KFF - Fylki frestað

Leik KFF og Fylkis í Lengjubikarnum í Fjarðabyggðahöllinni á Reyðarfirði hefur verið frestað. Það eru vonbrigði því liðið okkar, KFF (Knattspyrnufélag Fjarðabyggðar) er skemmtilegt á að horfa. Liðið er eingöngu byggt á íslenskum leikmönnum, utan markvarðarins, hins 32 ára gamla Srdjan Rajkovic, sem verið hefur í herbúðum félagsins frá stofnun þess árið 2001. Afar traustur og góður markvörður og m.a. kosinn leikmaður ársins 2005 og 2007 og valinn í lið ársins í 1. deild 2007. Það er athyglisvert hve góðum árangri liðið hefur náð og vonandi nær það að spila meðal þeirra bestu innan tíðar.

Ég hefði reyndar viljað velja liðinu eitthvert fallegt nafn, annað en Knattspyrnufélag Fjarðabyggðar. Einhverjar tillögur? Gerpir var einhverntíma til hér eystra, en ekki lengur að ég held. Gerpir er austasti tangi Íslands og er í Fjarðabyggð. Kannski ekki fallegt nafn, en svolítið sérstakt.

KFF, íslandsmeistari 2. deildar 2006

Enn tafir á flugi

Athugasemdir

[Gunnar Th. Gunnarsson, 20.3.2008 kl. 16:02]

Austri er nafnið á knattspyrnufélaginu á Eskifirði. Ég væri alveg til í að félag okkar Fjarðabyggðarbúa bæri það nafn. Enda alveg laus við allan hrepparíg

[Ingi Lár Vilbergsson (IP-tala skráð) 21.3.2008 kl. 01:03]

Gerpir er líka nafn á björgunarsveitinni á Norðfirði.

 http://www.123.is/gerpir/  

[Gunnar Th. Gunnarsson, 21.3.2008 kl. 10:04]

Alveg rétt, var búinn að gleyma því. En það er svo sem þekkt að félög beri sama nafn