Þvagleggsmálið

Þann 26. feb. sl. féll dómur í þvagleggsmálinu svokallaða. Konan var dæmd sek og til sektar og ökuleyfissviptingar.  Auk þess fékk hún 30 daga skilorðsbundið fangelsi.

Einn af ákæruliðunum snéri að meintum hótunum Maríu í garð lögreglumanna. Hótaði hún meðal annars tveimur lögreglumönnum lífláti á lögreglustöðinni. Hún neitaði því fyrir dómi en sagðist að öðru leyti ekki muna eftir atvikinu.

Nú á eftir að dæma í máli konunnar gegn valdsstjórninni þar sem hún kærir valdbeitinguna og "kynferðislega áreitni". (Hún man það þó) Svakalegur hiti var í þeim sem fremstir fóru í bloggheimum og fordæmdu vinnubrögð lögreglunnar. Skilja mátti suma þannig að læknirinn og hjúkrunarfræðingurinn sem framkvæmdu þvagleggsaðgerðina með hjálp lögreglunnar, væru meiri glæpamenn en konan. Það verður spennandi að sjá dómsniðurstöðuna úr því máli.