Gunnar Th. Gunnarsson

Myndir frá Reyðarfirði

Myndirnar hér að neðan eru teknar af síðu ferðaklúbbsins 4x4: http://www.f4x4.is/new/

Þarna má sjá nýbyggingar út um allt, en á Reyðarfirði var hægt að telja á fingrum annarar handar þær byggingar sem smíðaðar höfðu verið sl. 10 ár, fyrir álversframkvæmdirnar. Stóra húsið með hvolfþakinu er knattspyrnuhöllin sem vígð var sl. sumar og hægra megin við það eru 3 af 4 nýjum 7 hæða blokkum. Vinstra megin á myndinni uppi á melnum sést nýtt hverfi rísa. Hægra megin við blokkirnar (út úr mynd) er tvö önnur ný hverfi.

Álverið í byggingu árið 2006. Fyrir ofan ljósmyndarann sést í starfsmannaþorp Bechtel, bandaríska verktakans sem byggði álverið, en þar voru um 1.600 manns, flestir frá Póllandi, þegar mest var. Yst vinstra megin á myndinni sést í nýtt hverfi austast í bænum. Álverið sést ekki frá þéttbýlinu.

Álverið í byggingu haustið 2006. Hólmanes í baksýn. Strompurinn sem sést á milli kerskálanna er 78 m. hár, eða svipaður á hæð og Hallgrímskirkjuturn! Og til enn betri glöggvunar á stærð þessa mannvirkis, má benda á bryggjukantinn en hann er 400 m. langur!

Flokkur: Bloggar | 15.2.2008 (breytt 16.2.2008 kl. 01:49) | Facebook