Húmbúkk og þvæla

"Þar kemur jafnframt fram að efnahagslegur ávinningur Íslands af þessum framkvæmdum sé lítill"

Eru einhverjir aðrir en öfgasinnaðir umhverfisvaktarar sem taka mark á niðurstöðum um efnahagslegan ávinning framkvæmda frá umhverfissamtökum? Eru niðurstöður svoleiðis samtaka trúverðugar?

"Samtökin voru stofnuð í ljósi þess að meirihluti þeirra plöntu- og dýrategunda sem orðið hafa útdauðar síðustu fjögurhundruð árin lifðu á eyjum heimsins og vinna samtökin ötullega að því að sporna gegn þessari ógnvekjandi þróun"

Frá upphafi lífs á jörðinni hafa plöntur og dýr komið og farið. Hvað er svona ógnvekjandi við það?

Ég sé enga ástæðu til þess að óska Ómari til hamingju með þennan hégóma. Eflaust kitlar þetta þó hégómagirnd hans og meðreiðarsveina hans og líklega verður þessu flaggað í tíma og ótíma sem rökum í umræðunni um náttúruvernd.

 

Ómar Ragnarsson verðlaunaður

Athugasemdir

[Sigurgeir Orri Sigurgeirsson, 6.8.2008 kl. 18:33]

Mikið til í þessu.

[Sigurður Hrellir, 6.8.2008 kl. 23:53]

Gunnar, þú er svo skelfing fyrirsjáanlegur. "Öfgasinnaðir umhverfisvaktarar". Eru allir andstæðingar gegndarlausrar stóriðjustefnu í þeim flokki? Þú hlýtur að vera orðinn hás hrópandi svona einn þíns liðs.

[Gunnar Th. Gunnarsson, 7.8.2008 kl. 01:03]

Einn míns liðs... hehe. Þú heldur það já.

Hver hefur stóriðjustefnu?? Ég þekki engan, fræddu mig. Þú hefur kannski ekki fylgst nægileg með, en ríkisstjórnin hefur ekkert með ákvarðanir varðandi stóriðju að gera. Sveitarstjórnarmenn á Húsavík... þeir eru áhugasamir um að nýta orkuna á Norð-Austurlandi sér til framdráttar. Er það "gengdarlaus stóriðjustefna"?

[Karl Ólafsson, 8.8.2008 kl. 01:44]

Ómar er vel að þessum verðlaunum kominn, sama hvort þú ert sammála áherslum hans eða ekki.

Heimildasöfnun hans um landið sem hefur farið og mun fara undir lónin á Austurlandi er ómetanleg til framtíðar. Það er reyndar athyglisvert að nánast eini aðilinn sem hefur styrkt hann til þessarar heimildasöfnunar, að því er ég best veit, er Landsvirkjun. Víst eru skoðanir hans á stundum öfgafullar, en það getur enginn haldið því fram að hann sé ekki velmeinandi og umhugað um framtíð byggðar á Íslandi og framtíð náttúrunnar okkar.

[Gunnar Th. Gunnarsson, 8.8.2008 kl. 02:36]

Ég er alveg sammála því Karl að mjög margt sem Ómar hefur gert er aðdáunarvert.