Framkvæmdir hafnar við nýjan veg um Hólmaháls

Í byrjun vikunnar hófst vinna við gerð nýs vegar um Hólmaháls. Vegurinn verður 5,1 km. langur og 7,5 metrar á breidd og liggur u.þ.b. 60 metrum lægra yfir hálsinn en sá eldri. Það er verktakafyrirtækið Suðurverk sem annast verkið, en þeir buðu tæpar 270 milljónir kr. í framkvæmdina, sem er 67,7% af kostnaðaráætlun Vegagerðarinnar. Verkinu á að verða að fullu lokið 1. októtóber 2009.

Á myndinni hér að ofan sést grafa komin á full swing fyrir ofan hina kostugu og landsfrægu kirkjujörð forðum, Hólma. Fjær hægra megin á myndinni sést álver Alcoa. Fimm km. enn innar í firðinum og í hvarfi frá álverinu er svo Reyðarfjörður sem áður hét Búðareyri, en nafninu var formlega breytt á áttunda áratug síðustu aldar. Grafan er heldur nær Eskifirði en Reyðarfirði, en 15 km. eru á milli staðanna.

Reiknað er með að umferð verði hleypt á hluta vegarins strax í haust, þ.e. þann hluta sem er brattastur og efiðastur í dag og það verður gríðarlega gott að losna við þann kafla.

Athugasemdir

[Einar Bragi Bragason., 28.2.2008 kl. 00:46]

en er ekki Hólmahálssvæðið friðað...

[Gunnar Th. Gunnarsson, 28.2.2008 kl. 08:17]

Hólmanesið er friðað en ég veit ekki hversu hátt það nær upp í hálsinn. Það var skoðað að fara töluvert neðar með veginn en horfið frá því, m.a. vegna umhverfissjónarmiða.

[Arnór Baldvinsson (IP-tala skráð) 9.3.2008 kl. 04:49]

Sæll Gunnar,

Mál til komið að þoka þessum kafla niður á við!  Maður hefur ósjaldan farið þarna um við slæmar aðstæður, þoku, snjókomu og fljúgandi hálku og verið lítil tilhlökkunarefni að fara upp og enn síður að fara niður;)  Það verður sjálfsagt búið að ganga frá þessu áður en ég kem næst svo ég hlakka til að skoða þennan nýja veg og heimsækja völvuleiðið á Hólmahálsi:)

Kveðja frá San Antonio, Texas:)

[Gunnar Th. Gunnarsson, 9.3.2008 kl. 15:07]

Sæll Arnór, mér skilst að eitthvert klúður hafi verið í útboðslýsingunni af hálfu vegagerðarinnar. Þeir gleymdu víst að dagsetja verklokin á framkvæmdinni  Annars voru áætluð verklok á þessum kafla næsta haust. Vonandi að það gangi eftir þannig að þetta verði síðasti veturinn með þennan skelfilega vegarkafla.