Mistækur markvörður

 Árni Gautur er búinn að vera markvörður no 1 hjá landsliðinu frá árinu 2001 eða í 6 ár. Oft hefur hann staðið sig með prýði en hann hefur alla tíð átt skelfilega daga inn á milli. Hans helsti veikleiki eru fyrirgjafir og það er ástæðan fyrir því að hann hefur ekki þótt boðlegur í enska boltanum.

Ég efast um að nokkur íslenskur landsliðsmarkmaður hafi hirt boltan oftar úr netinu en hann. Ég tók saman að gamni þá leiki sem hann hefur fengið á sig 3 mörk eða fleiri í leik frá árinu 2001 og þeir eru hvorki fleiri né færri en 20. Í þeim leikjum hefur hann hirt boltan úr netinu 72 sinnum!, eða að meðaltali 3.6 mörk í leik.

Auðvitað hefur vörnin stundum verið hriplek og í sumum þessara leikja varði hann ágætlega, en alltaf hefur mér fundist samt að slatti af mörkunum hefði hann átt að koma í veg fyrir. 

Það er lenska með val á íslenska landsliðinu að atvinnumenn séu sjálfvaldir í liðið. Það eru ófagleg vinnubrögð. Það á að velja þá sem eru að standa sig best hverju sinni. 

Árni Gautur hættur hjá Vålerenga

Athugasemdir

[Guðmundur Arnar Guðmundsson, 16.11.2007 kl. 08:05]

Ef hefði átt að velja þá menn sem standa sig best hverju sinni þá hefði Ívar Ingimarsson aldrei átt heima í Íslenska landsliðinu.

[Jóhann Elíasson, 16.11.2007 kl. 14:41]

Það sem kom svo vel fram í þessari grein Gunnar, eru algjörlega óásættanleg vinnubrögð við að velja menn til að spila fótbolta fyrir Íslands hönd, hingað til hefur ekkert verið valið, það er bara notuð formúlan "atvinnumaður í fótbolta=landslið Íslands í fótbolta.  Þessi "formúla" er alltaf notuð hvort sem maðurinn er að standa sig vel eða illa, viðkomandi virðist alltaf eiga greiða leið í landsliðið.  Þetta er hlutur sem nýr landsliðsþjálfari þarf að taka á.

[Gunnar Th. Gunnarsson, 16.11.2007 kl. 15:16]

Já, við erum með eitt besta landslið heims í handbolta og þar er yfirleitt ekki notast við atvinnumenn sem komast ekki í lið sín.