fílósófía ekki upp til lengdar, en hugsjónin er voða falleg. Er þett ekki annars lokamarkmið jafnaðarmannahugsjónarinnar? Ég held nefnilega að það sé ekki svo ólíkt lokatakmarkið hjá kommúnistum og jafnaðarmönnum.

A- flokkarnir hafa oft komið vel út úr skoðanakönnunum, en þegar á hólminn er komið í kjörklefanum, þá fá margir efasemdir. Það hafa margir á tilfinningunni að þessir flokkar geri út á poppúlisma.

Ps. Nei.... vinstrafólk í dag er of forpokað til að samþykkja frjálsar ástir. Það "klámvæðir" conceptið eins og skot.

Minni á skoðanakönnun hér til hliðar.

Samfylkingin með mest fylgi

Athugasemdir

[Árni Gunnarsson, 1.9.2008 kl. 19:42]

Ég er svo voða hræddur um að stjórn vinstri flokkanna sé bara ávísun á spillingu! Hvað heldur þú um það Gunnar minn?

Svo yrðum við nú fljót að glutra niður stöðugleikanum í efnahagsmálum okkar.

[Gunnar Th. Gunnarsson, 1.9.2008 kl. 19:46]

Ég veit að þetta er kaldhæðni hjá þér Árni, en þig grunar ekki hve nærri sannleikanum þú ert.

[Páll G. (IP-tala skráð) 1.9.2008 kl. 19:47]

þetta er svo dæmigerð ofureinfölduð viðhorf gagnvart þeim flokkum sem leggja einhverja áherslu á jöfnuð í þjóðfélaginu.

Er þá ekki eins hægt að segja að sjálfstæðisflokkurinn standi fyrir því að þeir ríku arðræni þá sem fátækari séu og ef þú lendir í ógöngum í lífinu þá bara sorry elskan, súpueldhúsið er þarna og hérna er poki til að safna dósum í.

hmm kannski nokkuð til í þessu þegar maður fer nú að hugsa þetta betur

p.s. er algjörlega fylgjandi frjálsum ástum, bara að það sé ekki verið að rukka fyrir atlotin

[Valsól (IP-tala skráð) 1.9.2008 kl. 19:50]

Nei þessi fílósófía gengur ekki upp, nema á Norðurlöndunum.

[Gunnar Th. Gunnarsson, 1.9.2008 kl. 21:21]

[Gunnar Th. Gunnarsson, 1.9.2008 kl. 21:23]

 Þetta er frændi minn.... ættarsvipurinn leynir sér ekki

[Axel Jóhann Hallgrímsson, 1.9.2008 kl. 22:11]

Var Árni að tala um stöðugleika? 14,5% verðbólga á hraðri uppleið, fjölda atvinnuleysi handan við hornið. Stöðnun á fasteignamarkaði o.s.f.v. Þú þarft ný gleraugu Árni.

Og Geiri strútur enn með höfuðið á kafi í sandinum. Hann telur nefndir Alþingis hafa verið á fullu í allt sumar þótt enginn hafi orðið var við líf. Ef þetta er stöðuleiki þá er ekki von á góðu ef ókyrrist.

Þetta er aumasta ríkisstjórn síðan ríkisstjórnartuska Gunnars Th. lagði upp lappirnar. Gunnar var þó með bein í nefinu. Geir er gunga.

[Árni Gunnarsson, 1.9.2008 kl. 23:58]

Já, Axel. Þessi gleraugu eru orðin helvítis ræksni. En varstu að meina ríkisstjórn Gunnars Th. Gunnarssonar eða Gunnars Thoroddsen?

[Helga Guðrún Eiríksdóttir, 2.9.2008 kl. 00:49]

Rosalega finnst mér Palli flottur!

[Sigurjón, 4.9.2008 kl. 00:21]

Við Sjallarnir náum okkur upp.  Það er ekki spurning.

[Gunnar Th. Gunnarsson, 4.9.2008 kl. 10:18]

Já, það væri engin skynsemi í öðru Sigurjón