Ekki sniðin fyrir stjórnarandstöðu

Ingibjörg Sólrún er dæmi um stjórnmálamann sem klæðir afar illa að vera í stjórnarandstöðu. Sennileg lík fjandmanni sínum númer eitt, Davíð Oddssyni hvað það varðar. Á sokkabandsárum hennar sem borgarstjóri í Reykjavík, stóð hún sig yfirleitt mjög vel í viðskiftum sínum við fjölmiðla. Var skelegg og sjálfsörugg og valtaði oft yfir andstæðinga sína í rökræðum. Á þeim árum var ég nett hrifinn af henni.

En svo komu nokkur mögur ár og þá féll sjarminn með brambolti. Hún varð fyrir pólitískum áföllum trekk í trekk en bjargaði sér þó fyrir horn þegar hún bar sigurorð á Össuri í kjöri til formanns Samfylkingarinnar. Hún virkaði hins vegar síður en svo sannfærandi í kosningabaráttunni fyrir Alþingiskosningarnar, enda var hún enn í stjórnarandstöðu. Breytingarnar á Ingibjörgu eftir að hún varð utanríkisráðherra eru dramatískar. "Extreme makover" hefði ekki gert meira fyrir hana en ráðherrastóllinn.

Myndin er ekki tekin á Kabúl flugvelli í góða veðrinu þar.

„Getum verið stolt af Íslendingunum“